യുക്രെയ്ൻ: സ​മാ​ധാ​ന ച​ർ​ച്ച തു​ട​രു​ന്നു, അനുരഞ്ജന സാധ്യത

കി​യ​വ്: 21 ദി​വ​സം പി​ന്നി​ട്ട റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശം അ​വ​സാ​നി​പ്പി​ക്കാ​ൻ ല​ക്ഷ്യ​മി​ട്ട് സ​മാ​ധാ​ന ച​ർ​ച്ച തു​ട​രു​ന്നു. ച​ർ​ച്ച​യി​ൽ കാ​ര്യ​മാ​യ പു​രോ​ഗ​തി​യു​ണ്ടെ​ന്നും അ​നു​ര​ഞ്ജ​ന സാ​ധ്യ​ത​യു​ണ്ടെ​ന്നു​മാ​ണ് യു​ക്രെ​യ്ൻ അ​ധി​കൃ​ത​രു​ടെ പ്ര​തി​ക​ര​ണം. ഇ​ത്ത​വ​ണ യാ​ഥാ​ർ​ഥ്യ​ത്തോ​ട് അ​ടു​ത്തു​നി​ൽ​ക്കു​ന്ന നി​ർ​ദേ​ശ​ങ്ങ​ളാ​ണ് റ​ഷ്യ​യു​ടെ ഭാ​ഗ​ത്തു​നി​ന്നു​ണ്ടാ​യ​തെ​ന്ന് യു​ക്രെ​യ്ൻ പ്ര​സി​ഡ​ന്റ് വൊ​ളോ​ദി​മി​ർ സെ​ല​ൻ​സ്കി പ​റ​ഞ്ഞു.

ച​ർ​ച്ച​യി​ൽ പ്ര​തീ​ക്ഷ​യു​ള്ള​താ​യും ചി​ല വി​ഷ​യ​ങ്ങ​ളി​ൽ ധാ​ര​ണ​യി​ലെ​ത്താ​ൻ സാ​ധി​ച്ച​താ​യും റ​ഷ്യ​ൻ വി​ദേ​ശ​കാ​ര്യ​മ​ന്ത്രി സെ​ർ​ജി ലാ​വ്റോ​വും അ​റി​യി​ച്ചു. പ​ര​സ്പ​ര​വി​രു​ദ്ധ​മാ​യ ചി​ല കാ​ര്യ​ങ്ങ​ളു​ണ്ടെ​ങ്കി​ലും അ​നു​ര​ഞ്ജ​ന​ത്തി​നു സാ​ധ്യ​ത​യു​ണ്ടെ​ന്ന് യു​ക്രെ​യ്ൻ നെ​ഗോ​ഷ്യേ​റ്റ​ർ മി​ഖൈ​ലോ പോ​ദോ​ലി​യാ​ക് വ്യ​ക്ത​മാ​ക്കി.

അ​തി​നി​ടെ, യു​ക്രെ​യ്ന് പി​ന്തു​ണ അ​റി​യി​ച്ച് പോ​ള​ണ്ട്, ചെ​ക് റി​പ്പ​ബ്ലി​ക്, സ്ലൊ​വാ​നി​യ രാ​ജ്യ​ങ്ങ​ളു​ടെ പ്ര​ധാ​ന​മ​ന്ത്രി​മാ​ർ കി​യ​വി​ലെ​ത്തി സെ​ല​ൻ​സ്കി​യു​മാ​യി കൂ​ടി​ക്കാ​ഴ്ച ന​ട​ത്തി മ​ട​ങ്ങി. പി​ന്തു​ണ​ക്ക് ന​ന്ദി​യു​മാ​യി സെ​ല​ൻ​സ്കി യു.​എ​സ് കോ​ൺ​ഗ്ര​സി​നെ അ​ഭി​സം​ബോ​ധ​ന ചെ​യ്തു.

സ​മാ​ധാ​ന ച​ർ​ച്ച​ക​ൾ​ക്കി​ട​യി​ലും റ​ഷ്യ​ൻ ആ​​ക്ര​മ​ണ​ത്തി​ന് അ​യ​വി​ല്ല. ഖാ​ർ​കി​വി​ൽ ഷെ​ല്ലാ​ക്ര​മ​ണ​ത്തി​ൽ ഒ​രാ​ൾ മ​രി​ച്ചു. ര​ണ്ട് അ​പാ​ർ​ട്മെ​ന്റ് കെ​ട്ടി​ട​ങ്ങ​ളും ത​ക​ർ​ന്നു. ചെ​ർ​ണീ​വി​ൽ ഭ​ക്ഷ​ണം വാ​ങ്ങാ​ൻ വ​രി നി​ന്ന​വ​ർ​ക്കെ​തി​രെ റ​ഷ്യ​ൻ സൈ​ന്യം വെ​ടി​യു​തി​ർ​ത്തു. ആ​ക്ര​മ​ണ​ത്തി​ൽ 10 പേ​ർ മ​രി​ച്ചു. റ​ഷ്യ​ൻ സൈ​നി​ക ജ​ന​റ​ൽ ഒ​ളേ​ഗ് മി​ത്യ​യീ​വി​നെ വ​ധി​ച്ച​താ​യും യു​ക്രെ​യ്ൻ അ​വ​കാ​ശ​പ്പെ​ട്ടു. മൂ​ന്ന് റ​ഷ്യ​ൻ വി​മാ​ന​ങ്ങ​ളും മൂ​ന്ന് ഡ്രോ​ണു​ക​ളും ഒ​രു ഹെ​ലി​കോ​പ്ട​റും വെ​ടി​വെ​ച്ചി​ട്ട​താ​യി യു​ക്രെ​യ്ൻ വ്യോ​മ​പ്ര​തി​രോ​ധ വി​ഭാ​ഗം അ​റി​യി​ച്ചു.

യു​ദ്ധ​ത്തി​ൽ 103 കു​ട്ടി​ക​ളു​ടെ ജീ​വ​ൻ ന​ഷ്ട​മാ​യി. 400ലേ​റെ വി​ദ്യാ​ഭ്യാ​സ​സ്ഥാ​പ​ന​ങ്ങ​ൾ റ​ഷ്യ ബോം​ബി​ട്ട് ത​ക​ർ​ത്തു. പ്ര​തി​സ​ന്ധി ച​ർ​ച്ച ചെ​യ്യാ​ൻ യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ യൂ​റോ​പ് സ​ന്ദ​ർ​ശി​ക്കും. അ​തി​നി​ടെ, റ​ഷ്യ ആ​ക്ര​മ​ണം നി​ർ​ത്ത​ണ​മെ​ന്ന് അ​ന്താ​രാ​ഷ്ട്ര നീ​തി​ന്യാ​യ കോ​ട​തി ആ​വ​ശ്യ​പ്പെ​ട്ടു.