സെ​വെറോ​ഡോണെറ്റ്സ്ക് പിടിച്ച് റഷ്യ

കി​യ​വ്: പോ​രാ​ട്ടം രൂ​ക്ഷ​മാ​യി തു​ട​രു​ന്ന കി​ഴ​ക്ക​ൻ യു​ക്രെ​യ്നി​ൽ സെ​വെ​റോ​ഡോ​ണെ​റ്റ്സ്ക് പ​ട്ട​ണ​ത്തി​ന്റെ ഹൃ​ദ​യ​ഭാ​ഗം റ​ഷ്യ​യു​ടെ നി​യ​ന്ത്ര​ണ​ത്തി​ൽ. ആ​ഴ്ച​ക​ളാ​യി തു​ട​രു​ന്ന ക​ടു​ത്ത പോ​രാ​ട്ടം റ​ഷ്യ​ക്ക് അ​നു​കൂ​ല​മാ​കു​ന്നു​വെ​ന്ന സൂ​ച​ന ന​ൽ​കി​യാ​ണ് അ​വ​സാ​ന മ​ണി​ക്കൂ​റു​ക​ളി​ൽ സു​​പ്ര​ധാ​ന കീ​ഴ​ട​ങ്ങ​ൽ. ഞാ​യ​റാ​ഴ്ച രാ​ത്രി​യോ​ടെ സൈ​നി​ക നി​യ​ന്ത്ര​ണം ന​ഷ്ട​മാ​യ​താ​യി യു​ക്രെ​യ്നും സ​മ്മ​തി​ച്ചു. പ​ട്ട​ണ​ത്തെ രാ​ജ്യ​ത്തി​ന്റെ മ​റ്റു ഭാ​ഗ​ങ്ങ​ളു​മാ​യി ബ​ന്ധി​പ്പി​ക്കു​ന്ന പാ​ലം ഞാ​യ​റാ​ഴ്ച റ​ഷ്യ ബോം​ബി​ട്ട് ത​ക​ർ​ത്തി​രു​ന്നു.

ഇ​തോ​ടെ, സൈ​നി​ക നീ​ക്കം പൂ​ർ​ണ​മാ​യി ത​ട​സ്സ​പ്പെ​ട്ട​താ​ണ് വി​ന​യാ​യ​ത്. കി​ഴ​ക്ക​ൻ മേ​ഖ​ല​യി​ൽ റ​ഷ്യ​ൻ നി​യ​ന്ത്ര​ണം പൂ​ർ​ണ​മാ​കു​ന്നു​വെ​ന്ന് റി​പ്പോ​ർ​ട്ടു​ക​ൾ പ​റ​യു​ന്നു. ഇ​വി​ടെ യു​ക്രെ​യ്ൻ സേ​ന​യു​ടെ ആ​യു​ധ​ങ്ങ​ൾ നേ​ര​ത്തെ റ​ഷ്യ​ൻ ബോം​ബു​വ​ർ​ഷ​ത്തി​ൽ ത​ക​ർ​ന്നി​രു​ന്നു. പ​ട്ട​ണ​ത്തി​ലെ ഓ​രോ തെ​രു​വി​ലും ഇ​രു സേ​ന​യും ത​മ്മി​ൽ പോ​രാ​ട്ടം ന​ട​ക്കു​ക​യാ​ണെ​ന്ന് ഞാ​യ​റാ​ഴ്ച യു​ക്രെ​യ്ൻ ​പ്ര​സി​ഡ​ന്റ് സെ​ല​ൻ​സ്കി പ​റ​ഞ്ഞി​രു​ന്നു. അ​തി​ന് വി​പ​രീ​ത​മാ​യാ​ണ് അ​തേ ദി​വ​സം രാ​ത്രി​യോ​ടെ റ​ഷ്യ​ൻ മു​ന്നേ​റ്റം. പ​ടി​ഞ്ഞാ​റ​ൻ യു​ക്രെ​യ്നി​ൽ ത​ന്ത്ര​പ്ര​ധാ​ന​മാ​യ ആ​യു​ധ​കേ​ന്ദ്രം ക​ഴി​ഞ്ഞ ദി​വ​സം റ​ഷ്യ ത​ക​ർ​ത്തി​രു​ന്നു.

യു​ക്രെ​യ്ന് കൂ​ടു​ത​ൽ ആ​യു​ധ​ങ്ങ​ൾ ന​ൽ​കു​ന്ന​ത് സം​ബ​ന്ധി​ച്ച് വി​വി​ധ രാ​ജ്യ​ങ്ങ​ളി​ലെ പ്ര​തി​രോ​ധ മ​ന്ത്രി​മാ​ർ ബു​ധ​നാ​ഴ്ച യോ​ഗം ചേ​രു​ന്നു​ണ്ട്. അ​ടി​യ​ന്ത​ര​മാ​യി ആ​യു​ധ​ങ്ങ​ൾ എ​ത്തി​യി​ല്ലെ​ങ്കി​ൽ ക​ന​ത്ത നാ​ശ​മാ​കും ഫ​ല​മെ​ന്ന് സെ​ല​ൻ​സ്കി മു​ന്ന​റി​യി​പ്പ് ന​ൽ​കി​യി​രു​ന്നു.

• ക്ല​സ്റ്റ​ർ ബോം​ബു​ വർഷം; ഖാർകിവിൽ യുദ്ധക്കുറ്റമെന്ന് ആം​നെ​സ്റ്റി
  

ഏ​റ്റ​വും ക​ടു​ത്ത പോ​രാ​ട്ടം ന​ട​ന്ന ഖാ​ർ​കി​വി​ൽ റ​ഷ്യ നി​രോ​ധി​ത ക്ല​സ്റ്റ​ർ ബോം​ബു​ക​ൾ വ​ർ​ഷി​ച്ചെ​ന്ന് ആം​നെ​സ്റ്റി ഇ​ന്റ​ർ​നാ​ഷ​ന​ൽ. നി​ശ്ചി​ത ഇ​ട​വേ​ള​യി​ൽ പൊ​ട്ടി​ത്തെ​റി​ക്കു​ന്ന മാ​ര​ക​ശേ​ഷി​യു​ള്ള കു​ഞ്ഞു​മൈ​നു​ക​ൾ റോ​ക്ക​റ്റ് വ​ഴി ഖാ​ർ​കി​വി​ൽ പ​ല​യി​ട​ത്താ​യി പ്ര​യോ​ഗി​ച്ച​താ​യാ​ണ് ആ​ക്ഷേ​പം. നി​ര​വ​ധി സി​വി​ലി​യ​ന്മാ​ർ ആ​ക്ര​മ​ണ​ങ്ങ​ളി​ൽ കൊ​ല്ല​പ്പെ​ട്ട​താ​യും സൂ​ച​ന​യു​ണ്ട്.