വാക്​സിൻ വിരുദ്ധ പ്രചാരണങ്ങളിൽ സജീവമായിരുന്ന സ്​റ്റീഫൻ ഹാർമൻ കോവിഡ്​​ ബാധിച്ച്​ മരിച്ചു

ലോസ്​ ആഞ്ചൽസ്​: കോവിഡ്​ 19 വാക്​സിനെതിരായ പ്രചാരണങ്ങളിൽ സജീവ സാന്നിധ്യമായിരുന്ന സ്​റ്റീഫൻ ഹാർമൻ കോവിഡ്​ ബാധിച്ച്​ മരിച്ചു. ലോസ്​ ആഞ്ചൽസിലെ കൊറോണ റീജയണൽ മെഡിക്കൽ സെന്‍ററിൽ വെച്ചാണ്​ സ്റ്റീഫൻ മരണത്തിന്​ കീഴടങ്ങിയത്​.

മെഡിക്കൽ നിർദേശങ്ങളെ പാടേ അവഗണിച്ചിരുന്ന ഇദ്ദേഹം ബൈബിളിലാണ്​ വിശ്വാസമെന്നായിരുന്നു പ്രചരിപ്പിച്ചിരുന്നത്​. യു.എസിലെ മെഡിക്കൽ വിദഗ്​ധൻ അ​േന്‍റാണിയോ ഫൗച്ചിയേക്കാൾ തനിക്ക്​ ബൈബിളിനെയും ദൈവത്തെയുമാണ്​ വിശ്വാസമെന്നും ഹാർമൻ പറഞ്ഞിരുന്നു.

ട്വിറ്ററിൽ 7000ത്തോളം ഫോളോവേഴ്​സുള്ള ഇദ്ദേഹം വാക്​സിനെതിരെ നിരന്തരം തമാശകൾ പോസ്റ്റ്​ ചെയ്യാറുണ്ടായിരുന്നു. ഹിൽസൺ കോളജിൽ നിന്നുള്ള ബിരുദധാരിയായ ഇദ്ദേഹം ലോസ്​ ഏഞ്ചൽസിലെ ഹിൽസോങ്​ ചർച്ചിലെ അംഗമായിരുന്നു. മതഗ്രൂപ്പുകളിൽ സജീവമായിരുന്ന ഇദ്ദേഹം മരിക്കുന്നതിന്​ ദിവസങ്ങൾക്ക്​ മുമ്പുപോലും ചികിത്സയെ പരിഹസിച്ച്​ രംഗത്തെത്തിയിരുന്നു.