ഡാഗിസ്താൻ വിമാനത്താവളത്തിൽ ഇസ്രായേൽ വിമാനത്തിനരികിലേക്ക് ഇരച്ചു കയറി പ്രതിഷേധക്കാർ

മോ​സ്കോ: ഗ​സ്സ​യി​ലെ ഇസ്രായേൽ നരനായാട്ടിൽ പ്രതിഷേധിച്ച് റ​ഷ്യ​യി​ലെ ഡാഗിസ്താൻ മേ​ഖ​ല​യി​ലെ മഖാച്കല വിമാനത്താവളത്തിലേ​ക്ക് നൂ​റു​ക​ണ​ക്കി​നാ​ളു​ക​ൾ ജൂ​ത​വി​രു​ദ്ധ മു​ദ്രാ​വാ​ക്യം മു​ഴ​ക്കി ഇ​ര​ച്ചു​ക​യ​റി.

റ​ഷ്യ​ൻ വി​മാ​ന​ക്ക​മ്പ​നി​യാ​യ റെ​ഡ് വി​ങ്സി​ന്റെ ഇ​സ്രാ​യേ​ലി​ലെ തെ​ൽ അ​വീ​വി​ൽ​നി​ന്ന് വ​ന്ന വി​മാ​ന​മാ​ണ് ജ​ന​ക്കൂ​ട്ടം വ​ള​ഞ്ഞ​ത്. റൺവേയിലേക്ക് വരെ എത്തിയ പ്രതിഷേധക്കാരെ സാഹസപ്പെട്ടാണ് സുരക്ഷ അധികൃതർ ഒഴിപ്പിച്ചത്. സംഘർഷത്തിൽ ഒ​മ്പ​ത് പൊ​ലീ​സു​കാ​ർ ഉ​ൾ​പ്പെ​ടെ 20ല​ധി​കം പേ​ർ​ക്ക് പ​രി​ക്കേ​റ്റു. ര​ണ്ടു​പേ​രു​ടെ നി​ല ഗു​രു​ത​ര​മാ​ണ്. സം​ഭ​വ​വു​മാ​യി ബ​ന്ധ​പ്പെ​ട്ട് 60 പേ​രെ പൊ​ലീ​സ് അ​റ​സ്റ്റ് ചെ​യ്തി​ട്ടു​ണ്ട്. അ​ക്ര​മി​സം​ഘ​ത്തി​ൽ 150ലേ​റെ പേ​ർ ഉ​ൾ​പ്പെ​ടു​ന്ന​താ​യാ​ണ് റി​പ്പോ​ർ​ട്ട്. ആ​ൾ​ക്കൂ​ട്ടം ഫ​ല​സ്തീ​ൻ പ​താ​ക വീ​ശു​ന്ന​തും പൊ​ലീ​സ് കാ​ർ മ​റി​ച്ചി​ടാ​ൻ ശ്ര​മി​ക്കു​ന്ന​തു​മാ​യ വി​ഡി​യോ പു​റ​ത്തു​വ​ന്നി​ട്ടു​ണ്ട്. യാ​ത്ര​ക്കാ​രു​ടെ പാ​സ്​​പോ​ർ​ട്ട് പ​രി​ശോ​ധി​ക്കു​ന്ന​തും കാ​ണാം. ഇ​ത് ഇ​സ്രാ​യേ​ൽ പൗ​ര​ന്മാ​രെ തി​രി​ച്ച​റി​യാ​ൻ ആ​യി​രു​ന്നെ​ന്നാ​ണ് ക​രു​തു​ന്ന​ത്.

യാ​ത്ര​ക്കാ​ർ സു​ര​ക്ഷി​ത​രാ​ണ്. ഇ​സ്രാ​യേ​ൽ പൗ​ര​ന്മാ​രു​ടെ​യും ജൂ​ത സ​മൂ​ഹ​ത്തി​ന്റെ​യും സു​ര​ക്ഷ ഉ​റ​പ്പു​വ​രു​ത്താ​നും ജൂ​ത​ർ​ക്കെ​തി​രെ പ്രേ​ര​ണ ന​ട​ത്തു​ന്ന​വ​രെ കൈ​കാ​ര്യം ചെ​യ്യാ​നും റ​ഷ്യ​ൻ ഭ​ര​ണ​കൂ​ടം വേ​ണ്ട​ത് ചെ​യ്യു​മെ​ന്ന് പ്ര​തീ​ക്ഷി​ക്കു​ന്ന​താ​യി ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു പ്ര​തി​ക​രി​ച്ചു. ന​വം​ബ​ർ ആ​റു​വ​രെ വി​മാ​ന​ത്താ​വ​ളം അ​ട​ച്ചി​ടു​ം.

നി​യ​മം കൈ​യി​ലെ​ടു​ക്കു​ന്ന പ്ര​തി​ഷേ​ധം ന​ട​ത്തി​യാ​ൽ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്ന് ഡാഗിസ്താൻ ഗ​വ​ർ​ണ​ർ സെ​ർ​ജി മെ​ലി​കോ​വ് പ​റ​ഞ്ഞു. അ​ക്ര​മം ഒ​ന്നി​നും പ​രി​ഹാ​ര​മ​ല്ലെ​ന്നും പ്ര​കോ​പ​ന​പ​ര​മാ​യ പ്ര​വ​ർ​ത്ത​ന​ങ്ങ​ൾ ന​ട​ത്ത​രു​തെ​ന്നും ഡാഗിസ്താൻ സു​പ്രീം മു​ഫ്തി ​ശൈ​ഖ് അ​ഖ്മ​ദ് അ​ഫ​ൻ​ദി ഉ​ണ​ർ​ത്തി.