'നീ വരാനാഗ്രഹിച്ചവരെല്ലാം ഇവിടെയുണ്ട് സഹർ​, വധുവായ നീയൊഴികെ...'

'നിന്നെ ഞാൻ ഒരുപാട്​ സ്​നേഹിക്കുന്നു സഹർ. വീണ്ടും നിന്നോട്​ ചേരുന്നതുവരെ നമ്മളൊന്നിച്ചുതന്നെ ഇനിയും യാത്ര തുടരും'.

ബൈറൂത്ത്​: കഴിഞ്ഞ വ്യാഴാഴ്​ച സഹർ ഫാരിസി​​ന്​ പ്രതിശ്രുത വരനും ബന്ധുക്കളും ഒരിക്കലും ലഭിക്കാത്ത രീതിയിലുള്ള വികാരനിർഭരമായ വിവാഹപാർട്ടി​ നൽകി​. പ്രശസ്​തമായൊരു വെഡ്​ഡിങ്​ ബാൻഡ്​ അവൾക്കുവേണ്ടി അനവദ്യസുന്ദരമായി ബാൻഡ്​ വായിച്ചു. ഫ്ലൂട്ടി​െൻറ സന്തോഷദായകമായ ഈണവും ഡ്രമ്മി​െൻറ വാദ്യഘോഷവും സുന്ദരമായി സമ്മേളിച്ചു​. കൂട്ടുകാരും കുടുംബക്കാരും അവൾക്കുമേൽ അരിയും പൂക്കളുമെറിഞ്ഞുകൊണ്ടിരുന്നു. സുവർണനിറമുള്ള ചരടുകൾ എംബ്രോയിഡറി ചെയ്​ത വൈറ്റ്​ ഗൗണുകളണിഞ്ഞ ഗായകസംഘം ഉറക്കെപ്പാടുന്നുണ്ടായിരുന്നു. സംഗീതം അലയടിച്ചുയർന്നു. എന്നാൽ, സഹർ അപ്പോൾ ഒന്നുമറിയുന്നുണ്ടായിരുന്നില്ല. ബന്ധുമിത്രാദികൾ അവളുടെ 'വിവാഹാഘോഷം' നടത്തു​േമ്പാൾ സഹർ അവരുടെ കൈകളി​ൽ ഉയർന്നുനിന്ന ശവപ്പെട്ടിക്കുള്ളിൽ അതൊന്നുമറിയാതെ നിത്യനിദ്രയിലായിരുന്നു. ചടങ്ങുകൾക്ക്​ അവസാനമാകവേ, യൂനിഫോം അണിഞ്ഞ ഫയർഫൈറ്റർമാർ, കാത്തിരിക്കുന്ന വാഹനത്തിലേക്ക്​ വെള്ള നിറത്തിലുള്ള ശവപ്പെട്ടി ചുമന്നു.

അവളുടെ ഭർത്താവാകേണ്ടിയിരുന്ന ഗിൽബർട്ട്​ കരാൻ അപ്പോൾ ഒരു ബന്ധുവി​െൻറ തോളിലിരുന്ന്​ കരച്ചിലി​െൻറ അകമ്പടിയോ​ടെ ആ ശവഘോഷ യാത്രയെ പിന്തുടർന്നുകൊണ്ടിരുന്നു. 'നീ വരാനാഗ്രഹിച്ചവരെല്ലാം ഇവിടെയുണ്ട് സഹർ​, തൂവെള്ള വിവാഹ വസ്​ത്രത്തിലുണ്ടാകേണ്ടിയിരുന്ന നീയൊഴികെ...' -കരാൻ വേദനയോടെ വിതുമ്പിക്കൊണ്ടിരുന്നു.

ബെയ്​റൂത്തിൽ സ്​ഫോടനത്തിൽ കൊല്ലപ്പെട്ട 145 പേരിൽ ഒരാളായിരുന്നു സഹർ. 27 വയസ്സുകാരിയായ ബൈറൂത്ത്​ ഫയർ ബ്രിഗേഡ്​ ജീവനക്കാരി. ജോലിക്കിടെയാണ്​ അവൾ സ്​ഫോടനത്തിൽ കൊല്ലപ്പെട്ടത്​. നഴ്​സായിരുന്ന സഹർ, ജോലി സുരക്ഷയെന്ന ആഗ്രഹത്തെ തുടർന്നാണ്​ ഫയർഫോഴ്​സിൽ എമർജൻസി മെഡിക്കൽ വർക്കറായി സർക്കാർ ജോലി നേടിയെടുത്തത്​. വടക്കൻ ലെബനാനിൽ സിറിയയോട്​ ചേർന്ന അതിർത്തിക്കടുത്ത അൽ ക്വാ ഗ്രാമത്തിലാണ്​ സഹർ വളർന്നത്​. അലൂമിനിയം വെൽഡറായ പിതാവും സ്​കൂൾ ടീച്ചറായ മാതാവും രണ്ടു സഹോദരിമാരും അടങ്ങുന്ന കുടുംബത്തിന്​ ത​െൻറ സർക്കാർ ജോലി ഏറെ സഹായകമാകുമെന്ന കണക്കൂകൂട്ടലിലാണ്​ വനിതകൾ സേവനം ചെയ്യാൻ മടിക്കുന്ന ഫയർ ബ്രിഗേഡിലേക്ക്​ അവൾ ധീരതയോടെ കാലെടുത്തുവെച്ചത്​.

