തോക്കുനിയന്ത്രണ നിയമത്തിനായി യു.എസിൽ റാലി

വാഷിങ്ടൺ: യു.എസിൽ തോക്കുനിയന്ത്രണനിയമം ശക്തമാക്കണമെന്നാവശ്യപ്പെട്ട് ആയിരങ്ങളുടെ റാലി. രാജ്യത്ത് അടിക്കടി നടക്കുന്ന വെടിവെപ്പു കൊലപാതകങ്ങളുടെ പശ്ചാത്തലത്തിലാണിത്. 'വെടിയുണ്ടകളിൽ നിന്ന് ഞങ്ങൾക്ക് സംരക്ഷണം വേണം'-എന്ന പ്ലക്കാർഡുകളുമായാണ് പലരും ​പ്രതിഷേധ റാലിയിൽ പ​ങ്കെടുത്തത്.

പ്രതിഷേധക്കാർക്ക് പിന്തുണയുമായെത്തിയ യു.എസ് പ്രസിഡന്റ് ജോ ബൈഡൻ തോക്കുകളുടെ ഉപയോഗം നിയന്ത്രിക്കുന്നതിന് നിയമം പാസാക്കണമെന്ന് കോൺഗ്രസിനോട് ആവശ്യപ്പെട്ടു.

മേയ് 24ന് ടെക്സാസിലെ റോബ് എലിമന്ററി സ്കൂളിലുണ്ടായ വെടിവെപ്പിൽ ഒമ്പതു കുട്ടികളടക്കം 11പേരുടെ ജീവനാണ് നഷ്ടപ്പെട്ടത്. അതിനു തൊട്ടുമുമ്പ് ന്യൂയോർക്കിലെ ബഫേലോയിൽ ആക്രമി 10 പേരെ വെടിവെച്ചുകൊന്നിരുന്നു.