ഒമിക്രോൺ വ്യാപനം അതിവേഗം; യൂ​റോ​പ്പി​ൽ കർശന നി​യ​ന്ത്ര​ണ​ം ​

ബ്ര​സ​ൽ​സ്​: ഒ​മി​ക്രോ​ൺ അ​തി​വേ​ഗം പ​ട​രു​ന്ന സാ​ഹ​ച​ര്യ​ത്തി​ൽ കോ​വി​ഡ് നി​യ​ന്ത്ര​ണ​ങ്ങ​ൾ പു​നഃ​സ്ഥാ​പി​ച്ച് യൂ​റോ​പ്യ​ൻ രാ​ജ്യ​ങ്ങ​ൾ. ജ​ർ​മ​നി​യും പോ​ർ​ച്ചു​ഗ​ലും ക്രി​സ്മ​സി​ന് ശേ​ഷം നി​യ​ന്ത്ര​ണ​ങ്ങ​ളും സാ​മൂ​ഹി​ക അ​ക​ല​വും ക​ർ​ശ​ന​മാ​യി ന​ട​പ്പാ​ക്കാ​ൻ തീ​രു​മാ​നി​ച്ചി​രി​ക്കു​ക​യാ​ണ്. യൂ​റോ​പ്യ​ൻ മേ​ഖ​ല​യി​ലെ 53 രാ​ജ്യ​ങ്ങ​ളി​ൽ 38ൽ ​ഒ​മി​ക്രോ​ൺ സ്ഥി​രീ​ക​രി​ച്ചി​ട്ടു​ണ്ട്.

ഫ്രാ​ൻ​സി​ൽ ക​ഴി​ഞ്ഞ​ദി​വ​സം 70,000 ആ​ളു​ക​ൾ​ക്കാ​ണ്​ കോ​വി​ഡ്​ സ്ഥി​രീ​ക​രി​ച്ച​ത്. കൂ​ടു​ത​ലും ഒ​മി​ക്രോ​ൺ വ​ക​ഭേ​ദ​മാ​ണ്. ഈ ​വ​ർ​ഷാ​വ​സാ​ന​ത്തോ​ടെ ഫ്രാ​ൻ​സി​ൽ പ്ര​തി​ദി​ന രോ​ഗി​ക​ളു​ടെ എ​ണ്ണം ഒ​രു ല​ക്ഷം ക​ട​ക്കു​മെ​ന്നാ​ണ്​ മു​ന്ന​റി​യി​പ്പ്. കോ​വി​ഡ്​ വ്യാ​പ​നം കു​റ​ക്കാ​നു​ള്ള തീ​വ്ര​ശ്ര​മ​ത്തി​ന്‍റെ ഭാ​ഗ​മാ​യി ഫ്രാ​ൻ​സി​ൽ അ​ഞ്ചി​നും 11 വ​യ​സ്സി​നും ഇ​ട​യി​ൽ പ്രാ​യ​മു​ള്ള കു​ട്ടി​ക​ൾ​ക്ക്​ വാ​ക്സി​ൻ ന​ൽ​കി​ത്തു​ട​ങ്ങി. അ​തേ​സ​മ​യം, 12 മു​ത​ൽ 15 വ​യ​സ്സു​വ​രെ​യു​ള്ള കു​ട്ടി​ക​ൾ​ക്ക്​ ബൂ​സ്റ്റ​ർ ഡോ​സ്​ ത​ൽ​കാ​ലം ഇ​ല്ലെ​ന്നും അ​ധി​കൃ​ത​ർ പ​റ​ഞ്ഞു.

28 മു​ത​ൽ ജ​ർ​മ​നി​യി​ൽ രാ​ത്രി ക്ല​ബു​ക​ൾ​ക്ക് നി​രോ​ധ​ന​മേ​ർ​പ്പെ​ടു​ത്തി. 10 പേ​രി​ൽ കൂ​ടു​ത​ലു​ള്ള ഒ​ത്തു​ചേ​ര​ലു​ക​ൾ​ക്കും നി​രോ​ധ​ന​മു​ണ്ട്. ഫു​ട്ബാ​ൾ മ​ത്സ​ര​ങ്ങ​ൾ അ​ട​ഞ്ഞ സ്​​റ്റേ​ഡി​യ​ങ്ങ​ൾ​ക്കു​ള്ളി​ൽ ന​ട​ക്കും. കൊ​റോ​ണ വൈ​റ​സി​ന് ക്രി​സ്മ​സ് അ​വ​ധി ബാ​ധ​ക​മ​ല്ലെ​ന്ന് ജ​ർ​മ​ൻ ചാ​ൻ​സ​ല​ർ ഒ​ല​ഫ് ഷോ​ൾ​സ് ക​ഴി​ഞ്ഞ ദി​വ​സം മു​ന്ന​റി​യി​പ്പ് ന​ൽ​കി​യി​രു​ന്നു. പോ​ർ​ച്ചു​ഗ​ലി​ൽ ബാ​റു​ക​ളും രാ​ത്രി ക്ല​ബു​ക​ളും ഡി​സം​ബ​ർ 26 മു​ത​ൽ പ്ര​വ​ർ​ത്തി​ക്കി​ല്ല. ജ​നു​വ​രി ഒ​മ്പ​തു​വ​രെ വ​ർ​ക് ഫ്രം ​ഹോം നി​ർ​ബ​ന്ധ​മാ​ക്കി. ഒ​ത്തു​ചേ​ര​ലു​ക​ളി​ൽ 10ൽ ​കൂ​ടു​ത​ൽ പേ​ർ പാ​ടി​ല്ല.

