Top
Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightറഷ്യയിൽ പ്രതിപക്ഷ...

റഷ്യയിൽ പ്രതിപക്ഷ നേതാവ്​ നാവൽനിയുടെ സംഘടനക്ക്​ ഭീകരമുദ്ര; കോടതി വിലക്ക്​

text_fields
bookmark_border
navalny arrest
cancel

മോസ്​കോ: റഷ്യയിൽ പ്രസിഡന്‍റ്​ വ്ലാദ്​മിർ പുടിനെതിരെ പ്രക്ഷോഭമുഖത്ത്​ സജീവമായിരുന്ന പ്രതിപക്ഷ​ നേതാവ്​ അലക്​സി നാവൽനിക്കെതിരെ വേട്ട തുടരുന്നു. നാവൽനിയുടെ സംഘടന ഭീകരതയെ പ്രോൽസാഹിപ്പിക്കുന്നുവെന്ന്​ കാണിച്ച്​ കോടതി വിലക്കി. ഇതോടെ, അദ്ദേഹത്തിന്‍റെ സംഘടനക്ക്​ മാത്രമല്ല സഖ്യകക്ഷികൾക്കും അടുത്ത അഞ്ചു വർഷത്തേക്ക്​ തെരഞ്ഞെടുപ്പിൽ മത്സരിക്കുന്നതിന്​ വിലക്ക്​ ബാധകമാകും.

ജയിലിലടക്കപ്പെട്ട നാവൽനിയെ റഷ്യയുടെ രാഷ്​ട്രീയ ചിത്രത്തിൽനിന്ന്​ തുടച്ചുനീക്കാനുള്ള പുടിന്‍റെ ശ്രമങ്ങൾക്ക്​ കോടതി പിന്തുണ നൽകുമെന്ന്​ നേരത്തെ സൂചനകളുണ്ടായിരുന്നു. ഇതിനു പിന്നാലെയാണ്​ 'ആന്‍റി കറപ്​ഷൻ ഫൗണ്ടേഷൻ' എന്ന സംഘടനയെ നിരോധിച്ച്​ ബുധനാഴ്ച രാത്രി കോടതി ഉത്തരവിറക്കിയത്​.

നാവൽനിയുടെ അറസ്റ്റിന്​ പിന്നാലെ രാജ്യത്ത്​ പ്രതിപക്ഷ​ നേതാക്കളെയും നിരവധി അഭിഭാഷകരെയും അറസ്റ്റ്​ ചെയ്​തിരുന്നു. നാവൽനിയുടെ അഭിഭാഷകനെതിരെയും കേസ്​ എടുത്തിട്ടുണ്ട്​. വിചാരണ നടക്കാനിരിക്കെ അന്വേഷണ സംഘത്തിന്‍റെ രഹസ്യങ്ങൾ ചോർത്തിയെന്നാണ്​ കേസ്​.

സംഘടനയുടെ ആസ്​ഥാനം അടച്ചുപൂട്ടുന്നതുൾപെടെ നടപടികൾ ഉടൻ ആരംഭിക്കും. പ്രവർത്തകർ ഇനിയും ഫൗണ്ടേഷനുമായി സഹകരിക്കുന്നത്​ നീണ്ട ജയിൽ ശിക്ഷക്ക്​ കാരണമാകും. സാമ്പത്തിക സഹായങ്ങൾക്കും വിലക്കുണ്ട്​. മാധ്യമ പ്രവർത്തകരും നിരീക്ഷണത്തിലാകും. നാവൽനിക്കെതിരെ നിലപാട്​ കർക്കശമാക്കിയപ്പോഴും കോടതിയെ ഉപയോഗിച്ച്​ സംഘടനയെ വിലക്കാതെ സൂക്ഷിച്ച പുടിന്‍റെ നിലപാട്​ മാറ്റമാണ്​ പുതിയ നീക്കത്തിന്​ പിന്നിൽ.

Show Full Article
TAGS:Russia Alexei Navalny organisation ban 
News Summary - Russian court outlaws Alexei Navalny’s organisation
Next Story