ട്രംപ്-പുടിൻ ചർച്ചയിൽ ഇന്ത്യ-പാക് യുദ്ധവും

മോ​സ്കോ: ക​ഴി​ഞ്ഞ ദി​വ​സം ന​ട​ന്ന റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ൻ-​യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പ് ച​ർ​ച്ച​യി​ൽ ഇ​ന്ത്യ-​പാ​ക് യു​ദ്ധ​വും ക​ട​ന്നു​വ​ന്ന​താ​യി ക്രം​ലി​ൻ വൃ​ത്ത​ങ്ങ​ൾ വ്യ​ക്ത​മാ​ക്കി. ബു​ധ​നാ​ഴ്ച​യാ​യി​രു​ന്നു ഇ​രു നേ​താ​ക്ക​ളു​ടെ​യും ടെ​ലി​ഫോ​ൺ വ​ഴി​യു​ള്ള ച​ർ​ച്ച.

പ​ശ്ചി​മേ​ഷ്യ​യി​ലെ വി​ഷ​യ​ങ്ങ​ളും ച​ർ​ച്ച​യാ​യെ​ന്ന് ക്രെം​ലി​ൻ വ​ക്താ​വി​നെ ഉ​ദ്ധ​രി​ച്ച് വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു. എ​ന്നാ​ൽ, വി​ശ​ദാം​ശ​ങ്ങ​ൾ ല​ഭ്യ​മ​ല്ല. യു​ദ്ധം അ​വ​സാ​നി​പ്പി​ച്ച​ത് ത​ന്റെ ഇ​ട​പെ​ട​ൽ മൂ​ല​മാ​ണെ​ന്ന് ട്രം​പും അ​ങ്ങ​നെ​യ​ല്ല, ഇ​രു രാ​ജ്യ​ങ്ങ​ളും ത​മ്മി​ലു​ള്ള ച​ർ​ച്ച വ​ഴി​യാ​ണെ​ന്ന് ഇ​ന്ത്യ​യും പ​റ​ഞ്ഞി​രു​ന്നു.

ഇ​ന്ത്യ​യു​മാ​യു​ള്ള സം​ഘ​ർ​ഷം അ​വ​സാ​നി​പ്പി​ക്കാ​ൻ പു​ടി​ൻ ഇ​ട​പെ​ട​ണ​മെ​ന്ന് പാ​കി​സ്താ​ൻ പ്ര​ധാ​ന​മ​ന്ത്രി ശ​ഹ്ബാ​സ് ശ​രീ​ഫ് അ​ഭ്യ​ർ​ഥി​ച്ച​താ​യി പാ​ക് പ്ര​ധാ​ന​മ​ന്ത്രി​യു​ടെ പ്ര​ത്യേ​ക സ​ഹാ​യി സെ​യ്ദ് താ​രി​ഖ് ഫ​തേ​മി പ​റ​ഞ്ഞി​രു​ന്നു.

ചൊ​വ്വാ​ഴ്ച ​റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്റോ​വി​നെ മോ​സ്കോ​യി​ൽ ക​ണ്ട ഫ​തേ​മി ശ​രീ​ഫ് പു​ടി​നു​ള്ള ക​ത്ത് കൈ​മാ​റു​ക​യും ചെ​യ്തു. പ്ര​ശ്ന​ങ്ങ​ൾ​ക്ക് ന​യ​ത​ന്ത്ര പ​രി​ഹാ​രം കാ​ണാ​ൻ ഇ​ന്ത്യ​യും പാ​കി​സ്താ​നും ത​മ്മി​ൽ ച​ർ​ച്ച സാ​ധ്യ​മാ​ക്കാ​നാ​യി പു​ടി​ൻ ത​ന്റെ സ്വാ​ധീ​നം ഉ​പ​യോ​ഗി​ക്ക​ണ​മെ​ന്നാ​ണ് പാ​കി​സ്താ​ന്റെ ആ​വ​ശ്യം.