യു.എസിൽ വെടിവെപ്പ്: നാലുമരണം; 20 പേർക്ക് പരിക്ക്

വാഷിങ്ടൺ: യു.എസിലെ അലബാമയിൽ വെടിവെപ്പിൽ നാലുപേർ കൊല്ലപ്പെട്ടു. 20 പേർക്ക് പരിക്കേറ്റിട്ടുണ്ട്. ജന്മദിനാഘോഷത്തിനിടെ തോക്കുധാരി തുരുതുരാ വെടിവെക്കുകയായിരുന്നു. പരിക്കേറ്റവരിൽ ഭൂരിഭാഗവും കൗമാരപ്രായക്കാരാണ്. വെടിവെപ്പ് സംഭവങ്ങൾ രാജ്യത്ത് തുടർക്കഥയാവുകയാണ്.

ഗൺ വയലൻസ് ആർക്കൈവിന്റെ കണക്കുപ്രകാരം ഈ വർഷം ഇതുവരെ യു.എസിൽ 163 വെടിവെപ്പ് നടന്നിട്ടുണ്ട്. കെന്റക്കി ലൂയിസ് വില്ലയിൽ കഴിഞ്ഞ ശനിയാഴ്ച രണ്ടുപേരും തിങ്കളാഴ്ച അഞ്ചുപേരും വെടിയേറ്റ് മരിച്ചു.