പാകിസ്താനിൽ ഇംറാന്റെ മോചനം ആവശ്യപ്പെട്ട് റാലി; കൂട്ട അറസ്റ്റ്

ലാഹോർ: പാകിസ്താനിൽ രണ്ടു വർഷമായി ജയിലിൽ കഴിയുന്ന മുൻ പ്രധാനമന്ത്രി ഇംറാൻ ഖാന്റെ മോചനം ആവശ്യപ്പെട്ട് രാജ്യവ്യാപക റാലികളുമായി തന്റെ പാർട്ടിയായ തഹ്‍രീകെ ഇൻസാഫ് പാർട്ടി. വിവിധ ഭാഗങ്ങളിൽ 500 ലേറെ പേരെ പൊലീസ് അറസ്റ്റ് ചെയ്തു.

അഴിമതിക്കേസിൽ ലാഹോർ കോടതി കുറ്റക്കാരനായി കണ്ടെത്തിയതിനു പിന്നാലെ 2023 ആഗസ്റ്റ് അഞ്ചിനാണ് ഇംറാൻ ഖാനെ അറസ്റ്റ് ചെയ്യുന്നത്. അദ്ദേഹം ആഹ്വാനം ചെയ്തതുപ്രകാരമാണ് രാജ്യത്തിന്റെ വിവിധ ഭാഗങ്ങളിൽ ചൊവ്വാഴ്ച പ്രതിഷേധം നടന്നത്. പഞ്ചാബിലാണ് ഏറ്റവും കൂടുതൽ പേർ അറസ്റ്റിലായത്.