മൂ​ന്ന് യൂ​റോ​പ്യ​ൻ രാ​ജ്യ​ങ്ങ​ൾ വ്യോ​മ​പാ​ത അ​ട​ച്ചു; റ​ഷ്യ​ൻ വി​ദേ​ശ​കാ​ര്യ മ​ന്ത്രിയുടെ യാത്ര റദ്ദാക്കി

മോ​സ്കോ/​കി​യ​വ്: മൂ​ന്ന് കി​ഴ​ക്ക​ൻ യൂ​റോ​പ്യ​ൻ രാ​ജ്യ​ങ്ങ​ൾ വ്യോ​മ​പാ​ത അ​ട​ച്ച​തി​നെ തു​ട​ർ​ന്ന് റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്‌​റോ​വി​ന്റെ സെ​ർ​ബി​യ സ​ന്ദ​ർ​ശ​നം റ​ദ്ദാ​ക്കി​യ​താ​യി റി​പ്പോ​ർ​ട്ട്.

ലാ​വ്‌​റോ​വ് തി​ങ്ക​ളാ​ഴ്ച സെ​ർ​ബി​യ​ൻ ത​ല​സ്ഥാ​ന​മാ​യ ബെ​ൽ​ഗ്രേ​ഡി​ൽ എ​ത്തേ​ണ്ട​താ​യി​രു​ന്നു. വ​ട​ക്ക​ൻ മാ​സി​ഡോ​ണി​യ, ബ​ൾ​ഗേ​റി​യ, മോ​ണ്ടി​നെ​ഗ്രോ എ​ന്നി​വ​യാ​ണ് ലാ​വ്റോ​വി​ന്റെ വി​മാ​നം രാ​ജ്യ​ത്ത് ക​ട​ക്കു​ന്ന​ത് ത​ട​ഞ്ഞ​തെ​ന്ന് സെ​ർ​ബി​യ​ൻ ദി​ന​പ​ത്ര​മാ​യ വെ​സെ​ൻ​ജെ നോ​വോ​സ്റ്റി റി​പ്പോ​ർ​ട്ട് ചെ​യ്തു. ന​യ​ത​ന്ത്ര വൃ​ത്ത​ങ്ങ​ൾ സെ​ർ​ബി​യ​ൻ മാ​ധ്യ​മ റി​പ്പോ​ർ​ട്ട് സ്ഥി​രീ​ക​രി​ച്ച​താ​യും റ​ഷ്യ​ൻ വാ​ർ​ത്ത ഏ​ജ​ൻ​സി​യാ​യ 'ഇ​ന്റ​ർ​ഫാ​ക്സ്' അ​റി​യി​ച്ചു.

വ്യോ​മാ​തി​ർ​ത്തി നി​രോ​ധ​ന​ത്തെ 'ശ​ത്രു​താ​പ​ര​മാ​യ ന​ട​പ​ടി' എ​ന്നാ​ണ് മോ​സ്കോ വി​ശേ​ഷി​പ്പി​ച്ച​ത്. യു​ക്രെ​യ്നി​ലെ റ​ഷ്യ​ൻ അ​ധി​നി​വേ​ശ​ത്തെ തു​ട​ർ​ന്ന് യൂ​റോ​പ്യ​ൻ യൂ​നി​യ​നും റ​ഷ്യ​ൻ വി​മാ​ന​ങ്ങ​ൾ​ക്കു​ള്ള വ്യോ​മ​പാ​ത അ​ട​ച്ചു. എ​ന്നാ​ൽ, റ​ഷ്യ​യു​മാ​യി അ​ടു​ത്ത സാം​സ്കാ​രി​ക ബ​ന്ധ​മു​ള്ള സെ​ർ​ബി​യ മോ​സ്കോ​ക്കെ​തി​രാ​യ പാ​ശ്ചാ​ത്യ ഉ​പ​രോ​ധ​ത്തി​ൽ പ​ങ്കു​ചേ​ർ​ന്നി​രു​ന്നി​ല്ല.

