യുക്രെയ്നിൽ വീണ്ടും വെടിനിർത്തൽ പ്രഖ്യാപിച്ച് റഷ്യ

മോസ്കോ: യുക്രെയ്നിൽ വീണ്ടും താൽകാലിക വെടിനിർത്തൽ പ്രഖ്യാപിച്ച് റഷ്യ. യുക്രെയ്ൻ തലസ്ഥാനമായ കിയവ്, ഖാർകീവ്, സുമി, മരിയുപോൾ എന്നീ നഗരങ്ങളിലാണ് വെടിനിർത്തൽ പ്രഖ്യാപിച്ചത്. യുക്രെയ്​നിൽ കുടുങ്ങിയവർക്ക് സുരക്ഷിത ഇടനാഴി ഒരുക്കുന്നതിന്‍റെ ഭാഗമായാണ് റഷ്യയുടെ നടപടി.

ഇന്ത്യൻ സമയം ഉച്ചക്ക് 12.30ന് വെടിനിർത്തിൽ പ്രാബല്യത്തിൽ വരുമെന്ന് റഷ്യൻ വാർത്ത ഏജൻസിയായ സ്പുട്​നിക്​ ന്യൂസ് റിപ്പോർട്ട് ചെയ്തു. കഴിഞ്ഞ 13 ദിവസമായി കിയവ്, ഖാർകീവ്, സുമി എന്നീ നഗരങ്ങൾ കനത്ത ഷെല്ലാക്രമണമാണ് റഷ്യൻ സേന നടത്തുന്നത്.

യുക്രെയ്​നിൽ കുടുങ്ങിയവരെ സുരക്ഷിതമായി പുറത്തെത്തിക്കുന്നതിന്​ മാർച്ച് അഞ്ചിന് റഷ്യ താൽകാലിക വെടിനിർത്തിൽ പ്രഖ്യാപിച്ചിരുന്നു. മരിയുപോൾ, വൊൾനോവാഹ എന്നിവിടങ്ങളിലെ രക്ഷാപ്രവർത്തനത്തിനായി​ ആറ്​ മണിക്കൂർ മാത്രം ദൈർഘ്യമുള്ള വെടിനിർത്തലാണ് അന്ന് പ്രഖ്യാപിച്ചത്. എന്നാൽ, വെടിനിർത്തലിനൊപ്പം യുക്രെയ്ൻ നഗരങ്ങളിൽ റഷ്യൻ സൈന്യം വ്യോമാക്രമണം നടത്തിയിരുന്നു.

യുക്രെയ്നിൽ കുടുങ്ങി കിടക്കുന്ന വിദ്യാർഥികളെ ഒഴിപ്പിക്കുന്നതിന് വിവിധ നഗരങ്ങളിൽ വെടിനിർത്തൽ പ്രഖ്യാപിക്കണമെന്ന് ഇന്ത്യ നിരന്തരം ആവശ്യപ്പെട്ടിരുന്നു.

ഓ​പ​റേ​ഷ​ൻ ഗം​ഗ ​രക്ഷാ​ദൗ​ത്യ​ത്തി​ന്‍റെ ഭാഗമായി ഞാ​യ​റാ​ഴ്ച വ​രെ 76 വി​മാ​ന​ങ്ങ​ളി​ലാ​യി 15,920ഓ​ളം പൗ​ര​ന്മാ​രെ ഇ​ന്ത്യ​യി​ലെ​ത്തി​ച്ചെ​ന്നാ​ണ്​ വ്യോ​മ​യാ​ന മ​ന്ത്രാ​ല​യ​ത്തി​ന്‍റെ ക​ണ​ക്ക്. ഓ​പ​റേ​ഷ​ൻ ഗം​ഗ അ​ന്ത്യ​ഘ​ട്ട​ത്തി​ലേ​ക്ക്​ നീ​ങ്ങു​ക​യാ​ണെ​ന്നും വി​ദേ​ശ​കാ​ര്യ മ​ന്ത്രാ​ല​യം അ​റി​യിച്ചു. കി​യ​വി​ൽ വെ​ടി​യേ​റ്റ്​ ചി​കി​ത്സ​യി​ൽ ക​ഴി​യു​ന്ന ഹ​ർ​ജോ​ത്​ സി​ങ്ങിനെ തി​ങ്ക​ളാ​ഴ്ച ഇ​ന്ത്യ​യി​ലെ​ത്തിക്കും.

സു​മി​യി​ൽ ബ​ങ്ക​റു​ക​ളി​ൽ ക​ഴി​യു​ന്ന മ​ല​യാ​ളി​ക​ൾ അ​ട​ക്ക​മു​ള്ള 1000ത്തോ​ളം ഇ​ന്ത്യ​ൻ വി​ദ്യാ​ർ​ഥി​ക​ൾ പു​റ​ത്തി​റ​ങ്ങാ​ൻ മാ​ർ​ഗ​മി​ല്ലാ​തെ തു​ട​രു​ക​യാ​ണ്. ഞാ​യ​റാ​ഴ്ച ഡ​ല്‍ഹി, മും​ബൈ വി​മാ​ന​ത്താ​വ​ള​ങ്ങ​ളി​ലെ​ത്തി​യ 486 മ​ല​യാ​ളി​ക​ളെ​ക്കൂ​ടി സം​സ്ഥാ​ന സ​ര്‍ക്കാ​റി​ന്‍റെ നേ​തൃ​ത്വ​ത്തി​ല്‍ കേ​ര​ള​ത്തി​ലെ​ത്തി​ച്ചിരുന്നു. ഇ​തോ​ടെ സം​സ്ഥാ​ന സ​ര്‍ക്കാ​റി​ന്‍റെ നേ​തൃ​ത്വ​ത്തി​ല്‍ കേ​ര​ള​ത്തി​ലെ​ത്തി​ച്ച​വ​രു​ടെ ആ​കെ എ​ണ്ണം 2082 ആ​യി.