ആവർത്തിച്ച് ആകാശദുരന്തങ്ങൾ; നടുങ്ങി നേപ്പാൾ

കാ​ഠ്മ​ണ്ഡു: നേ​പ്പാ​ളി​ൽ വി​മാ​നാ​പ​ക​ട​ങ്ങ​ൾ ആ​വ​ർ​ത്തി​ക്കു​ക​യാ​ണ്. വി​മാ​ന​ങ്ങ​ൾ സ​മ​യ​ത്തി​ന് അ​റ്റ​കു​റ്റ​പ്പ​ണി ന​ട​ത്താ​തി​രി​ക്കു​ക, മ​തി​യാ​യ പ​രി​ശീ​ല​നം ഇ​ല്ലാ​യ്മ എ​ന്നി​വ​യാ​ണ് ഇ​തി​ന് കാ​ര​ണ​മെ​ന്നാ​ണ് വി​ല​യി​രു​ത്ത​ൽ. ഉ​യ​ർ​ന്ന പ​ർ​വ​ത​ങ്ങ​ളാ​ൽ ചു​റ്റ​പ്പെ​ട്ട പ്ര​ദേ​ശ​ങ്ങ​ളും മോ​ശം കാ​ലാ​വ​സ്ഥ​യും വി​ദ​ഗ്ധ പൈ​ല​റ്റു​മാ​ർ​ക്കു​പോ​ലും വെ​ല്ലു​വി​ളി​യാ​ണ്. സ​മീ​പ​കാ​ല​ങ്ങ​ളി​ൽ നി​ര​വ​ധി വ്യോ​മ ദു​ര​ന്ത​ങ്ങ​ളാ​ണ് രാ​ജ്യ​ത്തെ ന​ടു​ക്കി​യ​ത്.

•2022 മേ​യ് 29

താ​ര ക​മ്പ​നി​യു​ടെ വി​മാ​നം നേ​പ്പാ​ളി​ലെ മു​സ്താം​ഗി​ൽ ത​ക​ർ​ന്നു​വീ​ണ് 22 പേ​ര്‍ മ​രി​ച്ചു. ഇ​വ​രി​ൽ നാ​ല് ഇ​ന്ത്യ​ക്കാ​രാ​ണ്.

•2019 ഏ​പ്രി​ൽ 14

വി​മാ​നം റ​ൺ​വേ​യി​ൽ​നി​ന്ന് തെ​ന്നി​മാ​റി ര​ണ്ട് ഹെ​ലി​കോ​പ്ട​റു​ക​ളി​ൽ ഇ​ടി​ച്ച് മൂ​ന്നു​പേ​ർ മ​രി​ച്ചു. മൂ​ന്നു​പേ​ർ​ക്ക് പ​രി​ക്കേ​റ്റു.

•2018 മാ​ര്‍ച്ച് 12

ബം​ഗ്ലാ​ദേ​ശ് ത​ല​സ്ഥാ​ന​മാ​യ ധാ​ക്ക​യി​ൽ​നി​ന്നു​ള്ള വി​മാ​നം കാ​ഠ്മ​ണ്ഡു​വി​ലെ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍ ത​ക​ര്‍ന്ന് 51 പേ​ര്‍ മ​രി​ച്ചു. റ​ണ്‍വേ​യി​ല്‍ ഇ​റ​ക്കാ​ന്‍ ശ്ര​മി​ക്കു​ന്ന​തി​നി​ടെ വി​മാ​നം സ​മീ​പ​ത്തെ ഫു​ട്‌​ബാ​ള്‍ ഗ്രൗ​ണ്ടി​ലേ​ക്ക് തെ​ന്നി​വീ​ഴു​ക​യും തീ​പി​ടി​ക്കു​ക​യു​മാ​യി​രു​ന്നു.

•2016 ഫെ​ബ്രു​വ​രി 24

താ​രാ എ​യ​റി​ന്‍റെ വി​മാ​നം നേ​പ്പാ​ളി​ലെ മ്യാ​ഗ്ഡി ജി​ല്ല​യി​ൽ ത​ക​ർ​ന്ന് 23 പേ​ർ മ​രി​ച്ചു.