ഓരോ മരണവും സമാനതകളില്ലാത്ത, അഗാധമായ ദുരന്തങ്ങളുടേതാണ്​. എന്നാൽ, സഹറി​െൻറ മരണം ലോകമെമ്പാടുമുള്ള മനുഷ്യരുടെ നൊമ്പരമായി മാറിയത്​ സമൂഹമാധ്യമങ്ങളിൽ പ്രചരിച്ച ദൃശ്യങ്ങളിലൂടെയാണ്​. അവളുടെ അന്ത്യയാത്ര ഒരുപാട്​ ​െലബനാൻകാരെ വല്ലാതെ വേനിപ്പിച്ചു. പൊതുസേവനം ലക്ഷ്യമിട്ട്​ ജോലിയിൽ പ്രവേശിക്കു​േമ്പാൾ സ്വന്തമായൊരു ജീവിതം കെട്ടിപ്പടുക്കുകയെന്നതും സഹറിനുണ്ടായിരുന്നു. എന്നാൽ, അതത്രയും തകർന്നുപോയ ദുരന്തത്തിൽ അവളും അവളുടെ സ്വപ്​നങ്ങളും മണ്ണിലലിഞ്ഞു.

ചൊവ്വാഴ്​ച വൈകീട്ട്​ അവൾ കരാനെ വിളിച്ചിരുന്നു. പോർട്​ ഓഫ്​ ബൈറൂത്തിലെ ഒരു വെയർഹൗസിന്​ തീപിടിച്ചതി​െൻറ ദൃശ്യങ്ങൾ അവനെ കാണിച്ചിരുന്നു. അപ്പോൾ ആർക്കും പരിക്കേറ്റിട്ടില്ലാത്ത അപകടമായതിനാൽ അവൾ ഫയർ എഞ്ചിന്​ മുകളിലിരിരുന്ന്​ സഹപ്രവർത്തകർ തീയണക്കാൻ ശ്രമിക്കുന്നത്​ നോക്കിയിരിക്കുകയായിരുന്നു അ​േപ്പാൾ. എന്നാൽ, തീ കത്തിയുയർന്നപ്പോൾ അവൾ ട്രക്കി​െൻറ മുകളിൽ കയറി. വിഡിയോ കാളിൽ കൂടുതൽ വ്യക്​തമായി ദൃശ്യങ്ങൾ കാണാനാകുംവിധം ഫോൺ ഉയർത്തിപ്പിടിച്ചു. പുകച്ചുരുകളുടെ കട്ടികൂടി തീയും പുകയും മാനംമു​ട്ടേ ഉയരുന്നതിനിടയിലാണ്​ ഭീതിദമായ സ്​ഫോടനമുണ്ടായത്​. അവിടെനിന്ന്​ വേഗം ഓടി രക്ഷ​െപ്പടാൻ കരാൻ അവളെ ഉപദേശിച്ചു. അവളതുപോലെ ചെയ്​തെങ്കിലും വൈകിപ്പോയിരുന്നു. ഒടുവിലത്തെ ദൃശ്യത്തിൽ കരാൻ കണ്ടത്​ കൽപടവുകളിൽ അവളുടെ ഷൂകളായിരുന്നു. അടുത്ത നിമിഷത്തെ വൻ സ്​ഫോടനത്തിൽ എല്ലാം തീർന്നു.

'എ​െൻറ മനോഹരിയായ വധു. 2021 ജൂൺ ആറിന്​ ഞങ്ങൾ വിവാഹിതരാകാനിരുന്നതായിരുന്നു. പകരം നാളെയത്​ നടക്കും'- ലെബനീസ്​ സ്​റ്റേറ്റ്​ സെക്യൂരിറ്റിയിൽ ഓഫിസറായ കരാൻ, സഹറി​െൻറ മരണത്തിന്​ പിന്നാലെ ഓൺലൈൻ സന്ദേശത്തിൽ എഴുതി. പാരാമെഡിക്​ യൂനിഫോമിൽ സഹർ പുഞ്ചിരിച്ച്​ നിൽക്കുന്ന പടത്തിനൊപ്പമായിരുന്നു സന്ദേശം.

'അടുത്ത വർഷം നടക്കാനിരിക്കുന്ന വിവാഹത്തിന്​ മുന്നോടിയായി നമ്മുടെ മ​േനാഹരമായ വീടൊരുക്കുന്ന തിരക്കിലായിരുന്നല്ലോ നീ. ഇ​േപ്പാൾ നീ പോയ്​ മറഞ്ഞിരിക്കുന്നു. ഹൃദയം തകർന്നിരിക്കുകയാണ്​ ഞാൻ. ജീവിതത്തിന്​ അതി​െൻറ നി​റങ്ങളെല്ലാം നഷ്​ടപ്പെട്ടിരിക്കുന്നു. ഇനിയൊരിക്കലും അത്​ പഴയതുപോലെ മനോഹരമായിരിക്കില്ല. നിന്നെ ഞാൻ ഒരുപാട്​ സ്​നേഹിക്കുന്നു സഹർ. ഞാൻ വീണ്ടും നിന്നോട്​ ചേരുന്നതുവരെ നമ്മളൊന്നിച്ചുതന്നെ ഇനിയും യാത്ര തുടരും. '- -ഇൻസ്​റ്റഗ്രാമിൽ സഹറുമൊത്തുള്ള ഒരുപാടു ചിത്രങ്ങൾ പോസ്​റ്റ്​ ചെയ്​ത്​ 29കാരനായ കരാൻ കുറിച്ചു.