യു​ക്രെയ്നിൽ മിസൈൽ ആ​ക്രമണം ശക്തമാക്കി റഷ്യ: 23 മരണം

ഡി​നി​പ്രോ: യു​​​ക്രെ​യ്നി​ൽ ഉ​പ്പു​ഖ​ന​ന​ത്തി​ന് പേ​രു​കേ​ട്ട സോ​ളേ​ദ​ർ ന​ഗ​രം പി​ടി​ച്ച​ട​ക്കി​യ​തി​ന് പി​ന്നാ​ലെ ആ​ക്ര​മ​ണം രൂ​ക്ഷ​മാ​ക്കി റ​ഷ്യ. യു​ക്രെ​യ്ൻ ന​ഗ​ര​മാ​യ ഡി​നി​പ്രോ​യി​ൽ ശ​നി​യാ​ഴ്ച റ​ഷ്യ ന​ട​ത്തി​യ മി​സൈ​ൽ ആ​ക്ര​മ​ണ​ത്തി​ൽ അ​പ്പാ​ർ​ട്മെ​ന്റ് ത​ക​ർ​ന്ന് 15കാ​രി ഉ​ൾ​പ്പെ​ടെ 23 പേ​ർ കൊ​ല്ല​പ്പെ​ട്ടു. 73 പേ​ർ​ക്ക് ഗു​രു​ത​ര​മാ​യി പ​രി​ക്കേ​ൽ​ക്കു​ക​യും ചെ​യ്തു.

മൂ​ന്ന് വ്യോ​മാ​ക്ര​മ​ണ​ങ്ങ​ളും 57 മി​സൈ​ലു​ക​ളും 69 റോ​ക്ക​റ്റ് ആ​ക്ര​മ​ണ​ങ്ങ​ളു​മാ​ണ് റ​ഷ്യ ന​ട​ത്തി​യ​ത്. ജ​ന​വാ​സ​മേ​ഖ​ല​യെ ല​ക്ഷ്യ​മി​ട്ടാ​ണ് റോ​ക്ക​റ്റ് ആ​ക്ര​മ​ണം ന​ട​ത്തി​യ​തെ​ന്നും സ്ഥി​തി അ​തി​ഗു​രു​ത​ര​മാ​ണെ​ന്നും യു​ക്രെ​യ്ൻ സൈ​നി​ക​വ​ക്താ​വി​നെ ഉ​ദ്ധ​രി​ച്ച് ലോ​ക​മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. പ്ര​ദേ​ശ​ത്ത് കു​ടു​ങ്ങി​യ 40 പേ​രെ ഇ​നി​യും ക​ണ്ടെ​ത്താ​നാ​യി​ട്ടി​ല്ലെ​ന്ന് റീ​ജ​ന​ൽ ഗ​വ​ർ​ണ​ർ വാ​ല​​​​ൈ​ന്റ​ൻ റ​സ്നി​ചെ​ങ്കോ പ​റ​ഞ്ഞു. ആ​ക്ര​മ​ണ​ത്തി​ൽ ജ​ന​വാ​സ​മു​ള്ള നി​ര​വ​ധി അ​പ്പാ​ർ​ട്മെ​ന്റു​ക​ളാ​ണ് ത​ക​ർ​ന്നു​വീ​ണ​ത്. നൂ​റു​ക​ണ​ക്കി​ന് ആ​ളു​ക​ൾ ഇ​തോ​ടെ ഭ​വ​ന​ര​ഹി​ത​രാ​യെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം, സോ​ളേ​ദ​ർ ന​ഗ​രം പി​ടി​ച്ച​ട​ക്കി​യ​ശേ​ഷം റ​ഷ്യ​ൻ​സേ​ന ന​ട​ത്തു​ന്ന പ്ര​ത്യേ​ക മു​ന്നേ​റ്റം പു​തു​​പ്ര​വ​ണ​ത​യാ​ണെ​ന്നും വൈ​കാ​തെ മ​റ്റൊ​രു നേ​ട്ടം കൈ​വ​രി​ക്കാ​ൻ സാ​ധി​ക്കു​മെ​ന്നാ​ണ് ക​രു​തു​ന്ന​തെ​ന്നും പ്ര​സി​ഡ​ന്റ് വ്ലാ​ദ്മി​ർ പു​ടി​ൻ പ​റ​ഞ്ഞു. എ​ന്നാ​ൽ, ക​ഴി​ഞ്ഞ​ദി​വ​സം റ​ഷ്യ പി​ടി​ച്ച​ട​ക്കി എ​ന്ന് അ​വ​കാ​ശ​​പ്പെ​ട്ട സോ​ളേ​ദ​ർ ന​ഗ​ര​ത്തി​ന്റെ നി​യ​ന്ത്ര​ണം ന​ഷ്ട​മാ​യി​ട്ടി​ല്ലെ​ന്നും പോ​രാ​ട്ടം ശ​ക്ത​മാ​ണെ​ന്നു​മാ​ണ് യു​ക്രെ​യ്ൻ അ​വ​കാ​ശ​പ്പെ​ടു​ന്ന​ത്. യു​ദ്ധ​ത്ത​ട​വു​കാ​രെ കൈ​മാ​റാ​നു​ള്ള തീ​രു​മാ​ന​വും അ​വ​സാ​ന​നി​മി​ഷം റ​ഷ്യ റ​ദ്ദാ​ക്കി​യ​താ​യി യു​ക്രെ​യ്ൻ ആ​രോ​പി​ച്ചു.