•2016 ഫെ​ബ്രു​വ​രി 16

അ​ർ​ഘ​ഖാ​ഞ്ചി ജി​ല്ല​യി​ൽ നേ​പ്പാ​ൾ എ​യ​ർ​ലൈ​ൻ​സ് വി​മാ​നം ത​ക​ർ​ന്ന് 18 പേ​ർ മ​രി​ച്ചു.

•2012 മേ​യ് 14

വ​ട​ക്ക​ന്‍ നേ​പ്പാ​ളി​ലെ ജോം​സം വി​മാ​ന​ത്താ​വ​ള​ത്തി​ല്‍ ലാ​ന്‍ഡ് ചെ​യ്യാ​ന്‍ ശ്ര​മി​ക്ക​വേ വി​മാ​നം ത​ക​ര്‍ന്ന് ഇ​ന്ത്യ​ൻ തീ​ർ​ഥാ​ട​ക​ര​ട​ക്കം 15 പേ​ർ മ​രി​ച്ചു.

•2011 സെ​പ്റ്റം​ബ​ര്‍ 25

കാ​ഠ്മ​ണ്ഡു​വി​ൽ വി​മാ​നം ത​ക​ർ​ന്ന് 19 പേ​ർ മ​രി​ച്ചു.

•2010 ഡി​സം​ബ​ർ 15

കി​ഴ​ക്ക​ൻ നേ​പ്പാ​ളി​ൽ വി​മാ​നം ത​ക​ർ​ന്ന് 22 പേ​ർ മ​രി​ച്ചു.

•2010 ആ​ഗ​സ്റ്റ് 24

കാ​ഠ്മ​ണ്ഡു​വി​ന​ടു​ത്ത് അ​ഗ്നി എ​യ​ർ വി​മാ​നം ത​ക​ർ​ന്നു​വീ​ണ് 14 പേ​ർ മ​രി​ച്ചു.

•1992 സെ​പ്റ്റം​ബ​ർ 28

പാ​കി​സ്താ​ൻ ഇ​ന്റ​ർ​നാ​ഷ​ന​ൽ എ​യ​ർ​ലൈ​ൻ​സ് വി​മാ​നം കാ​ഠ്മ​ണ്ഡു​വി​ന് സ​മീ​പം ത​ക​ർ​ന്ന് 167 പേ​ർ മ​രി​ച്ചു. നേ​പ്പാ​ളി​ലെ എ​ക്കാ​ല​ത്തെ​യും വ​ലി​യ വി​മാ​നാ​പ​ക​ട​മാ​യി​രു​ന്നു ഇ​ത്.

ഉദ്ഘാടനം പുതുവർഷത്തിൽ; പിന്നാലെ പറന്നിറങ്ങി ദുരന്തം

കാ​ഠ്മ​ണ്ഡു: ര​ണ്ടാ​ഴ്ച​മു​മ്പ് നേ​പ്പാ​ൾ പ്ര​ധാ​ന​മ​ന്ത്രി പു​ഷ്പ ക​മ​ൽ ദ​ഹ​ൽ ഉ​ദ്ഘാ​ട​നം ചെ​യ്ത പൊ​ഖാ​റ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന​ടു​ത്താ​ണ് 72 പേ​രു​മാ​യി വി​മാ​നം ത​ക​ർ​ന്നു​വീ​ണ​ത്. അ​ന്ന​പൂ​ർ​ണ മ​ല​നി​ര​ക​ൾ​ക്കു​സ​മീ​പം ഈ ​മാ​സം ഒ​ന്നി​നാ​ണ് വി​മാ​ന​ത്താ​വ​ളം തു​റ​ന്നു​​കൊ​ടു​ത്ത​ത്.

