ഖാ​ർ​കി​വി​ൽ മരണം വിതച്ച് റ​ഷ്യ​ൻ പാ​ര​ട്രൂ​പ്പ​ർ​മാ​ർ ഇറങ്ങി; മു​ട്ടു​മ​ട​ക്കാ​തെ യു​ക്രെ​യ്ൻ

കി​യ​വ്: യു​ക്രെ​യ്നി​ലെ ര​ണ്ടാ​മ​ത്തെ വ​ലി​യ ന​ഗ​ര​മാ​യ ഖാ​ർ​കി​വി​ൽ റ​ഷ്യ​ൻ വ്യോ​മ​സേ​നാ വി​ഭാ​ഗ​മാ​യ പാ​ര​ട്രൂ​പ്പ​ർ​മാ​ർ ഇ​റ​ങ്ങി​യ​തോ​ടെ ക​ന​ത്ത ഏ​റ്റു​മു​ട്ട​ൽ. പ്ര​തി​രോ​ധം ശ​ക്ത​മാ​യ​തോ​ടെ റ​ഷ്യ ആ​ക്ര​മ​ണം ക​ടു​പ്പി​ച്ചു. കൂ​ടു​ത​ൽ ന​ഗ​ര​ങ്ങ​ളി​ലും ജ​ന​വാ​സ​കേ​ന്ദ്ര​ങ്ങ​ളി​ലും മി​സൈ​ലു​ക​ളും ഷെ​ല്ലു​ക​ളും വ​ർ​ഷി​ച്ചാ​ണ് റ​ഷ്യ​ൻ ക​ട​ന്നാ​ക്ര​മ​ണം. അ​തേ​സ​മ​യം മു​ട്ടു​മ​ട​ക്കാ​തെ പോ​രാ​ടു​ക​യാ​ണ് യു​ക്രെ​യ്ൻ.

ഖാ​ർ​കി​വി​ൽ ശ​ക്ത​മാ​യ പോ​രാ​ട്ട​മാ​ണ് ന​ട​ക്കു​ന്ന​ത്. ന​ഗ​ര​ത്തി​ലെ ആ​ശു​പ​ത്രി​ക്കും സ്കൂ​ളി​നും നേ​ർ​ക്ക് വ്യോ​മാ​ക്ര​മ​ണ​മു​ണ്ടാ​യി. ​ഷെ​ല്ലാ​ക്ര​മ​ണ​ത്തി​ൽ 21പേ​ർ മ​രി​ച്ചു. ഴൈ​റ്റോ​മി​ർ ന​ഗ​ര​ത്തി​ൽ ക്രൂ​സ് മി​സൈ​ൽ ആ​ക്ര​മ​ണ​ത്തി​ൽ നാ​ലു​പേ​ർ കൊ​ല്ല​പ്പെ​ട്ടു. 112 പേ​ർ​ക്ക് പ​രി​ക്കു​ണ്ട്.

ഇ​തു​വ​രെ 2000 ത​ദ്ദേ​ശ​വാ​സി​ക​ൾ കൊ​ല്ല​പ്പെ​ട്ടാ​യി യു​ക്രെ​യ്ൻ എ​മ​ർ​ജ​ൻ​സി സ​ർ​വി​സ് അ​റി​യി​ച്ചു. പൊ​ലീ​സ് സ്റ്റേ​ഷ​ൻ, യു​ക്രെ​യ്ൻ സെ​ക്യൂ​രി​റ്റി സ​ർ​വി​സ്, ക​രാ​സി​ൻ യൂ​നി​വേ​ഴ്സി​റ്റി എ​ന്നി​വ​യു​ടെ കെ​ട്ടി​ട​ങ്ങ​ളും മി​സൈ​ൽ ആ​​ക്ര​മ​ണ​ത്തി​ൽ ത​ക​ർ​ന്നു. 5,840 റ​ഷ്യ​ൻ സൈ​നി​ക​രെ വ​ധി​ച്ച​താ​യി യു​ക്രെ​യ്ൻ അ​വ​കാ​ശ​പ്പെ​ട്ടു. യു​ക്രെ​യ്നെ ച​രി​ത്ര​ത്തി​ൽ​നി​ന്ന് മാ​യ്ച്ചു​ക​ള​യാ​നു​ള്ള നീ​ക്ക​മാ​ണ് റ​ഷ്യ​യു​ടേ​തെ​ന്ന് പ്ര​സി​ഡ​ന്റ് സെ​ല​ൻ​സ്കി പ​റ​ഞ്ഞു.

