വീണ്ടും ഇന്ത്യൻ മീൻപിടിത്തക്കാരെ പിടികൂടി ശ്രീലങ്ക

കൊളംബോ: സമുദ്രാതിർത്തി ഭേദിച്ചു എന്നാരോപിച്ച് പത്ത് ഇന്ത്യൻ മത്സ്യത്തൊഴിലാളികളെ കൂടി തിങ്കളാഴ്ച ശ്രീലങ്കൻ നാവികസേന അറസ്റ്റ് ചെയ്തു. 12 തൊഴിലാളികളെ കഴിഞ്ഞ ദിവസം അറസ്റ്റ് ചെയ്തിരുന്നു. ബോട്ടും പിടിച്ചെടുത്തിട്ടുണ്ട്. എല്ലാവരും തമിഴ്നാട്ടുകാരാണെന്നാണ് വിവരം. തുടർനടപടികൾക്കായി ഇവരെ മെയ്‍ലാദി ഫിഷറീസ് ഇൻസ്​പെക്ടർക്ക് കൈമാറി.

2023ൽ 240 ഇന്ത്യൻ മത്സ്യത്തൊഴിലാളികളെയാണ് സമുദ്രാതിർത്തി ഭേദിച്ചു എന്നാരോപിച്ച് ശ്രീലങ്കൻ നാവികസേന പിടികൂടിയത്. ഇവരിൽനിന്നായി 35 ബോട്ടുകളും പിടിച്ചെടുത്തിരുന്നു.