ചൈ​ന​യു​ടെ ബെ​ൽ​റ്റ് ആ​ൻ​ഡ് റോ​ഡ് ഇ​നീ​ഷ്യേ​റ്റി​വ് കോ​ഓ​പ​റേ​ഷ​ന്റെ ഭാ​ഗ​മാ​യി​ട്ടാ​യി​രു​ന്നു നി​ർ​മാ​ണം. വി​നോ​ദ​സ​ഞ്ചാ​ര മേ​ഖ​ല​യാ​യ ഇ​വി​ടെ വി​മാ​ന​ത്താ​വ​ളം സ്ഥാ​പി​ക്കാ​ൻ 2016ൽ ​ചൈ​ന​യു​മാ​യി 215.96 മി​ല്യ​ൺ ഡോ​ള​ർ (ഏ​ക​ദേ​ശം 1755 ​കോ​ടി രൂ​പ) വാ​യ്പ ക​രാ​റാ​ണ് ഒ​പ്പി​ട്ട​ത്. ക​ഴി​ഞ്ഞ വ​ർ​ഷ​മാ​ണ് നി​ർ​മാ​ണ​ത്തി​നു​ശേ​ഷം ചൈ​ന വി​മാ​ന​ത്താ​വ​ളം കൈ​മാ​റി​യ​ത്.

പ​ഴ​യ വി​മാ​ന​ത്താ​വ​ള​ത്തി​നും പു​തി​യ​തി​നു​മി​ട​യി​ൽ സേ​തി ന​ദി​യു​ടെ ക​ര​യി​ലാ​ണ് യ​തി എ​യ​ർ​ലൈ​ൻ​സി​ന്റെ വി​മാ​നം ഞാ​യ​റാ​ഴ്ച രാ​വി​ലെ 11ന് ​ത​ക​ർ​ന്നു​വീ​ണ​ത്.

മരിച്ചവരിൽ പത്തനംതിട്ടയിൽനിന്ന്​ സംസ്കാര ശുശ്രൂഷ കഴിഞ്ഞ്​ മടങ്ങിയവരും

മ​ല്ല​പ്പ​ള്ളി (പ​ത്ത​നം​തി​ട്ട): ആ​നി​ക്കാ​ട് തൊ​മ്മി​ക്കാ​ട്ടി​ൽ വീ​ട്ടി​ൽ ഒ​രു വി​യോ​ഗ​ത്തി​ന്‍റെ വേ​ദ​ന മാ​റും​മു​മ്പാ​ണ് മ​റ്റൊ​രു ദുഃ​ഖ​വാ​ർ​ത്ത എ​ത്തു​ന്ന​ത്. മ​ര​ണാ​ന​ന്ത​ര ച​ട​ങ്ങി​ൽ പ​​ങ്കെ​ടു​ത്ത്​ മ​ട​ങ്ങി​യ നേ​പ്പാ​ൾ സ്വ​ദേ​ശി​ക​ളാ​യ റാ​ബി​ൻ ഹ​മ​ൽ, രാ​ജു ട​ക്കൂ​രി, അ​നി​ൽ ഷാ​ഹി എ​ന്നി​വ​ർ നേ​പ്പാ​ളി​ലെ പൊ​ഖ്റാ​യി​ലു​ണ്ടാ​യ വി​മാ​നാ​പ​ക​ട​ത്തി​ൽ മ​രി​ച്ച​താ​യി വി​വ​രം ല​ഭി​ച്ച​പ്പോ​ൾ തൊ​മ്മി​ക്കാ​ട്ട് കു​ടും​ബം അ​ക്ഷ​രാ​ർ​ഥ​ത്തി​ൽ ത​ക​ർ​ന്നു​പോ​യി.

ക​ഴി​ഞ്ഞ ബു​ധ​നാ​ഴ്ച മ​രി​ച്ച ആ​നി​ക്കാ​ട് നൂ​റോ​ന്മാ​വ് മു​റ്റ​ത്തു​മാ​വ് തൊ​മ്മി​ക്കാ​ട്ടി​ൽ മാ​ത്യു ഫി​ലി​പ്പി​ന്‍റെ (76) സം​സ്കാ​ര ച​ട​ങ്ങി​ൽ പ​ങ്കെ​ടു​ക്കാ​ൻ നേ​പ്പാ​ളി​ൽ​നി​ന്നു​ള്ള അ​ഞ്ചം​ഗ സം​ഘം വെ​ള്ളി​യാ​ഴ്ച പു​ല​ർ​ച്ച​യാ​ണ്​ കേ​ര​ള​ത്തി​ൽ എ​ത്തു​ന്ന​ത്. 40 വ​ർ​ഷം നേ​പ്പാ​ളി​ൽ ബ്ര​ദ​റ​ൻ സ​ഭ​യു​ടെ സു​വി​ശേ​ഷ പ്ര​ചാ​ര​ക​നാ​യി​രു​ന്ന മാ​ത്യു ഇ​വ​രു​മാ​യി ന​ല്ല ആ​ത്മ​ബ​ന്ധ​ത്തി​ലാ​യി​രു​ന്നു. മാ​ത്യു ക​ഴി​ഞ്ഞ 10 വ​ർ​ഷ​മാ​യി നാ​ട്ടി​ലാ​യി​രു​ന്നു.

