മരിയുപോൾ ഉ​രു​ക്കു​ഫാ​ക്ട​റി​യി​ൽ വൻ ആ​ക്ര​മ​ണം

കി​യ​വ്: മ​രി​യു​പോ​ളി​ലെ അ​സോ​വ്സ്റ്റാ​ൾ ഉ​രു​ക്കു​ഫാ​ക്ട​റി പി​ടി​ച്ചെ​ടു​ക്കാ​ൻ ആ​ക്ര​മ​ണം ക​ടു​പ്പി​ച്ച് റ​ഷ്യ. റ​ഷ്യ​ൻ സൈ​ന്യം ഫാ​ക്ട​റി​യി​ലേ​ക്ക് ഇ​ര​ച്ചു​ക​യ​റി​യ​താ​യി അ​സോ​വ് റെ​ജീ​മെ​ന്റ് ക​മാ​ൻ​ഡ​ർ അ​റി​യി​ച്ചു. ശ​ക്ത​മാ​യ ഏ​റ്റു​മു​ട്ട​ലാ​ണ് ന​ട​ക്കു​ന്ന​ത്. യു​ക്രെ​യ്ൻ സൈ​ന്യം ചെ​റു​ത്തു​നി​ൽ​പ് തു​ട​രു​ക​യാ​ണ്.

ഉ​രു​ക്കു​ഫാ​ക്ട​റി ഒ​ഴി​കെ​യു​ള്ള ഭാ​ഗ​ങ്ങ​ൾ റ​ഷ്യ​യു​ടെ നി​യ​ന്ത്ര​ണ​ത്തി​ലാ​ണ്. ഏ​താ​ണ്ട് 200 യു​ക്രെ​യ്ൻ പൗ​ര​ന്മാ​രും പോ​രാ​ളി​ക​ളും ഫാ​ക്ട​റി​യു​ടെ ബ​ങ്ക​റി​ൽ അ​ഭ​യം തേ​ടി​യി​ട്ടു​ണ്ട്. തെ​ക്ക​ൻ യു​ക്രെ​യ്നി​ലെ ത​ന്ത്ര​പ്ര​ധാ​ന​മാ​യ ഈ ​തു​റ​മു​ഖ ന​ഗ​രം പി​ടി​ച്ചെ​ടു​ക്കു​ക​യാ​ണ് റ​ഷ്യ​യു​ടെ പ്ര​ധാ​ന ല​ക്ഷ്യം. മ​രി​യു​പോ​ളി​ൽ കു​ടു​ങ്ങി കി​ട​ക്കു​ന്ന​വ​രെ സു​ര​ക്ഷി​ത​മാ​യി ഒ​ഴി​പ്പി​ക്കാ​ൻ ദീ​ർ​ഘ​കാ​ല വെ​ടി നി​ർ​ത്ത​ൽ ആ​വ​ശ്യ​മാ​ണെ​ന്ന് യു​ക്രെ​യ്ൻ പ്ര​സി​ഡ​ന്‍റ് വൊ​ളോ​ദി​മി​ർ സെ​ല​ൻ​സ്കി ആവശ്യപ്പെട്ടു.

ആ​ക്ര​ണം രൂ​ക്ഷ​മാ​യ യു​ക്രെ​യ്നി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന് മു​ന്നൂ​റോ​ളം ആ​ളു​ക​ളെ​യാ​ണ് ഐ​ക്യ​രാ​ഷ്ട്ര സ​ഭ​യും റെ​ഡ്ക്രോ​സും ചേ​ർ​ന്ന് ഒ​ഴി​പ്പി​ച്ച​ത്. കു​ടു​ങ്ങി​ക്കി​ട​ക്കു​ന്ന​വ​രെ ഒ​ഴി​പ്പി​ക്കു​ന്ന​തി​നാ​യി ഉ​രു​ക്കു ഫാ​ക്ട​റി​ക്ക് സ​മീ​പ​ത്തെ സൈ​നി​ക ന​ട​പ​ടി​ക​ൾ മൂ​ന്നു ദി​വ​സ​ത്തേ​ക്ക് നി​ർ​ത്തി​വെ​ക്കു​മെ​ന്ന് റ​ഷ്യ പ്ര​ഖ്യാ​പി​ച്ചു. മ​രി​യു​പോ​ളി​ൽ വെ​ടി നി​ർ​ത്ത​ൽ ഉ​റ​പ്പാ​ക്കാ​ൻ യു​ക്രെ​യ്ൻ ത​യാ​റാ​ണെ​ന്ന് സെ​ല​ൻ​സ്കി​യും അ​റി​യി​ച്ചു. എ​ന്നാ​ൽ, വെ​ടി​നി​ർ​ത്ത​ൽ സം​ബ​ന്ധി​ച്ച റ​ഷ്യ​യു​ടെ മു​ൻ​കാ​ല പ്ര​ഖ്യാ​പ​ന​ങ്ങ​ൾ പാ​ഴ്വാ​ക്കാ​യി​രു​ന്നു.

നി​ല​വി​ലെ സാ​ഹ​ച​ര്യ​ത്തി​ൽ ബ​ങ്ക​റു​ക​ളി​ൽ കു​ടു​ങ്ങി​ക്കി​ട​ക്കു​ന്ന​വ​രെ പു​റ​ത്തെ​ത്തി​ക്കാ​ൻ സ​മ​യ​മെ​ടു​ക്കു​മെ​ന്ന് സെ​ല​ൻ​സ്കി പ​റ​ഞ്ഞു. ഫാ​ക്റി​ക്ക​ക​ത്ത് യു​ക്രെ​യ്ൻ സൈ​നി​ക​ർ റ​ഷ്യ​ൻ സേ​ന​ക്കെ​തി​രെ ക​ന​ത്ത പോ​രാ​ട്ട​മാ​ണ് ന​ട​ത്തി​ക്കൊ​ണ്ടി​രി​ക്കു​ന്ന​തെ​ന്ന് റ‍ഷ്യ​ൻ സൈ​നി​ക ക​മാ​ൻ​ഡ​ർ ഡെ​നി​സ് പ്രോ​കോ​പെ​ങ്കോ അ​വ​കാ​ശ​പ്പെ​ട്ടു. ഫാ​ക്ട​റി​ക്ക​ക​ത്ത് റ​ഷ്യ​ൻ സേ​ന പ്ര​വേ​ശി​ച്ച​താ​യും റി​പ്പോ​ർ​ട്ടു​ണ്ട്. കി​ഴ​ക്ക​ൻ യു​ക്രെ​യ്നി​ലെ ഡൊ​ണെ​ട്സ്ക്, ലു​ഹാ​ൻ​സ്ക് മേ​ഖ​ല​ക​ൾ പി​ടി​ച്ചെ​ടു​ക്കാ​നും ആ​ക്ര​മ​ണം രൂ​ക്ഷ​മാ​ണ്.