ആറുവയസുകാരന്​ കളിക്കാൻ നൽകിയത്​ ഐപാഡ്​; നഷ്​ടമായത്​ 11ലക്ഷം

ന്യൂഡൽഹി: ആഗോള ​ബ്രാൻഡായ ആപ്പിളി​െൻറ ഉപഭോക്താവായിരുന്നു ജെസീക്ക ജോൺസൺ. എന്നാൽ ​11 ലക്ഷം രൂപ ത​െൻറ അക്കൗണ്ടിൽനിന്ന്​ ആപ്പിളി​െൻറ അക്കൗണ്ടിലേക്ക്​ പോയതോടെ ജെസീക്ക ഒന്നുഞെട്ടി. സാധാരണ ഡെബിറ്റ്​/ക്രഡിറ്റ്​ കാർഡ്​ തട്ടിപ്പുകൾക്ക്​ ഇരയായി ലക്ഷങ്ങൾ ആളുകളുടെ അക്കൗണ്ടിൽനിന്ന്​ നഷ്​ടമാകാറുണ്ടെങ്കിലും തട്ടിപ്പിന്​ ഇരയാകാതെ എങ്ങനെ പണം നഷ്​ടപ്പെട്ടുവെന്ന ആശങ്കയിലായിരുന്നു ജെസീക്ക.

പിന്നീട്​ നടന്ന അന്വേഷണത്തിൽ​ ആറുവയസുകാരൻ മക​െൻറ കുസൃതിയാണ്​ പണം നഷ്​ടപ്പെടാൻ കാരണമെന്ന്​ മനസിലായി. ജെസീക്കയുടെ ഐപാഡിൽ ഗെയിം കളിക്കലാണ്​ മകൻ ജോർജ്​ ജോൺസ​െൻറ പ്രധാന വിനോദം. ഗെയിം കളിയിൽ ആവേശം കൊണ്ട ജോർജ്​ ആപ്പ്​ൾ ആപ്പ്​ സ്​റ്റോറിൽനിന്ന്​ ആപ്പുകൾ വാങ്ങി. അതും 11 ലക്ഷം രൂപക്ക്​. ഗെയിം കളിക്കുന്നതിനായി ജൂലൈ മുതലാണ്​ മകൻ ജെസീക്കയുടെ ഐപാഡ്​ ഉപയോഗിക്കാൻ തുടങ്ങിയത്​.

ജൂലൈ എട്ടിനാണ്​ ജെസീക്കയുടെ അക്കൗണ്ടിൽനിന്ന് ആദ്യം​ പണം നഷ്​ടമാകുന്നത്​. 25 തവണയായാണ്​ പണം നഷ്​ടപ്പെട്ടത്​. ഹാക്കർമാർ പണം തട്ടിയെടുത്ത്​​ ഗെയിമുകൾ വാങ്ങിയെന്നാണ്​ ആദ്യം കരുതിയത്​. തുടർന്ന്​ പരാതി നൽകുകയും ചെയ്​തു. എന്നാൽ പിന്നീട്​ നടന്ന അന്വേഷണത്തിൽ തട്ടിപ്പിന്​ ഇരയായിട്ടില്ലെന്നും ജെസീക്കയുടെ ഐപാഡിൽ നിന്നുതന്നെയാണ്​ ഗെയിമുകൾ വാങ്ങിയ​െതന്നും കണ്ടെത്തുകയായിരുന്നു.

പണം റീഫണ്ട്​ ചെയ്യണമെന്ന്​ ആവശ്യപ്പെട്ട്​ ആപ്പ്​ളിനെ സമീപിച്ചെങ്കിലും തിരിച്ചുനൽകാൻ കമ്പനി തയാറായില്ല. 60 ദിവസത്തിനുള്ളിൽ റീഫണ്ട്​ ആവശ്യപ്പെട്ടാൽ മാത്രമേ പണം തിരി​െക നൽകുവെന്നും കമ്പനി വ്യക്തമാക്കിയതായി ജെസീക്ക ന്യൂയോർക്ക്​ പോസ്​റ്റിനോട്​ പറഞ്ഞു.

കൂടാതെ ഇൻറർനെറ്റ്​ ഉപയോഗത്തിൽ പേരൻറൽ കൺട്രോൾ ഏർപ്പെടുത്താതിരുന്നത്​ സംബന്ധിച്ചും ആപ്പ്​ൾ ആരാഞ്ഞു. ഇത്തരം സംവിധാനത്തെക്കുറിച്ച്​ തനിക്ക്​ അറിയില്ലെന്നും അറിയാമായിരുന്നെങ്കിൽ പണം നഷ്​ടപ്പെടാൻ അനുവദിക്കില്ലായിരുന്നുവെന്നുമായിരുന്നു ജെസീക്കയുടെ മറുപടി.