അ​മേ​രി​ക്ക​യി​ൽ നി​ന്ന​ട​ക്കം അ​ന്താ​രാ​ഷ്ട്ര സ​മ്മ​ർ​ദ​മേ​റു​മ്പോ​ഴും യു​ക്രെ​യ്ൻ അ​ധി​നി​വേ​ശം ക​ടു​പ്പി​ക്കുകയാണ് ​റഷ്യ. യു​ക്രെ​യ്നു​മാ​യി വീ​ണ്ടും ച​ർ​ച്ച​ക്കു സ​ന്ന​ദ്ധ​മാ​ണെ​ന്ന് റ​ഷ്യ അ​റി​യി​ച്ചിട്ടുണ്ട്. കൂ​ടു​ത​ൽ ച​ർ​ച്ച​ക്ക് ത​യാ​റാ​ണെ​ന്ന് യു​ക്രെ​യ്ൻ​ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി​യു​ടെ ഓ​ഫി​സും വ്യ​ക്ത​മാ​ക്കി.

തെ​ക്ക​ൻ തു​റ​മു​ഖ ന​ഗ​ര​മാ​യ ഖെ​ർ​സ​ൺ പി​ടി​ച്ചെ​ടു​ത്ത​താ​യി റ​ഷ്യ അ​വ​കാ​ശ​പ്പെ​ട്ടു. എ​ന്നാ​ൽ, യു​ക്രെ​യ്ൻ പ്രാ​ദേ​ശി​ക മേ​യ​ർ ഇ​ത് ത​ള്ളി. അ​തേ​സ​മ​യം, ന​ഗ​രം റ​ഷ്യ​ൻ സേ​ന വ​ള​ഞ്ഞ​താ​യി ഗ​വ​ർ​ണ​ർ സ്ഥി​രീ​ക​രി​ച്ചു. കി​യ​വ് വ​ള​യു​മെ​ന്ന് ക​രു​തു​ന്ന റ​ഷ്യ​ൻ സൈ​നി​ക വ്യൂ​ഹം ത​ല​സ്ഥാ​ന​ത്തി​ന്റെ വ​ട​ക്ക് 25 കി​ലോ മീ​റ്റ​ർ അ​ടു​ത്തെ​ത്തി. ആ​ക്ര​മ​ണം രൂ​ക്ഷ​മാ​യ​തോ​ടെ യു​ക്രെ​യ്നി​ൽ നി​ന്ന് എ​ട്ടു ല​ക്ഷ​ത്തി​ലേ​റെ​പേ​ർ പ​ലാ​യ​നം ചെ​യ്ത​താ​യി യു.​എ​ൻ റി​​പ്പോ​ർ​ട്ട് ചെ​യ്തു. യൂ​റോ​പ്യ​ൻ യൂ​നി​യ​നും കാ​ന​ഡ​ക്കും പി​ന്നാ​ലെ റ​ഷ്യ​ൻ വി​മാ​ന​ങ്ങ​ളെ വ്യോ​മ​മേ​ഖ​ല​യി​ൽ നി​ന്ന് വി​ല​ക്കു​മെ​ന്നു യു.​എ​സും പ്ര​ഖ്യാ​പി​ച്ചു. പു​ടി​ൻ ഏ​കാ​ധി​പ​തി​യാ​ണെ​ന്നും അ​ധി​നി​വേ​ശ​ത്തി​ന് വ​ലി​യ വി​ല കൊ​ടു​ക്കേ​ണ്ടി വ​രു​മെ​ന്നും യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ പറഞ്ഞു.

റ​ഷ്യ​യു​ടെ ഏ​ക​പ​ക്ഷീ​യ ആ​ക്ര​മ​ണ​ത്തി​ൽ പ്ര​തി​ഷേ​ധി​ച്ച് ആ​പ്ൾ, ഗൂ​ഗ്ൾ, ഫോ​ർ​ഡ്, എ​ക്സ​ൺ​മോ​ബീ​ൽ തു​ട​ങ്ങി​യ വ​ൻ​കി​ട​​ക​മ്പ​നി​ക​ൾ വ്യാ​പാ​ര​ബ​ന്ധം മ​ര​വി​പ്പി​ച്ചു. ആ​ഗോ​ള​വി​പ​ണി​യി​ൽ ബ്രെ​ന്റ് ക്രൂ​ഡ് വി​ല ബാ​ര​ലി​ന് 110 ഡോ​ള​ർ ക​ട​ന്നു. യു​ക്രെ​യ്ന് കോ​ടി ഡോ​ള​റി​ന്റെ അ​ടി​യ​ന്ത​ര സാ​മ്പ​ത്തി​ക സ​ഹാ​യം പ്ര​ഖ്യാ​പി​ക്കാ​നു​ള്ള നീ​ക്ക​ത്തി​ലാ​ണ് ലോ​ക​ബാ​ങ്ക്. മാ​ർ​ച്ച് ഏ​ഴി​നും എ​ട്ടി​നും യു​ക്രെ​യ്ൻ വി​ഷ​യ​ത്തി​ൽ പൊ​തു​വി​ചാ​ര​ണ ന​ട​ത്തു​മെ​ന്ന് യു.​എ​ൻ അ​ന്താ​രാ​ഷ്ട്ര നീ​തി​ന്യാ​യ കോ​ട​തി അ​റി​യി​ച്ചു.