മെ​ഡ്‍ലീ​ൻ ക​പ്പ​ലിലെ ആക്ടിവിസ്റ്റുകളെ സ്വന്തം രാജ്യങ്ങളിലേക്ക് തിരിച്ചയക്കുമെന്ന് ഇസ്രായേൽ

തെൽ അവിവ്: ഗസ്സയിലേക്കുള്ള യാത്രക്കിടെ തടഞ്ഞ് കസ്റ്റഡിയിലെടുത്ത മെ​ഡ്‍ലീ​ൻ ക​പ്പ​ലിലെ യാത്രക്കാരായ ആക്ടിവിസ്റ്റുകളെ സ്വന്തം രാജ്യങ്ങളിലേക്ക് തിരിച്ചയക്കുമെന്ന് ഇസ്രായേൽ വിദേശകാര്യ മന്ത്രാലയം പറഞ്ഞു. ഏതാനും പേരെ ഉടൻ തന്നെ തിരിച്ചയക്കും. ഇവരെ ബെൻ ഗുരിയോൺ വിമാനത്താവളത്തിലെത്തിച്ചിരിക്കുകയാണ്. പ​രി​സ്ഥി​തി പ്ര​വ​ർ​ത്ത​ക ഗ്രെ​റ്റ തും​ബ​ർ​ഗ് അ​ട​ക്ക​മു​ള്ള 12 ആ​ക്ടി​വി​സ്റ്റു​ക​ളെ​യാ​ണ് ഇസ്രായേൽ സൈന്യം കപ്പൽ പിടിച്ചെടുത്ത് ക​സ്റ്റ​ഡി​യി​ലെ​ടു​ത്ത​ത്.

മാസങ്ങളായി ഉപരോധം നേരിടുന്ന ഗസ്സയിലേക്ക് സഹായവസ്തുക്കളുമായി പോയ കപ്പലിനെ 'സെൽഫി യാനം' എന്നാണ് ഇസ്രായേൽ വിദേശകാര്യ മന്ത്രാലയം പരിഹസിച്ച് വിളിച്ചത്. കസ്റ്റഡിയിലെടുത്തവരുടെ രാജ്യങ്ങളിൽ നിന്നുള്ള പ്രതിനിധികൾ ഇവരെ വിമാനത്താവളത്തിൽ സന്ദർശിച്ചെന്ന് ഇസ്രായേൽ അറിയിച്ചു. നാടുകടത്തൽ രേഖകളിൽ ഒപ്പിട്ട് രാജ്യംവിടാൻ തയാറാകാത്തവരെ കോടതിയിൽ ഹാജരാക്കി നാടുകടത്താനുള്ള നടപടി സ്വീകരിക്കുമെന്ന് ഇസ്രായേൽ വിദേശകാര്യ മന്ത്രാലയം പറഞ്ഞു.

ക​ട​ൽ ഉ​പ​രോ​ധം ലം​ഘി​ക്ക​രു​തെ​ന്ന മു​ന്ന​റി​യി​പ്പി​ന് പി​ന്നാ​ലെ തി​ങ്ക​ളാ​ഴ്ച പു​ല​ർ​ച്ച മൂ​ന്നോ​ടെയാണ് ഇസ്രായേൽ നാ​വി​ക സേ​ന​യു​ം അ​തി​ർ​ത്തി സു​ര​ക്ഷ​സേ​ന​യും മെ​ഡ്‍ലീ​ൻ ക​പ്പ​ൽ പിടിച്ചെടുത്തത്. കപ്പൽ ഇ​സ്രാ​യേ​ലി​ലെ അ​ഷ്ദോ​ദ് തു​റ​മു​ഖ​ത്തേ​ക്ക് മാ​റ്റുകയും ചെയ്തു.

ഇ​സ്രാ​യേ​ൽ തു​ട​രു​ന്ന ക​ടു​ത്ത ഉ​പ​രോ​ധം മ​റി​ക​ട​ന്ന് സ​ഹാ​യം വി​ത​ര​ണം ചെ​യ്യു​ക എ​ന്ന ല​ക്ഷ്യ​ത്തോ​ടെ ഫ്രീ ​ഗ​സ്സ മൂ​വ്മെ​ന്റി​ന്റെ ഗ​സ്സ ഫ്രീ​ഡം ​ഫ്ലോ​ട്ടി​ല​യാ​ണ് ഗസ്സയിലേക്ക് യാ​ത്ര സം​ഘ​ടി​പ്പി​ച്ച​ത്. ക​പ്പ​ലി​ൽ സൈ​ന്യം അ​തി​ക്ര​മി​ച്ചു ക​യ​റി​യ​താ​യും നി​രാ​യു​ധ​രാ​യ യാ​ത്ര​ക്കാ​രെ ത​ട്ടി​ക്കൊ​ണ്ടു​പോ​യ​താ​യും ഗ​സ്സ ഫ്രീ​ഡം ​ഫ്ലോ​ട്ടി​ല പു​റ​ത്തു​വി​ട്ട വി​​ഡി​യോ സ​ന്ദേ​ശ​ത്തി​ൽ പ​റ​ഞ്ഞിരുന്നു. കു​ഞ്ഞു​ങ്ങ​ൾ​ക്ക​ട​ക്ക​മു​ള്ള ഭ​ക്ഷ്യ​വ​സ്തു​ക്ക​ളും മ​രു​ന്നും പി​ടി​ച്ചെ​ടു​ത്തെ​ന്നും അ​വ​ർ വ്യ​ക്ത​മാ​ക്കി. ഗ​സ്സ തീ​ര​ത്തു​നി​ന്ന് 200 കി​ലോ​മീ​റ്റ​ർ അ​ക​ലെ​യാ​ണ് ക​പ്പ​ൽ ത​ട​ഞ്ഞ​ത്. മെ​ഡ്‍ലീ​ൻ പി​ടി​ച്ചെ​ടു​ത്ത​തി​ൽ സ്​​പെ​യി​ൻ വി​ദേ​ശ​കാ​ര്യ മ​ന്ത്രാ​ല​യം ഇ​സ്രാ​യേ​ൽ ന​യ​ത​ന്ത്ര പ്ര​തി​നി​ധി​യെ വി​ളി​ച്ചു​വ​രു​ത്തി പ്ര​തി​ഷേ​ധം അ​റി​യി​ച്ചു.