Top
Begin typing your search above and press return to search.
exit_to_app
exit_to_app
2011ലെ സൂനാമിയിൽ ​നിലച്ച ​േക്ലാക്ക്​ വീണ്ടും മണിയടിച്ചുതുടങ്ങി; ഒരു പതിറ്റാണ്ടിനു ശേഷം
cancel
Homechevron_rightNewschevron_rightWorldchevron_right2011ലെ സൂനാമിയിൽ...

2011ലെ സൂനാമിയിൽ ​നിലച്ച ​േക്ലാക്ക്​ വീണ്ടും മണിയടിച്ചുതുടങ്ങി; ഒരു പതിറ്റാണ്ടിനു ശേഷം

text_fields
bookmark_border

ടോകിയോ: 10 വർഷം മുമ്പ്​ ജപ്പാനെയും പരിസരങ്ങളെയും ഉലച്ച വൻ ഭൂകമ്പത്തിലും പിറകെയെത്തിയ സൂനാമിയിലും നിലച്ചുപോയ ​േക്ലാക്ക്​ നീണ്ട ഉറക്കത്തിനു ശേഷം കണ്ണുതിരുമ്മിയുണർന്ന്​ വീണ്ടും മണിയടിച്ചു തുടങ്ങിയതാണിപ്പോൾ ജപ്പാനിൽ വാർത്ത. മിയാഗി പ്രവിശ്യയിൽ യമാമോ​ട്ടോയിലുള്ള ഫുമോൻജി ബുദ്ധ ക്ഷേത്രത്തിലെ 100 വർഷം പഴക്കമുള്ള ​േക്ലാക്കാണ്​ നാട്ടുകാരെ സ്​തബ്​ധരാക്കി നീണ്ട ഇടവേളക്കു ശേഷം ​ചലിച്ചു തുടങ്ങിയത്​.

2011ലെ സൂനാമി വെള്ളം ഇറങ്ങിയ ശേഷം ക്ഷേത്രത്തിലെത്തിയ പുരോഹിതൻ സകാനോ ​േക്ലാക്കെടുത്ത്​ തുടച്ചുവൃത്തിയാക്കി സൂചികൾ ചലിപ്പിച്ചുനോക്കിയെങ്കിലും അനങ്ങിയിരുന്നില്ല. ആരും തിരിഞ്ഞുനോക്കാതെ പിന്നീട്​ ഏറെ കാലം ​​േക്ലാക്ക്​ അതേ പടി കിടന്നു.

അതിനിടെ ഈ വർഷം ഫെബ്രുവരി 13ന്​ ഇതേ സ്​ഥലത്ത്​ അത്രയില്ലേലും തീവ്രതയുള്ള മറ്റൊരു ഭൂചലനത്തിനു ശേഷമാണ്​ കഥയിലെ ട്വിസ്റ്റ്​. എല്ലാം അവസാനിച്ച്​ നാശനഷ്​ടങ്ങൾ വിലയിരുത്താൻ ക്ഷേത്രത്തിന്‍റെ പ്രധാന ഹാളിൽ എത്തിയതായിരുന്നു ഇത്തവണ സകാനോ. കാര്യമായ കേടുപാടുകൾ ഒന്നും കണ്ടില്ലെങ്കിലും നടന്നുനീങ്ങുന്നതിനിടയിൽ എവിടെനിന്നേ മണി മുഴങ്ങുന്ന ശബ്​ദം കേട്ടു. അദ്​ഭുതപ്പെട്ട്​ മുകളിലേക്ക്​ നോക്കിയപ്പോൾ അന്ന്​ 'ഉറങ്ങിയ' ​േക്ലാക്ക്​ വീണ്ടും ചലിക്കുന്നു. അന്നത്തേത്​ താത്​കാലികമാകാമെന്ന്​ കരുതി വിട്ട ​േക്ലാക്ക്​ രണ്ടു മാസം കഴിഞ്ഞും അതേ ഊർജത്തോടെ സഞ്ചാരം തുടരുകയാണ്​.

ഫുകുഷിമക്കടുത്തെ ഒരു പഴയ വസ്​തുക്കൾ വിൽക്കുന്ന കടയിൽനിന്നായിരുന്നു സകാനോ ഈ ​േക്ലാക്ക്​ സ്വന്തമാക്കിയത്​. അന്ന്​ നിലച്ച പെൻഡുലം വീണ്ടും ചലിച്ചുതുടങ്ങിയതാകാം കാരണമെന്ന്​ നിർമാതാക്കളായ സീ​േകാ കമ്പനി പ്രതിനിധി പറയുന്നു.

2011ലെ വൻഭൂചലനത്തിന്‍റെ തുടർച്ചയായാണ്​ 10 വർഷത്തിനു ശേഷമാണെങ്കിലും പുതിയ ചലനവുമെന്ന്​ വിദഗ്​ധർ പറയുന്നു.

Show Full Article
TAGS:Japan tsunami clock decade later 
News Summary - Second chance: clock stopped after Japan tsunami starts ticking a decade later
Next Story