കോവിഡ്​ വ്യാപനം; ഇന്ത്യയിൽനിന്നുള്ളവർക്ക്​ യാ​ത്രാവിലക്കുമായി ശ്രീലങ്ക

​െകാളംബോ: ഇന്ത്യയിൽനിന്നുള്ളവർക്ക്​ യാത്രാവിലക്ക്​ ഏർപ്പെടുത്തി ശ്രീലങ്ക. രാജ്യത്ത്​ കോവിഡ്​ വ്യാപനത്തിന്‍റെ പശ്ചാത്തലത്തിൽ അടിയന്തരമായാണ്​ തീരുമാനം.

ഇന്ത്യയിൽനിന്നുള്ള യാത്രക്കാരെ ശ്രീലങ്കയിൽ ഇറങ്ങാൻ അനുവദിക്കില്ലെന്ന്​ ശ്രീലങ്ക സിവിൽ ഏവിയേഷൻ അറിയിച്ചു.

കോവിഡ്​ വ്യാപനത്തിന്‍റെ പശ്ചാത്തലത്തിൽ യു.എസ്, ബ്രിട്ടൺ​ അടക്കമുള്ള രാജ്യങ്ങൾ ഇന്ത്യയിൽനിന്നുള്ള യാത്രക്കാർക്ക്​ വിലക്ക്​ ഏർപ്പെടുത്തിയിരുന്നു. യു.എസ്​ പൗരൻമാരോട്​ ഉടൻതന്നെ ഇന്ത്യയിലേക്ക്​ മടങ്ങണമെന്നും നേരത്തേ നിർദേശിച്ചിരുന്നു.

രാജ്യത്ത്​ പ്രതിദിനം നാലുലക്ഷം പേർക്കാണ്​ കോവിഡ്​ സ്​ഥിരീകരിക്കുന്നത്​. ലോകത്ത്​ പ്രതിദിനം റി​േപ്പാർട്ട്​ ചെയ്യുന്ന ഏറ്റവും ഉയർന്ന നിരക്കാണിത്​.

4,12,262 പേർക്കാണ്​ കഴിഞ്ഞ ദിവസം കോവിഡ്​ ബാധിച്ചത്​. ഇതോടെ ആകെ രോഗികളുടെ എണ്ണം 2,10,77,410 ആയി ഉയർന്നു. 3,980 പേർ രോഗം ബാധിച്ച്​ മരിക്കുകയും ചെയ്​തു.