ഫലസ്തീൻ രാഷ്ട്രത്തെ അംഗീകരിച്ച് സ്ലോവേനിയ

ലുബ്ലിജാന: സ്വതന്ത്ര-പരമാധികാര ഫലസ്തീൻ രാഷ്ട്രത്തെ അംഗീകരിച്ച് സ്ലോവേനിയയും. പാർലമെന്റിലെ വോട്ടെടുപ്പിനൊടുവിലാണ് സ്ലോവേനിയ ഫലസ്തീനെ അംഗീകരിച്ചത്. ഇതോടെ യുറോപ്പിൽ നിന്നും ഫലസ്തീൻ രാഷ്ട്രത്തെ അംഗീകരിക്കുന്ന നാലാമത്തെ രാജ്യമായി സ്ലോവേനിയ മാറി.

നേരത്തെ സ്​പെയിൻ, നോർവെ, അയർലാൻഡ് തുടങ്ങിയ രാജ്യങ്ങൾ ഫലസ്തീനെ അംഗീകരിച്ചിരുന്നു. സ്ലോവേനിയൻ പ്രധാനമന്ത്രി റോബർട്ട് ഗോലുബ് 1967ലെ അതിർത്തികൾ മുൻനിർത്തി സ്വതന്ത്ര ഫലസ്തീനെ തന്റെ രാജ്യവും അംഗീകരിക്കാൻ പോവുകയാണെന്ന് കഴിഞ്ഞയാഴ്ച വ്യക്തമാക്കിയിരുന്നു. ഇതിന് പിന്നാലെയാണ് പാർലമെന്റിൽ വോട്ടെടുപ്പ് നടന്നതും സ്ലോവേനിയ ഫലസ്തീനെ അംഗീകരിച്ചതും.

നിലവിൽ 148 രാജ്യങ്ങൾ ഫലസ്തീൻ രാഷ്ട്രത്തെ അംഗീകരിച്ചിട്ടുണ്ട്. യു.എന്നിലെ മൂന്നിൽ രണ്ട് രാജ്യങ്ങളും ഇപ്പോൾ ഫലസ്തീനെ അംഗീകരിക്കുന്നുണ്ട്. 1967ലെ അതിർത്തികൾ മുൻനിർത്തി ഫലസ്തീൻ രാഷ്ട്രത്തെ അംഗീകരിക്കുകയാണെന്നാണ് സ്​പെയിൻ പ്രധാനമന്ത്രി പെ​ഡ്രോ സാഞ്ചസ് പറഞ്ഞത്. മേഖലയിൽ ശാശ്വതമായ സമാധാനം കൊണ്ടു വരാൻ സ്വതന്ത്ര ഫലസ്തീന് കഴിയുമെന്നും സാഞ്ചസ് പറഞ്ഞിരുന്നു.

അതേസമയം, ഹ​മാ​സ് ബ​ന്ദി​ക​ളാ​ക്കി​യ മൂ​ന്നി​ലൊ​ന്നി​ലേ​റെ പേ​രും ക​ന​ത്ത വ്യോ​മാ​ക്ര​മ​ണ​ങ്ങ​ളി​ലും മ​റ്റു​മാ​യി കൊ​ല്ല​പ്പെ​ട്ടി​ട്ടും ഗ​സ്സ​യി​ൽ വെ​ടി​നി​ർ​ത്ത​ലി​​നി​ല്ലെ​ന്ന ക​ടു​ത്ത നി​ല​പാ​ടി​ൽ ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു തുടരുകയാണ്.

രാ​ജ്യ​ത്തി​ന​ക​ത്തും പു​റ​ത്തും ക​ന​ത്ത സ​മ്മ​ർ​ദം ഉ​യ​ർ​ന്നി​ട്ടും ഹ​മാ​സി​നെ ഉ​ന്മൂ​ല​നം ചെ​യ്യു​ക​യാ​ണ് ല​ക്ഷ്യ​മെ​ന്നും ശാ​ശ്വ​ത​മാ​യി വെ​ടി​നി​ർ​ത്തി​ല്ലെ​ന്നു​മാ​ണ് ​നെ​ത​ന്യാ​ഹു ക​ഴി​ഞ്ഞ ദി​വ​സ​വും പ്ര​ഖ്യാ​പി​ച്ചി​രി​ക്കു​ന്ന​ത്.

250ഓ​ളം പേ​രെ​യാ​ണ് ഒ​ക്ടോ​ബ​ർ ഏ​ഴി​ന് ഹ​മാ​സ് ബ​ന്ദി​ക​ളാ​ക്കി​യി​രു​ന്ന​ത്. ഇ​തി​ൽ നി​ര​വ​ധി പേ​രെ താ​ൽ​ക്കാ​ലി​ക വെ​ടി​നി​ർ​ത്ത​ലി​നി​ടെ വി​ട്ട​യ​ച്ചെ​ങ്കി​ലും 120ഓ​ളം പേ​ർ ഹ​മാ​സ് പി​ടി​യി​ൽ ത​ന്നെ തു​ട​രു​ക​യാ​ണ്. ഇ​വ​രി​ൽ 43 പേ​ർ കൊ​ല്ല​പ്പെ​ട്ടെ​ന്നാ​ണ് സ്ഥി​രീ​ക​ര​ണം.