റ​ഷ്യ​ൻ ജ​ന​റ​ൽ​മാ​ർ​ക്ക് ബ്രി​ട്ടീ​ഷ് ഉ​പ​രോ​ധം; പുതിയ യുദ്ധ കമാൻഡറെ നിയമിച്ച് റഷ്യ

മോസ്കോ: യു​ദ്ധ​ക്കു​റ്റം ന​ട​ത്തി​യ റ​ഷ്യ​ൻ സൈ​നി​ക​ർ​ക്കും ജ​ന​റ​ൽ​മാ​ർ​ക്കും പൊ​ലീ​സ് മ​ന്ത്രി കി​ത് മാ​ൽ​ത്തൂ​സി​നു​മെ​തി​രെ ​ഉ​പ​രോ​ധം ചു​മ​ത്തു​മെ​ന്ന് ബ്രി​ട്ട​ൻ അ​റി​യി​ച്ചു. ക​ഴി​ഞ്ഞ ദി​വ​സം യു​ക്രെ​യ്നി​ൽ ബ്രി​ട്ടീ​ഷ് പ്ര​ധാ​ന​മ​ന്ത്രി ബോ​റി​സ് ജോ​ൺ​സ​ൺ മി​ന്ന​ൽ സ​ന്ദ​ർ​ശ​നം ന​ട​ത്തി​യി​രു​ന്നു.

ജോ​ൺ​സ​​ന്റെ സ​ന്ദ​ർ​ശ​നം സ​മ​യ​ബ​ന്ധി​ത​വും പ്രാ​ധാ​ന്യ​മേ​റി​യ​തു​മാ​ണെ​ന്ന് യു​ക്രെ​യ്ൻ പ്ര​സി​ഡ​ന്റി​ന്റെ ഉ​പ​ദേ​ഷ്ടാ​വ് ഐ​ഹ​ർ ഴോ​വ്സ്ക്വ പ​റ​ഞ്ഞു. യു.​കെ പ്ര​ധാ​ന​മ​ന്ത്രി വെ​റും​കൈ​യോ​ടെ വ​ന്ന​ത​ല്ലെ​ന്നും സാ​മ്പ​ത്തി​ക-​സൈ​നി​ക സ​ഹാ​യ​മ​ട​ക്കം വാ​ഗ്ദാ​നം ചെ​യ്തു​വെ​ന്നും ഐ​ഹ​ർ സൂ​ചി​പ്പി​ച്ചു.

റ​ഷ്യ​ൻ ആ​ക്ര​മ​ണം ത​ട​യു​ന്ന​തി​ന്റെ ഭാ​ഗ​മാ​യി നാ​റ്റോ രാ​ജ്യ​ങ്ങ​ളു​ടെ അ​തി​ർ​ത്തി​ക​ളി​ൽ സ്ഥി​ര​മാ​യി സൈ​നി​ക​രെ വി​ന്യ​സി​ക്കു​മെ​ന്ന് നാ​റ്റോ ജ​ന​റ​ൽ സെ​ക്ര​ട്ട​റി ജെ​ൻ​സ് സ്റ്റോ​ള​ൻ​ബ​ർ​ഗ് അ​റി​യി​ച്ചു. അ​തി​നി​ടെ, മാ​നു​ഷി​ക ഇ​ട​നാ​ഴി​ക​ൾ വ​ഴി 4500 പേ​രെ യു​ക്രെ​യ്ൻ ഒ​ഴി​പ്പി​ച്ചു. സൈ​നി​ക​രു​ടെ എ​ണ്ണം വ​ർ​ധി​പ്പി​ക്കാ​ൻ റ​ഷ്യ ഒ​രു​ങ്ങു​ക​യാ​ണെ​ന്ന് ബ്രി​ട്ടീ​ഷ് പ്ര​തി​രോ​ധ​മ​ന്ത്രാ​ല​യം വ്യ​ക്ത​മാ​ക്കി.

യു​ക്രെ​യ്നി​ൽ നി​ന്ന് പ​ലാ​യ​നം ചെ​യ്ത​വ​രു​ടെ എ​ണ്ണം 45ല​ക്ഷം ക​ട​ന്നു. ഇ​തി​ൽ 26 ല​ക്ഷം ആ​ളു​ക​ൾ പോ​ള​ണ്ടി​ലേ​ക്കും 6,86,000 പേ​ർ റു​മേ​നി​യ​യി​ലേ​ക്കു​മാ​ണ് പോ​യ​ത്.

അതേസമയം, യുക്രെയ്നിലെ സൈനിക നീക്കം പരാജപ്പെടുമെന്ന ഘട്ടം വന്നതോടെ റഷ്യ പുതിയ യുദ്ധകമാൻഡറെ നിയമിച്ചതായി യു.എസ്. സൈനിക രംഗത്ത് ഏറെ പരിശീലനം സിദ്ധീച്ച ജന. അലക്സാണ്ടർ ഡിവോർണികോവിനെയാണ്(60) പുതിയ കമാൻഡറായി നിയമിച്ചത്. സിറിയ പോലുള്ള രാജ്യങ്ങളിൽ ആക്രമണം നടത്തിയതിന്റെ പരിചയം മുൻനിർത്തിയാണ് നിയമനം.