സെ​ർ​ബി​യ​ക്ക് പ്ര​കൃ​തി വാ​ത​കം ന​ൽ​കു​ന്ന​ത് തു​ട​രാ​ൻ റ​ഷ്യ ക​ഴി​ഞ്ഞ​മാ​സം സ​മ്മ​തി​ച്ചി​രു​ന്നു. അ​തേ​സ​മ​യം, റൂ​ബി​ളി​ൽ പ​ണം ന​ൽ​കാ​ൻ വി​സ​മ്മ​തി​ച്ച​തി​നാ​ൽ മ​റ്റ് രാ​ജ്യ​ങ്ങ​ൾ​ക്ക് റ​ഷ്യ പ്ര​കൃ​തി വാ​ത​ക വി​ത​ര​ണം നി​ർ​ത്തി.

അ​തി​നി​ടെ, യു.​എ​സു​മാ​യി ​ചേ​ർ​ന്ന് 80 കി​ലോ​മീ​റ്റ​ർ ല​ക്ഷ്യ​ത്തി​ലെ​ത്താ​ൻ ശേ​ഷി​യു​ള്ള എം 270 ​റോ​ക്ക​റ്റ് സം​വി​ധാ​ന​ങ്ങ​ൾ യു​ക്രെ​യ്ന് ന​ൽ​കു​മെ​ന്ന് യു.​കെ വ്യ​ക്ത​മാ​ക്കി. അ​തേ​സ​മ​യം, യു​ക്രെ​യ്‌​ന് പു​തി​യ ദീ​ർ​ഘ​ദൂ​ര മി​സൈ​ലു​ക​ൾ ല​ഭി​ച്ചാ​ൽ 'ഇ​തു​വ​രെ ആ​ക്ര​മി​ച്ചി​ട്ടി​ല്ലാ​ത്ത ല​ക്ഷ്യ​ങ്ങ​ൾ ആ​ക്ര​മി​ക്കു​മെ​ന്ന് റ​ഷ്യ​ൻ പ്ര​സി​ഡ​ന്റ് വ്‌​ളാ​ദി​മി​ർ പു​ടി​ൻ മു​ന്ന​റി​യി​പ്പ് ന​ൽ​കി.

സെ​വെ​റോ​ഡോ​നെ​റ്റ്സ്കി​ന്റെ സ്ഥി​തി വീണ്ടും വ​ഷ​ളാ​യ​താ​യി ലു​ഹാ​ൻ​സ്ക് ഗ​വ​ർ​ണ​ർ വ്യക്തമാക്കി. യു​ക്രെ​യ്ൻ സൈ​ന്യം സെ​വെ​റോ​ഡോ​നെ​റ്റ്സ്കി​ന്റെ പ​കു​തി​യോ​ളം നി​യ​ന്ത്ര​ണം വീ​ണ്ടെ​ടു​ത്ത​താ​യി ക​ഴി​ഞ്ഞ​ദി​വ​സം അ​വ​കാ​ശ​പ്പെ​ട്ടി​രു​ന്നു.

റ​ഷ്യ ഡോ​ൺ​ബാ​സി​നെ ആ​ക്ര​മി​ക്കു​ന്ന​ത് തു​ട​രു​ന്ന​തി​നാ​ൽ, യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്‌​കി സ​പോ​രി​ഷ്യ ,സോ​ളേ​ഡാ​ർ, ഡൊ​നെ​റ്റ്‌​സ്‌​ക്, ലി​സി​ചാ​ൻ​സ്ക്, ലു​ഹാ​ൻ​സ്‌​ക് മേ​ഖ​ല​ക​ളി​ലെ സൈ​നി​ക​രെ സ​ന്ദ​ർ​ശി​ച്ചു.

കി​ഴ​ക്ക​ൻ യു​ക്രെ​യ്നി​ൽ റ​ഷ്യ​ൻ മേ​ജ​ർ ജ​ന​റ​ൽ റോ​മ​ൻ കു​ട്ടു​സോ​വ് കൊ​ല്ല​പ്പെ​ട്ട​താ​യി റ​ഷ്യ​ൻ മാ​ധ്യ​മം റി​പ്പോ​ർ​ട്ട് ചെ​യ്തു.