അതേസമയം, ബ്രിട്ടൻ റ​ഷ്യ​യു​ടെ ആ​ക്ര​മ​ണം നേ​രി​ടാ​ൻ യു​ക്രെ​യ്ന് വ​ൻ ആ​യു​ധ​ങ്ങ​ൾ കൈ​മാ​റി. 14 ച​ല​ഞ്ച​ർ 2 യു​ദ്ധ ടാ​ങ്കു​ക​ളാ​ണ് യു​ക്രെ​യ്നി​ലേ​ക്ക് അ​യ​ച്ച​ത്. ശ​നി​യാ​ഴ്ച യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി ബ്രി​ട്ടീ​ഷ് പ്ര​ധാ​ന​മ​ന്ത്രി ​ഋ​ഷി സു​ന​കു​മാ​യി ന​ട​ത്തി​യ ഫോ​ൺ സം​ഭാ​ഷ​ണ​ത്തി​ന് പി​ന്നാ​ലെ​യാ​ണ് കൂ​ടു​ത​ൽ ആ​യു​ധ​ങ്ങ​ൾ ബ്രി​ട്ട​ൻ കൈ​മാ​റി​യ​തെ​ന്ന് പ്ര​ധാ​ന​മ​ന്ത്രി​യു​ടെ ഓ​ഫി​സ് പു​റ​ത്തു​വി​ട്ട പ്ര​സ്താ​വ​ന​യി​ൽ അ​റി​യി​ച്ചു.

യു​ക്രെ​യ്ന് കൂ​ടു​ത​ൽ പ്ര​ഹ​ര​ശേ​ഷി​യു​ള്ള ആ​യു​ധ​ങ്ങ​ൾ കൈ​മാ​റു​ന്ന ആ​ദ്യ പ​ടി​ഞ്ഞാ​റ​ൻ​രാ​ജ്യ​മാ​ണ് യു.​കെ. യു​ക്രെ​യ്നി​നു​ള്ള പി​ന്തു​ണ തീ​വ്ര​മാ​ക്കാ​നു​ള്ള അ​ഭി​ലാ​ഷ​ത്തി​ന്റെ അ​ട​യാ​ള​മാ​ണ് യു​ദ്ധ ടാ​ങ്കു​ക​ളു​ടെ കൈ​മാ​റ്റ​മെ​ന്ന് സു​ന​ക് പ​റ​ഞ്ഞു.