ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് യു​ക്രെ​യ്നി​ൽ

കി​യ​വ്: ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് യൂ​ൺ സൂ​ക് യോ​ൾ യു​ക്രെ​യ്നി​ൽ അ​പ്ര​തീ​ക്ഷി​ത സ​ന്ദ​ർ​ശ​നം ന​ട​ത്തി. റ​ഷ്യ​ക്കെ​തി​രാ​യ പോ​രാ​ട്ട​ത്തി​ൽ ​പി​ന്തു​ണ അ​റി​യി​ക്കു​ക എ​ന്ന ല​ക്ഷ്യ​ത്തോ​ടെ​യാ​യി​രു​ന്നു സ​ന്ദ​ർ​ശ​നം.

നാ​റ്റോ ഉ​ച്ച​കോ​ടി​ക്കാ​യി ലി​​ത്വേ​നി​യ​യും തു​ട​ർ​ന്ന് പോ​ള​ണ്ടും സ​ന്ദ​ർ​ശി​ച്ച ശേ​ഷ​മാ​ണ് ഭാ​ര്യ കിം ​കി​യോ​ൺ ഹീ​ക്കൊ​പ്പം അ​ദ്ദേ​ഹം യു​ക്രെ​യ്നി​ലെ​ത്തി​യ​ത്. 17 മാ​സ​ങ്ങ​ൾ​ക്കു​മു​മ്പ് റ​ഷ്യ അ​ധി​നി​വേ​ശം ആ​രം​ഭി​ച്ച​തി​നു​ശേ​ഷം ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് ന​ട​ത്തു​ന്ന ആ​ദ്യ യു​ക്രെ​യ്ൻ സ​ന്ദ​ർ​ശ​ന​മാ​ണി​ത്. ക​ഴി​ഞ്ഞ വ​ർ​ഷം റ​ഷ്യ​ൻ സേ​ന പി​ൻ​വാ​ങ്ങി​യ​തി​നു​ശേ​ഷം കൂ​ട്ട​ക്കു​ഴി​മാ​ട​ങ്ങ​ൾ ക​ണ്ടെ​ത്തി​യ ബു​ച്ച, ഇ​ർ​പി​ൻ എ​ന്നീ സ്ഥ​ല​ങ്ങ​ൾ അ​ദ്ദേ​ഹം സ​ന്ദ​ർ​ശി​ച്ചു. പി​ന്നീ​ട് യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി​യു​മാ​യും അ​ദ്ദേ​ഹം കൂ​ടി​ക്കാ​ഴ്ച ന​ട​ത്തി. ഏ​ഷ്യ​യി​ൽ അ​മേ​രി​ക്ക​യു​ടെ പ്ര​മു​ഖ സ​ഖ്യ​ക​ക്ഷി​യാ​യ ദ​ക്ഷി​ണ കൊ​റി​യ, റ​ഷ്യ​ക്കെ​തി​രാ​യ ഉ​പ​​രോ​ധ​ത്തി​ലും പ​ങ്കാ​ളി​യാ​ണ്. യു​ദ്ധ​ക്കെ​ടു​തി​യി​ൽ വ​ല​യു​ന്ന യു​ക്രെ​യ്ന് മാ​നു​ഷി​ക, സാ​മ്പ​ത്തി​ക സ​ഹാ​യം എ​ത്തി​ക്കു​ന്ന​തി​ലും മു​ൻ​നി​ര​യി​ലു​ണ്ട് ഈ ​രാ​ജ്യം.