യുക്രെയ്നിൽ റഷ്യൻ ആക്രമണം; 13 പേ​ർ കൊ​ല്ല​പ്പെ​ട്ടു, 132 പേ​ർ​ക്ക് പ​രി​ക്ക്

കി​യ​വ്: യു​ക്രെ​യ്ൻ ത​ല​സ്ഥാ​ന​ത്ത് റ​ഷ്യ ന​ട​ത്തി​യ മി​സൈ​ൽ-​ഡ്രോ​ൺ ആ​ക്ര​മ​ണ​ത്തി​ൽ 13 പേ​ർ കൊ​ല്ല​പ്പെ​ട്ടെന്ന് റി​പ്പോ​ർ​ട്ട്. 132 പേ​ർ​ക്ക് പ​രി​ക്കേ​റ്റു. മൊ​ത്തം 14 കു​ട്ടി​ക​ൾ​ക്ക് പ​രി​ക്കേ​റ്റു. ഇ​തി​ലൊ​രു കു​ട്ടി​ക്ക് അ​ഞ്ചു​മാ​സം മാ​ത്ര​മാ​ണ് പ്രാ​യം. മൂ​ന്നു വ​ർ​ഷം​മു​മ്പ് റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശം തു​ട​ങ്ങി​യ​തു​മു​ത​ൽ കു​ഞ്ഞു​ങ്ങ​ൾ​ക്ക് യു​ദ്ധ​ത്തി​ൽ ഏ​റ്റ​വു​മ​ധി​കം പ​രി​ക്കു​പ​റ്റി​യ ദി​ന​മാ​ണി​ത്.

കി​യ​വി​ലെ ഒ​മ്പ​തു​നി​ല അ​പ്പാ​ർ​ട്മെ​ന്റ് ആ​ക്ര​മ​ണ​ത്തി​ൽ ത​ക​ർ​ന്നു. കൂ​ടു​ത​ൽ പേ​ർ കെ​ട്ടി​ടാ​വ​ശി​ഷ്ട​ങ്ങ​ളി​ൽ കു​ടു​ങ്ങി​ക്കി​ട​ക്കു​ന്നു​ണ്ടോ എ​ന്ന​റി​യാ​ൻ തി​ര​ച്ചി​ൽ ന​ട​ക്കു​ക​യാ​ണ്. 300ല​ധി​കം ഡ്രോ​ണു​ക​ളും എ​ട്ട് ‘ഇ​സ്ക​ന്ദ​ർ-​കെ’ ഇ​ന​ത്തി​ൽ​പെ​ട്ട ക്രൂ​സ് മി​സൈ​ലു​ക​ളും ഉ​പ​യോ​ഗി​ച്ചാ​ണ് റ​ഷ്യ പാ​തി​രാ​ത്രി ആ​ക്ര​മ​ണം ന​ട​ത്തി​യ​തെ​ന്ന് യു​ക്രെ​യ്ൻ വ്യോ​മ​സേ​ന വ്യ​ക്ത​മാ​ക്കി.

അ​ഞ്ച് മി​സൈ​ലു​ക​ളും 21 ഡ്രോ​ണു​ക​ളും ല​ക്ഷ്യം ക​ണ്ടു. യു​ക്രെ​യ്നി​ലെ കി​ഴ​ക്ക​ൻ ന​ഗ​ര​മാ​യ ക്ര​മ​റ്റോ​ർ​സ്കി​ലും റ​ഷ്യ​ൻ ആ​ക്ര​മ​ണ​മു​ണ്ടാ​യി. ഇ​വി​ടെ ആ​ക്ര​മ​ണ​ത്തി​ൽ അ​ഞ്ചു​നി​ല അ​പ്പാ​ർ​ട്മെ​ന്റ് ത​ക​ർ​ന്നു. ഒ​രാ​ൾ കൊ​ല്ല​പ്പെ​ടു​ക​യും 11 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.