ബ്രിട്ടനിൽ ക്വാറൻറീൻ ലംഘിച്ചാൽ 9.5 ലക്ഷം പിഴ

ലണ്ടൻ: ബ്രിട്ടനിൽ കോവിഡ്​ നിയന്ത്രണത്തിന്​ കടുത്ത നിയന്ത്രണങ്ങളും പ്രയാസമനുഭവിക്കുന്നവർക്ക്​ ​ആശ്വാസവുമായി ബോറിസ്​ ജോൺസൺ സർക്കാർ. ക്വാറ​ൻറീൻ ലംഘിക്കുന്നവർക്ക്​ 10,000 പൗണ്ട്​ (ഏകദേശം 9.5 ലക്ഷം രൂപ) പിഴ ശിക്ഷിക്കും.

14 ദിവസത്തെ ക്വ​ാറ​ൻറീൻ തുടർച്ചയായി ലംഘിക്കുന്നവർക്കാണ്​ വൻ പിഴ ശിക്ഷ ലഭിക്കുക. ആയിരം പൗണ്ട്​ (95000 രൂപ) മുതലാണ്​ പിഴ ആരംഭിക്കുക. അതേസമയം, ക്വാറൻറീനിലാകുകയും വീട്ടിലിരുന്ന്​ ജോലി ചെയ്യാൻ കഴിയാതിരിക്കുകയും ചെയ്യുന്നവർക്ക്​ സർക്കാർ 500 പൗണ്ട്​ (47,500 രൂപയോളം) നൽകും.

നിർമാണ തൊഴിലാളികളെ പോലെ വരുമാനമില്ലാത്തവർക്കാണ്​ ഇൗ സഹായം ലഭിക്കുക. പുതിയ തീരുമാനങ്ങൾ സെപ്​റ്റംബർ 28 മുതൽ പ്രാബല്യത്തിലാകും. ക്വാറ​ൻറീനിലിരിക്കുന്നവരെ നിർബന്ധിച്ച്​ ജോലിക്ക്​ വരുത്തുന്ന തൊഴിലുടമകൾക്കെതിരെയും കർശന നടപടിയുണ്ടാകും.