രാ​ജ്ഞി​യു​ടെ വി​ലാ​പ​യാ​ത്ര: കണ്ണീർ പൂക്കളുമായി ആയിരങ്ങൾ

ല​ണ്ട​ൻ: ബ്രി​ട്ട​നി​ലെ എ​ലി​സ​ബ​ത്ത് രാ​ജ്ഞി​യു​​ടെ ശ​വ​പേ​ട​ക​വു​മാ​യി വി​ലാ​പ​യാ​ത്ര ന​ട​ത്തി. ഞാ​യ​റാ​ഴ്ച ബാ​ൽ​മോ​റ​ൽ കാ​സി​ലി​ൽ​നി​ന്ന് ആ​രം​ഭി​ച്ച വി​ലാ​പ​യാ​ത്ര ആ​റ് മ​ണി​ക്കൂ​റി​ന് ശേ​ഷം എ​ഡി​ൻ​ബ​ർ​ഗി​ലെ ഔ​ദ്യോ​ഗി​ക വ​സ​തി​യാ​യ ഹോ​ളി​റൂ​ഡ്ഹൗ​സ് പാ​ല​സി​ൽ സ​മാ​പി​ച്ചു.

ജ​ന​ങ്ങ​ൾ പാ​ത​യോ​ര​ത്ത് നി​ന്ന് പു​ഷ്പ​വ​ർ​ഷം ന​ട​ത്തു​ക​യും ആ​ദ​രാ​ഞ്ജ​ലി അ​ർ​പ്പി​ക്കു​ക​യും ചെ​യ്തു. രാ​ജ​കു​ടും​ബാം​ഗ​ങ്ങ​ൾ​ക്ക് അ​ന്തി​മോ​പ​ചാ​രം അ​ർ​പ്പി​ക്കാ​ൻ തി​ങ്ക​ളാ​ഴ്ച വൈ​കീ​ട്ട് വ​രെ മൃ​ത​ദേ​ഹം ഹോ​ളി​റൂ​ഡ്ഹൗ​സി​ൽ സൂ​ക്ഷി​ക്കും. ശേ​ഷം ല​ണ്ട​നി​ലേ​ക്ക് വി​ലാ​പ​യാ​ത്ര ന​ട​ത്തും.

പൊ​തു​ജ​ന​ങ്ങ​ൾ​ക്ക് ആ​ദ​രാ​ഞ്ജ​ലി​ക​ൾ അ​ർ​പ്പി​ക്കാ​ൻ നാ​ല് ദി​വ​സം പാ​ർ​ല​മെ​ന്റ് സ​മു​ച്ച​യ​ത്തി​ലെ വെ​സ്റ്റ്മി​ൻ​സ്റ്റ​ർ ഹാ​ളി​ൽ സൂ​ക്ഷി​ക്കും.

സെ​പ്റ്റം​ബ​ർ 19ന് രാ​വി​ലെ വെ​സ്റ്റ്മി​ൻ​സ്റ്റ​ർ അ​ബെ​യി​ലാ​ണ് ഔ​ദ്യോ​ഗി​ക ബ​ഹു​മ​തി​ക​ളോ​ടെ സം​സ്കാ​ര ച​ട​ങ്ങ് ന​ട​ക്കു​ക. വി​വി​ധ ലോ​ക​നേ​താ​ക്ക​ൾ ച​ട​ങ്ങി​ൽ സം​ബ​ന്ധി​ക്കും. വി​ൻ​ഡ്സ​ർ കാ​സി​ലി​ലെ സെ​ന്റ് ജോ​ർ​ജ് ചാ​പ്പ​ലി​ലാ​ണ് രാ​ജ്ഞി​യു​ടെ അ​ന്ത്യ​നി​ദ്ര.

സ്കോ​ട്ട്‍ല​ൻ​ഡി​ലെ വേ​ന​ൽ​ക്കാ​ല വ​സ​തി​യാ​യ ബാ​ൽ​മോ​റി​ൽ 96ാം വ​യ​സ്സി​ൽ ക​ഴി​ഞ്ഞ വ്യാ​ഴാ​ഴ്ച​യാ​യി​രു​ന്നു രാ​ജ്ഞി​യു​ടെ മ​ര​ണം.

