Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_right10 മില്യൺ ഡോളറിന്...

10 മില്യൺ ഡോളറിന് അയൽവാസിയുടെ വീട് സ്വന്തമാക്കി റിഹാന

text_fields
bookmark_border
10 മില്യൺ ഡോളറിന് അയൽവാസിയുടെ വീട് സ്വന്തമാക്കി റിഹാന
cancel

ലോകത്തെ ഏറ്റവും സമ്പന്നയായ ഗായികയാണ്​ റിഹാന. കർഷക സമരക്കാരെ പിന്തുണച്ചതോടെയാണ്​ അവർ ഇന്ത്യയിൽ കൂടുതൽ ചർച്ച ചെയ്യപ്പെട്ടത്​. പ്രശസ്​ത പരിസ്​ഥിതി പ്രവർത്തക ഗ്രേറ്റ തുൻബെർഗ്​ കർഷക സമരക്ക​ാരെ പിന്തുണച്ച്​ സമൂഹ മാധ്യമത്തിലിട്ട പോസ്റ്റ്​ പങ്കുവെച്ചായിരുന്നു റിഹാന അന്ന്​ പിന്തുണ അറിയിച്ചത്​.

ഇത്​ ബി.ജെ.പി അനുകൂലികളെ വിറളി പിടിപ്പിച്ചു. അവർ റിഹാനക്കെതിരെ വ്യാപകമായി ആരോപണങ്ങൾ പടച്ചുവിട്ടു. പ്രധാനമന്ത്രി നരേന്ദ്ര മോദി സഹിതം റിഹാനക്കെതിരെ ഗൂഡാലോചന കുറ്റം ആരോപിച്ചു. ഇപ്പോൾ വവീണ്ടും വാർത്തകളിൽ നിറഞ്ഞിരിക്കുകയാണവർ. സ്വന്തം അയൽവാസിയുടെ വീട്​ സ്വന്തമാക്കിയാണ്​ ഇപ്പോൾ വാർത്തകളിൽ നിറഞ്ഞിരിക്കുന്നത്​. കാലിഫോർണിയയിലെ ബെവർലി ഹിൽസിൽ 5,000 ചതുരശ്ര അടി വിസ്തീർണമുള്ള വീടിനായി 10 മില്യൺ ഡോളർ ആണ്​ അവർ ചിലവഴിച്ചത്​. 600 മില്യൺ ഡോളർ ആസ്തിയുള്ള ലോകത്തിലെ ഏറ്റവും ധനികയായ വനിതാ സംഗീതജ്ഞയാണ്​ റിഹാന.

ഫോബ്‌സ് പട്ടികയിലെ കണക്കുപ്രകാരം 1.7 ബില്ല്യണ്‍ ഡോളറാണ് 34 വയസ്സുള്ള ഗായികയുടെ ആസ്​തി. സംഗീതരംഗത്ത് നിന്നുള്ള വരുമാനമല്ല റിഹാനയുടെ നേട്ടത്തിന് പിന്നില്‍. ലോകത്തിലെ ഏറ്റവും വലിയ മേക്കപ്പ് -ഫാഷന്‍ സാമ്രാജ്യമാണ് റിഹാനയെ കോടികളുടെ സ്വത്തിന് ഉടമയാക്കിയത്.

കരീബിയന്‍ രാജ്യമായ ബാര്‍ബഡോസാണ് റിഹാനയുടെ സ്വദേശം. 20 കോടി ആല്‍ബങ്ങള്‍ ലോകമെമ്പാടുമായി വിറ്റഴിച്ചിട്ടുള്ള റിഹാന ഏറ്റവും കൂടുതല്‍ ആല്‍ബങ്ങള്‍ വിറ്റഴിച്ചിട്ടുള്ള കലാകാരികളില്‍ ഒരാളാണ്. തന്‍റെ സംഗീത ജീവിതത്തിനിടയില്‍ എട്ട്​ ഗ്രാമി, 12 അമേരിക്കന്‍ സംഗീത പുരസ്‌കാരം അടക്കം നിരവധി പുരസ്‌കാരങ്ങള്‍ നേടിയിട്ടുണ്ട്. ഫോബ്‌സ് മാഗസിനും ടൈം മാഗസിനും ലോകത്തിലെ ഏറ്റവും സ്വാധിനമുള്ള 100 വ്യകതികളുടെ പട്ടികയിലും റിഹാനയെ ഉള്‍പ്പെടുത്തിയിട്ടുണ്ട്.

Show Full Article
TAGS:singer Rihanna 
News Summary - Rihanna Snaps up Her Neighbor’s House for $10 Million
Next Story