ഫി​ൻ​ല​ൻ​ഡി​ൽ ബാ​റു​ക​ളും റ​സ്റ്റാ​റ​ന്‍റു​ക​ളും ക്രി​സ്മ​സ് ത​ലേ​ന്ന് രാ​ത്രി 10ന് ​അ​ട​ക്ക​ണം. ഡി​സം​ബ​ർ 28 മു​ത​ൽ റ​സ്റ്റാ​റ​ന്‍റു​ക​ൾ വൈ​കീ​ട്ട് ആ​റു​വ​രെ മാ​ത്ര​മേ പ്ര​വ​ർ​ത്തി​ക്കാ​വൂ. പു​റ​ത്തു​നി​ന്നു​ള്ള​വ​ർ കോ​വി​ഡ് നെഗ​റ്റീ​വ് സ​ർ​ട്ടി​ഫി​ക്ക​റ്റ് കാ​ണി​ക്ക​ണം.

സ്വീ​ഡ​നി​ൽ ബാ​റു​ക​ളും ക​ഫേ​ക​ളും റ​സ്റ്റാ​റ​ന്‍റു​ക​ളും സീ​റ്റു​ക​ൾ​ക്ക് ആ​നു​പാ​തി​ക​മാ​യി മാ​ത്ര​മേ ആ​ളു​ക​ളെ പ്ര​വേ​ശി​പ്പി​ക്കൂ. സാ​ധ്യ​മാ​യ​വ​രോ​ടെ​ല്ലാം വീ​ട്ടി​ലി​രു​ന്ന് ജോ​ലി​ചെ​യ്യാ​ൻ നി​ർ​ദേ​ശി​ച്ചി​ട്ടു​ണ്ട്. നെ​ത​ർ​ല​ൻ​ഡി​ൽ തി​ങ്ക​ളാ​ഴ്ച മു​ത​ൽ ന ലോ​ക്ഡൗ​ൺ നി​ല​വി​ലു​ണ്ട്. മ​റ്റ് യൂ​റോ​പ്യ​ൻ രാ​ജ്യ​ങ്ങ​ളി​ൽ ക്രി​സ്മ​സി​ന് പി​ന്നാ​ലെ​യാണ്​ നിയന്ത്രണം.

ഇ​സ്രാ​യേ​ലി​ൽ കോ​വി​ഡ്​ വാ​ക്സിന്‍റെ നാ​ലാം ഡോ​സ്​

ജ​റൂ​സ​ലം: ഒ​മി​ക്രോ​ൺ പ്രതിരോധിക്കാൻ കോ​വി​ഡ് 19 വാ​ക്‌​സി‍െൻറ നാ​ലാം ഡോ​സ് ന​ൽ​കു​ന്ന ആ​ദ്യ​ത്തെ രാ​ജ്യ​മാ​കാ​നൊ​രു​ങ്ങി ഇ​സ്രാ​യേ​ൽ. 60 വ​യ​സ്സി​നു മു​ക​ളി​ലു​ള്ള​വ​ർ​ക്കും ആ​രോ​ഗ്യ​പ്ര​വ​ർ​ത്ത​ക​ർ​ക്കും നാ​ലാ​മ​ത്തെ ഡോ​സ് ന​ൽ​കാ​നാ​യി ആ​രോ​ഗ്യ​വി​ദ​ഗ്ധ​ർ ശി​പാ​ർ​ശ ചെ​യ്തു. ഒ​മി​ക്രോ​ൺ ബാ​ധി​ച്ച് ഒ​രു രോ​ഗി മ​രി​ച്ച​തി​നെ തു​ട​ർ​ന്നാ​ണ് പു​തി​യ ന​ട​പ​ടി​യു​മാ​യി ഇ​സ്രാ​യേ​ൽ മു​ന്നോ​ട്ടു​വ​രു​ന്ന​ത്. നേ​ര​ത്തെ ബ്രി​ട്ട​നി​ലും യു.​എ​സി​ലും ഒ​മി​ക്രോ​ൺ മ​ര​ണം സ്ഥി​രീ​ക​രി​ച്ചി​രു​ന്നു. ഇ​തി​ന് പി​ന്നാ​ലെ​യാ​ണ് ഇ​സ്രാ​യേ​ലി​ലും ഒ​മി​ക്രോ​ൺ ബാ​ധി​ച്ച് ഒ​രാ​ൾ മ​രി​ച്ച​ത്. ആ​ദ്യ​മാ​യി വാ​ക്സി​നേ​ഷ​ൻ പൂ​ർ​ത്തീ​ക​രി​ച്ച രാ​ജ്യ​മാ​ണ് ഇ​സ്രാ​യേ​ൽ. ഇ​തി​ന് പി​ന്നാ​ലെ ജ​ന​ങ്ങ​ൾ​ക്ക് ബൂ​സ്റ്റ​ർ ഡോ​സും ന​ൽ​കി​. ഇ​തി​ന് പി​ന്നാ​ലെ​യാ​ണ് ഇ​പ്പോ​ൾ നാ​ലാം ഡോ​സ് വാ​ക്സി​ന് വേ​ണ്ടി​യു​ള്ള പ്ര​വ​ർ​ത്ത​ന​ങ്ങ​ളു​മാ​യി രാ​ജ്യം മു​ന്നോ​ട്ട് പോ​കു​ന്ന​ത്. പ്ര​ധാ​ന​മ​ന്ത്രി ന​ഫ്താ​ലി ബെ​ന​റ്റ് പ​ദ്ധ​തി​യെ സ്വാ​ഗ​തം ചെ​യ്തു. രാ​ജ്യ​ത്ത് 340 പേ​ർ​ക്കാ​ണ്​ ഒ​മി​ക്രോ​ൺ സ്ഥി​രീ​ക​രി​ച്ച​ത്.