ബ്രി​ട്ട​ന്റെ ച​രി​ത്ര​ത്തി​ൽ ഏ​റ്റ​വും അ​ധി​കം കാ​ലം അ​ധി​കാ​ര​ത്തി​ലി​രു​ന്ന ഭ​ര​ണാ​ധി​കാ​രി​യാ​യി​രു​ന്നു എ​ലി​സ​ബ​ത്ത് രാ​ജ്ഞി. തു​ട​ർ​ച്ച​യാ​യി 70 വ​ർ​ഷം ഇ​വ​ർ ബ്രി​ട്ട​ന്റെ അ​ധി​കാ​ര​ത്തി​ലി​രു​ന്നു. ക​ഴി​ഞ്ഞ ദി​വ​സം ല​ണ്ട​നി​ലെ സെ​ന്റ് ജെ​യിം​സ് കൊ​ട്ടാ​ര​ത്തി​ൽ ന​ട​ന്ന ച​ട​ങ്ങി​ൽ ചാ​ൾ​സ് മൂ​ന്നാ​മ​ൻ രാ​ജാ​വാ​യി സ്ഥാ​ന​മേ​റ്റി​രു​ന്നു. സ്ഥാ​നാ​രോ​ഹ​ണ​വു​മാ​യി ബ​ന്ധ​പ്പെ​ട്ട ഔ​ദ്യോ​ഗി​ക ച​ട​ങ്ങ് പി​ന്നീ​ടാ​ണ് ന​ട​ക്കു​ക.

വി​ല്യ​മും ഹാ​രി​യും പി​ണ​ക്കം തീ​ർ​ത്തു

ല​ണ്ട​ൻ: എ​ലി​സ​ബ​ത്ത് രാ​ജ്ഞി​യു​ടെ മ​ര​ണം അ​വ​രു​ടെ കൊ​ച്ചു​മ​ക്ക​ളും സ​ഹോ​ദ​ര​ങ്ങ​ളു​മാ​യ വി​ല്യ​മി​നും ഹാ​രി​ക്കു​മി​ട​യി​ലെ പി​ണ​ക്കം തീ​രാ​ൻ നി​മി​ത്ത​മാ​യി. ക​ഴി​ഞ്ഞ വ​ർ​ഷം എ​ലി​സ​ബ​ത്ത് രാ​ജ്ഞി​യു​ടെ ഭ​ർ​ത്താ​വും മു​ത്ത​ച്ഛ​നു​മാ​യ ഫി​ലി​പ്പ് രാ​ജ​കു​മാ​ര​ൻ മ​രി​ച്ച​പ്പോ​ൾ വി​ല്യ​മും ഹാ​രി​യും ഒ​രു​മി​ച്ച് പ​​ങ്കെ​ടു​ത്തി​രു​ന്നി​ല്ല. ജൂ​ണി​ൽ രാ​ജ്ഞി​യു​ടെ പ്ലാ​റ്റി​നം ജൂ​ബി​ലി ആ​ഘോ​ഷ​ത്തി​ലും സ​ഹോ​ദ​ര​ങ്ങ​ൾ ഒ​ന്നി​ച്ചി​ല്ല. രാ​ജ്ഞി​യു​ടെ അ​ന്ത്യ​ച​ട​ങ്ങു​ക​ളി​ൽ പ​​​ങ്കെ​ടു​ക്കാ​ൻ ഹാ​രി​യെ​യും ഭാ​ര്യ മേ​ഗ​നെ​യും ക്ഷ​ണി​ച്ച​താ​യി വി​ല്യം വ്യ​ക്ത​മാ​ക്കി​യി​രു​ന്നു.

ആ​ദ്യം ഹാ​രി ത​നി​ച്ചാ​ണ് വ​ന്ന​ത്. ശ​നി​യാ​ഴ്ച വൈ​കീ​ട്ടോ​ടെ മേ​ഗ​ൻ രാ​ജ്ഞി​യെ അ​വ​സാ​ന​മാ​യി കാ​ണാ​ൻ യു.​എ​സി​ൽ​നി​ന്നെ​ത്തി​യ​ത് മ​ഞ്ഞു​രു​ക്കി. 2018ൽ ​ഹാ​രി യു.​എ​സ് ന​ടി​യാ​യ മേ​ഗ​നെ വി​വാ​ഹം ക​ഴി​ച്ച​തോ​ടെ​യാ​ണ് കു​ടും​ബ​ബ​ന്ധ​ത്തി​ൽ വി​ള്ള​ൽ വീ​ണ​ത്.