പി.​ടി.​​ഐ രാ​ജ്യ​ത്തെ നാ​ശ​ത്തി​ലേ​ക്ക്ത​ള്ളി​വി​ടു​ന്നു -ശ​ഹ്ബാ​സ് ശ​രീ​ഫ്

ഇ​സ്‍ലാ​മാ​ബാ​ദ്: നി​ര​വ​ധി വെ​ല്ലു​വി​ളി​ക​ൾ നേ​രി​ടു​ന്ന രാ​ജ്യ​ത്തെ, പാ​കി​സ്താ​ൻ ത​ഹ്‍രീ​കെ ഇ​ൻ​സാ​ഫ് (പി.​ടി.​ഐ) നേ​തൃ​ത്വം നാ​ശ​ത്തി​ലേ​ക്ക് ത​ള്ളി​വി​ടു​ക​യാ​ണെ​ന്ന് പ്ര​ധാ​ന​മ​ന്ത്രി ശ​ഹ്ബാ​സ് ശ​രീ​ഫ് പ​റ​ഞ്ഞു. മ​ന്ത്രി​സ​ഭ​യെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു അ​ദ്ദേ​ഹം. രാ​ജ്യ​ത്തി​നെ​തി​രെ ‘സം​ഘ​ടി​ത ഭീ​ക​ര​പ്ര​വ​ർ​ത്ത​നം’ ന​ട​ത്തി​യ​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കു​മെ​ന്ന് മ​ന്ത്രി​സ​ഭ പ്ര​ഖ്യാ​പി​ച്ചു.

ഇം​റാ​ൻ ഖാ​ന് ആ​ശ്വാ​സ​മേ​കി​യ സു​പ്രീം​കോ​ട​തി ന​ട​പ​ടി​യെ​യും പ്ര​ധാ​ന​മ​ന്ത്രി വി​മ​ർ​ശി​ച്ചു. ഇ​യാ​ൾ​ക്ക് ആ​നു​കൂ​ല്യം ന​ൽ​കു​ക​യാ​ണെ​ങ്കി​ൽ രാ​ജ്യ​ത്ത് ജ​യി​ലി​ൽ ക​ഴി​യു​ന്ന മു​ഴു​വ​ൻ കൊ​ള്ള​ക്കാ​രെ​യും വി​ട്ട​യ​ക്ക​ണ​മെ​ന്ന് അ​ദ്ദേ​ഹം പ​റ​ഞ്ഞു. പി.​ടി.​ഐ പ്ര​ക്ഷോ​ഭ​ക​ർ രാ​ജ്യ​ത്തെ ര​ക്ത​സാ​ക്ഷി​ക​​ളോ​ട് അ​നാ​ദ​ര​വ് കാ​ട്ടി​യി​രി​ക്കു​ക​യാ​ണ്. ശ​ത്രു​ക്ക​ൾ​പോ​ലും ഈ ​രീ​തി​യി​ൽ പെ​രു​മാ​റി​യി​ട്ടി​ല്ല. സൈ​നി​ക കേ​ന്ദ്ര​ങ്ങ​ൾ​ക്കു​നേ​രെ ന​ട​ന്ന ആ​ക്ര​മ​ണ​ത്തേ​ക്കാ​ൾ വ​ലി​യ ഭീ​ക​ര​പ്ര​വ​ർ​ത്ത​നം ന​ട​ക്കാ​നി​ല്ലെ​ന്നും അ​ദ്ദേ​ഹം പ​റ​ഞ്ഞു.

അ​തി​നി​ടെ, മു​ഴു​വ​ൻ കേ​സു​ക​ളി​ലും ജാ​മ്യം ല​ഭി​ക്കു​ന്നി​ല്ലെ​ങ്കി​ൽ ഇ​ം​റാ​ൻ ഖാ​നെ വീ​ണ്ടും അ​റ​സ്റ്റ് ചെ​യ്യു​മെ​ന്ന് ആ​ഭ്യ​ന്ത​ര​മ​ന്ത്രി റാ​ണ സ​നാ​വു​ല്ല പ​റ​ഞ്ഞു. എ​ല്ലാ കേ​സു​ക​ളി​ലും ജാ​മ്യം ല​ഭി​ച്ചാ​ൽ അ​റ​സ്റ്റ് ചെ​യ്യി​ല്ല. ചി​ല കേ​സു​ക​ളി​ൽ ജാ​മ്യം ല​ഭി​ക്കു​ക​യും മ​റ്റു​ള്ള​വ​യി​ൽ ല​ഭി​ക്കാ​തി​രി​ക്കു​ക​യും ചെ​യ്താ​ൽ തീ​ർ​ച്ച​യാ​യും അ​ദ്ദേ​ഹ​ത്തെ വീ​ണ്ടും അ​റ​സ്റ്റ് ചെ​യ്യും. ഇം​റാ​ന് ല​ഭി​ച്ച ജാ​മ്യം റ​ദ്ദാ​ക്കാ​ൻ ശ്ര​മം ന​ട​ത്തു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.