ആ​റാ​ഴ്ച ക​ഴി​ഞ്ഞു​ള്ള ഗ​ർ​ഭഛി​ദ്ര​ങ്ങ​ൾ വി​ല​ക്കി ​ഫ്ലോ​റി​ഡ

വാ​ഷി​ങ്ട​ൺ: ഗർഭധാരണത്തിന് ആ​റാ​ഴ്ച​ക്കു​ശേ​ഷ​മു​ള്ള ഗ​ർ​ഭഛി​ദ്ര​ങ്ങ​ൾ നി​രോ​ധി​ക്കു​ന്ന ബി​ല്ലി​ൽ ഫ്ലോ​റി​ഡ​യി​ലെ റി​പ്പ​ബ്ലി​ക്ക​ൻ ഗ​വ​ർ​ണ​ർ റോ​ൺ ഡി​സാ​ന്റി​സ് ഒ​പ്പു​വെ​ച്ചു. ഗ​ർ​ഭഛി​ദ്ര​ത്തി​നു​ള്ള ന​ട​പ​ടി​ക്ര​മ​ങ്ങ​ളി​ൽ കാ​ര്യ​മാ​യ മാ​റ്റം കൊ​ണ്ടു​വ​രു​ന്ന​താ​ണ് നി​യ​മം. വ്യാ​ഴാ​ഴ്ച രാ​ത്രി ഫ്ലോ​റി​ഡ​യി​ലെ റി​പ്പ​ബ്ലി​ക്ക​ൻ പാ​ർ​ട്ടി​യു​ടെ നേ​തൃ​ത്വ​ത്തി​ലു​ള്ള ജ​ന​പ്ര​തി​നി​ധി സ​ഭ നി​രോ​ധ​ന​ത്തി​ന് അം​ഗീ​കാ​രം ന​ൽ​കി​യ​തി​നു പി​ന്നാ​ലെ​യാ​ണ് ഗ​വ​ർ​ണ​ർ ഒ​പ്പി​ട്ട​ത്. ബ​ലാ​ത്സം​ഗ​ത്തി​നി​ര​യാ​യ​വ​ർ​ക്കും നി​ഷി​ദ്ധ ബ​ന്ധ​ത്തി​ലൂ​ടെ ഗ​ർ​ഭം ധ​രി​ക്കു​ന്ന​വ​ർ​ക്കും നി​യ​മം ഇ​ള​വ് ന​ൽ​കു​ന്നു​ണ്ട്.

ബി​ല്ലി​നെ അ​നു​കൂ​ലി​ച്ച് 70 പേ​രും എ​തി​ർ​ത്ത് 40 പേ​രും വോ​ട്ട് ചെ​യ്തു. ഏ​പ്രി​ൽ മൂ​ന്നി​ന് സം​സ്ഥാ​ന സെ​ന​റ്റി​ൽ ബി​ൽ പാ​സാ​ക്കി​യി​രു​ന്നു. നി​ല​വി​ലു​ള്ള 15 ആ​ഴ്‌​ച​ത്തെ നി​രോ​ധ​ന​ത്തി​നെ​തി​രാ​യ ഹ​ര​ജി​യി​ൽ സു​പ്രീം​കോ​ട​തി വി​ധി പു​റ​പ്പെ​ടു​വി​ക്കു​ന്ന​തു​വ​രെ നി​യ​മം പ്രാ​ബ​ല്യ​ത്തി​ൽ വ​രി​ല്ല.

അ​തേ​സ​മ​യം, നി​യ​മ​ത്തി​നെ​തി​രെ വി​മ​ർ​ശ​ക​ർ രം​ഗ​ത്തെ​ത്തി. പ​ല സ്ത്രീ​ക​ളും ഗ​ർ​ഭി​ണി​യാ​ണെ​ന്ന് അ​റി​യു​ന്ന​ത് ആ​റാ​ഴ്ച മു​മ്പാ​ണ് എ​ന്നാ​ണ് എ​തി​രാ​ളി​ക​ൾ വാ​ദി​ക്കു​ന്ന​ത്. എ​ന്നാ​ൽ, ഫ്ലോ​റി​ഡ​യി​ലെ ജ​ന​ങ്ങ​ളു​ടെ ജീ​വി​ത​ത്തെ​യും കു​ടും​ബ​ങ്ങ​ളെ​യും പി​ന്തു​ണ​ക്കു​ന്ന​തി​ൽ അ​ഭി​മാ​ന​മു​ണ്ടെ​ന്ന് ഗ​വ​ർ​ണ​ർ പ്ര​സ്താ​വ​ന​യി​ൽ പ​റ​ഞ്ഞു.

നി​യ​മം മ​നു​ഷ്യ​ജീ​വി​ത​ത്തി​ന്റെ അ​ന്ത​സ്സി​നെ സം​ര​ക്ഷി​ക്കു​മെ​ന്നും ഫ്ലോ​റി​ഡ​യെ കു​ടും​ബ​ത്തി​ന് അ​നു​കൂ​ല​മാ​യ ഒ​രു സം​സ്ഥാ​ന​മാ​ക്കി മാ​റ്റു​മെ​ന്നും അ​ദ്ദേ​ഹം അ​വ​കാ​ശ​പ്പെ​ട്ടു. യു.​എ​സി​ലെ സ്ത്രീ​ക​ൾ​ക്ക് ഗ​ർ​ഭഛി​ദ്ര​ത്തി​നു​ള്ള ഭ​ര​ണ​ഘ​ട​നാ​പ​ര​മാ​യ അ​വ​കാ​ശം ന​ൽ​കി​യ ‘റോ ​വി വേ​ഡ്’ ക​ഴി​ഞ്ഞ വ​ർ​ഷം അ​സാ​ധു​വാ​ക്കി​യ​തി​നു​ശേ​ഷം ഗ​ർ​ഭഛി​ദ്രം തേ​ടു​ന്ന​വ​ർ​ക്ക് സു​ര​ക്ഷി​ത താ​വ​ള​മാ​യി​രു​ന്നു ഫ്ലോ​റി​ഡ.