റഷ്യ-യുക്രെയിൻ യുദ്ധം ജൂണിനകം അവസാനിപ്പിക്കണം; കർശന നിർദേശവുമായി യു.എസ്

കിയവ്: റഷ്യ-യുക്രെയിൻ യുദ്ധം അവസാനിപ്പിക്കാൻ അന്ത്യശാസനവുമായി യു.എസ്. നാലു വർഷമായി തുടരുന്ന യുദ്ധം അവസാനിപ്പിക്കാൻ അമേരിക്ക നിർദേശം നൽകിയതായി യുക്രെയ്ൻ പ്രസിഡന്റ് ​വോളോദിമിർ സെലൻസ്കി അറിയിച്ചു.

ജൂൺ മാസത്തിനകം ഇരു രാജ്യങ്ങളും കരാറിലെത്തണമെന്നാണ് അമേരിക്ക നിർദേശം നൽകിയിട്ടുള്ളത്. അടുത്ത ആഴ്ച ചർച്ചകൾക്കായി ഇരു വിഭാഗത്തെയും യു.എസിലേക്ക് ക്ഷണിച്ചിട്ടുണ്ടെന്നും വോളോദിമിർ സെലൻസ്കി കൂട്ടിച്ചേർത്തു.