ബ്രി​ട്ട​നി​ൽ കോവിഡ്​ സ്വ​യം നി​രീ​ക്ഷ​ണം ഏ​ഴു​ദി​വ​സം

ല​ണ്ട​ൻ: ബ്രി​ട്ട​നി​ൽ കോ​വി​ഡ്​ സ്ഥി​രീ​ക​രി​ച്ച​വ​ർ​ക്ക്​ ഏ​ർ​പ്പെ​ടു​ത്തി​യ സ്വ​യം നി​രീ​ക്ഷ​ണ കാ​ല​യ​ള​വ്​ 10 ൽ ​നി​ന്ന്​ ഏ​ഴു​ദി​വ​സ​മാ​ക്കി കു​റ​ച്ചു. അ​സു​ഖം ഭേ​ദ​മാ​യെ​ന്ന്​ തെ​ളി​യി​ക്കാ​ൻ ക്വാ​റ​ന്‍റീ​ൻ തു​ട​ങ്ങി ആ​റാ​മ​​ത്തെ​യും ഏ​ഴാ​മ​ത്തെ​യും ദി​വ​സ​ങ്ങ​ളി​ൽ എ​ടു​ത്ത കോ​വി​ഡ്​ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റു​ക​ൾ ഹാ​ജ​രാ​ക്ക​ണ​മെ​ന്ന്​ യു.​കെ ആ​രോ​ഗ്യ സെ​ക്ര​ട്ട​റി സാ​ജി​ദ്​ ജാ​വി​ദ്​ അ​റി​യി​ച്ചു.

അ​ടു​ത്തി​ടെ രാ​ജ്യ​ത്തെ പ്ര​തി​ദി​ന കോ​വി​ഡ്​ കേ​സു​ക​ളു​ടെ എ​ണ്ണം 90,000 ക​ട​ന്നി​രു​ന്നു. ചൊ​വ്വാ​ഴ്ച 90,629 പേ​ർ​ക്കാ​ണ്​ കോ​വി​ഡ്​ സ്ഥി​രീ​ക​രി​ച്ച​ത്. അ​തേ​സ​മ​യം, ക്രി​സ്മ​സി​നോ​ട​നു​ബ​ന്ധി​ച്ച്​ രാ​ജ്യ​ത്ത്​ ക​ടു​ത്ത കോ​വി​ഡ്​ നി​യ​ന്ത്ര​ണ​ങ്ങ​ൾ ന​ട​പ്പാ​ക്കി​ല്ലെ​ന്ന്​ പ്ര​ധാ​ന​മ​ന്ത്രി ബോ​റി​സ്​ ജോ​ൺ​സ​ൺ അ​റി​യി​ച്ചി​രു​ന്നു. എന്നാ​ൽ, സ്കോ​ട്​​​​ല​ൻ​ഡ്, വെ​യി​ൽ​സ്, നോ​ർ​ത്തേ​ൺ അ​യ​ർ​ല​ൻ​ഡ് എ​ന്നി​വി​ട​ങ്ങ​ളി​ൽ ഒ​ത്തു​ചേ​ര​ലു​കൾ​ക്ക് നി​യ​ന്ത്ര​ണ​മു​ണ്ട്.