പി​തൃ​സ്ഥാ​ന​ത്ത്​ ക​ണ്ടി​രു​ന്ന മാ​ത്യു​വി​നെ കാ​ണാ​ൻ നേ​പ്പാ​ൾ സം​ഘം ഇ​ട​ക്കി​ടെ വ​രു​മാ​യി​രു​ന്നു. നേ​പ്പാ​ളി​ൽ സു​വി​ശേ​ഷ പ്ര​വ​ർ​ത്ത​ക​രാ​യി​രു​ന്നു അ​ഞ്ചം​ഗ സം​ഘം. വെ​ള്ളി​യാ​ഴ്ച ഉ​ച്ച​ക്ക്​ ര​ണ്ടോ​ടെ ആ​നി​ക്കാ​ട് മു​റ്റ​ത്തു​മാ​വ് ബ്ര​ദ​റ​ൻ സ​ഭ സെ​മി​ത്തേ​രി​യി​ലാ​ണ് സം​സ്കാ​രം ന​ട​ന്ന​ത്. അ​ന്നു​ത​ന്നെ വൈ​കീ​ട്ട്​ ഏ​ഴോ​ടെ വീ​ട്ടി​ൽ​നി​ന്ന്​ ഇ​റ​ങ്ങി നെ​ടു​മ്പാ​ശ്ശേ​രി​യി​ൽ​നി​ന്ന്​ ​മും​ബൈ വ​ഴി കാ​ഠ്​​മ​ണ്ഡു​വി​ൽ എ​ത്തി.

ത​ങ്ങ​ൾ സു​ര​ക്ഷി​ത​രാ​യി എ​ത്തി​യെ​ന്ന്​ അ​നി​ൽ ഷാ​ഹി വാ​ട്സ്​​ആ​പ്പി​ൽ സ​ന്ദേ​ശം അ​യ​ച്ച​താ​യി മാ​ത്യു ഫി​ലി​പ്പി​ന്‍റെ ഇ​ള​യ സ​ഹോ​ദ​ര​ന്‍റെ മ​ക​ൻ ബി​ബി​ൻ തോ​മ​സ്​ പ​റ​ഞ്ഞു. സം​ഘ​ത്തി​ലെ ദീ​പ​ക്​ ത​മാ​ഹ്, സ​ര​ൺ എ​ന്നി​വ​ർ കാ​ഠ്​​മ​ണ്ഡു​വി​ൽ ഇ​റ​ങ്ങി അ​വ​ര​വ​രു​ടെ വീ​ടു​ക​ളി​ലേ​ക്ക്​ പോ​യി.

ഇ​തി​ൽ സ​ര​ൺ അ​പ​ക​ട​ത്തി​ൽ​പെ​ട്ട വി​മാ​ന​ത്തി​ൽ ക​യ​റാ​ൻ ഇ​രു​ന്ന​താ​ണെ​ങ്കി​ലും ആ​രോ​ഗ്യ പ്ര​ശ്​​ന​ങ്ങ​ൾ​മൂ​ലം അ​വ​സാ​ന​നി​മി​ഷം യാ​ത്ര മാ​റ്റി. മ​റ്റ്​ മൂ​ന്നു​പേ​രും അ​പ​ക​ട​ത്തി​ൽ​പെ​ട്ട വി​മാ​ന​ത്തി​ൽ പൊ​ഖ്​​റാ​യി​ലേ​ക്ക്​ യാ​ത്ര​ത​രി​ച്ചു. 20 മി​നി​റ്റു​ മാ​ത്ര​മു​ള്ള ആ ​യാ​ത്ര​യാ​ണ്​ ദു​ര​ന്ത​ത്തി​ൽ ക​ലാ​ശി​ച്ച​ത്.