സപോറിഷ്യ: ഷെ​ല്ലാ​ക്ര​മ​ണം ന​ട​ത്തി​യ​താ​യി പ​ര​സ്പ​രം പ​ഴി​ചാ​രി റ​ഷ്യ​യും യു​ക്രെ​യ്നും

കി​യ​വ്: ​സ​പോ​റി​ഷ്യ ആ​ണ​വ​നി​ല​യ​ത്തി​ൽ​നി​ന്ന് വി​കി​ര​ണ ചോ​ർ​ച്ച സാ​ധ്യ​ത​യെ​ക്കു​റി​ച്ച ആ​ശ​ങ്ക നി​ല​നി​ൽ​ക്കു​ന്ന​തി​നി​ടെ സ​മീ​പം ഷെ​ല്ലാ​ക്ര​മ​ണം ന​ട​ത്തി​യ​താ​യി പ​ര​സ്പ​രം പ​ഴി​ചാ​രി റ​ഷ്യ​യും യു​ക്രെ​യ്നും. നി​ല​യ​ത്തി​ന് സ​മീ​പം റ​ഷ്യ മി​സൈ​ൽ, ഷെ​ല്ലാ​ക്ര​മ​ണം ന​ട​ത്തി​യ​താ​യി യു​ക്രെ​യ്ൻ ആ​രോ​പി​ച്ച​പ്പോ​ൾ യു​ക്രെ​യ്ൻ സൈ​ന്യം വെ​ടി​യു​തി​ർ​ത്ത​താ​യും ആ​ണ​വ ഇ​ന്ധ​നം സൂ​ക്ഷി​ച്ച കെ​ട്ടി​ട​ത്തി​ൽ ഷെ​ല്ലാ​ക്ര​മ​ണം ന​ട​ത്തി​യ​താ​യും റ​ഷ്യ തി​രി​ച്ച​ടി​ച്ചു.

ഗ്രാ​ഡ് മി​സൈ​ലു​ക​ളും പീ​ര​ങ്കി ഷെ​ല്ലു​ക​ളും നി​ക്കോ​പോ​ൾ, മ​ർ​ഹാ​നെ​റ്റ്സ് ന​ഗ​ര​ങ്ങ​ളി​ൽ പ​തി​ച്ച​താ​യി യു​ക്രെ​യ്നി​ലെ ഡി​നി​പ്രോ പെ​ട്രോ​വ്സ്ക് മേ​ഖ​ല​യു​ടെ ഗ​വ​ർ​ണ​ർ വാ​ല​ന്റൈ​ൻ റെ​സ്നി​ചെ​ങ്കോ ശ​നി​യാ​ഴ്ച പ​റ​ഞ്ഞു.

പ്ലാ​ന്റി​ൽ നി​ന്ന് 10 കി​ലോ​മീ​റ്റ​ർ അ​ക​ലെ​യും ഡൈ​നി​പ്പ​ർ ന​ദി​ക്ക് കു​റു​കെ​യും സ്ഥി​തി​ചെ​യ്യു​ന്ന​താ​ണ് ഈ ​ന​ഗ​ര​ങ്ങ​ൾ. എ​ന്നാ​ൽ യു​ക്രെ​യ്നി​യ​ൻ സൈ​ന്യം മ​ർ​ഹാ​നെ​റ്റി​ൽ നി​ന്ന് പ്ലാ​ന്റി​ന് നേ​രെ വെ​ടി​യു​തി​ർ​ത്ത​താ​യി റ​ഷ്യ​ൻ പ്ര​തി​രോ​ധ മ​ന്ത്രാ​ല​യ വ​ക്താ​വ് ഇ​ഗോ​ർ കൊ​നാ​ഷെ​ങ്കോ​വ് പ​റ​ഞ്ഞു.

ക​ഴി​ഞ്ഞ​ദി​വ​സം 17 യു​ക്രെ​യ്നി​യ​ൻ ഷെ​ല്ലു​ക​ൾ പ്ലാ​ന്റി​ൽ പ​തി​ക്കു​ക​യും നാ​ലെ​ണ്ണം ആ​ണ​വ ഇ​ന്ധ​നം സൂ​ക്ഷി​ക്കു​ന്ന കെ​ട്ടി​ട​ത്തി​ന്റെ മേ​ൽ​ക്കൂ​ര​യി​ൽ ഇ​ടി​ക്കു​ക​യും ചെ​യ്ത​താ​യി അ​ദ്ദേ​ഹം ആ​രോ​പി​ച്ചു. ഷെ​ല്ലാ​ക്ര​മ​ണം നി​ല​യ​ത്തി​ലെ അ​ടി​സ്ഥാ​ന സൗ​ക​ര്യ​ങ്ങ​ൾ​ക്ക് കേ​ടു​പാ​ടു​ക​ൾ വ​രു​ത്തി​യ​താ​യി യു​ക്രെ​യ്ൻ ആ​ണ​വോ​ർ​ജ ക​മ്പ​നി എ​ന​ർ​ഗോ​ട്ടം ശ​നി​യാ​ഴ്ച പ​റ​ഞ്ഞു.