Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightട്രംപ്​ തോൽക്കും; 40...

ട്രംപ്​ തോൽക്കും; 40 വർഷമായി അമേരിക്കൻ പ്രസിഡൻറിനെ തെറ്റാതെ പ്രവചിച്ച പ്രൊഫസർ പറയുന്നു

text_fields
bookmark_border
ട്രംപ്​ തോൽക്കും; 40 വർഷമായി അമേരിക്കൻ പ്രസിഡൻറിനെ തെറ്റാതെ പ്രവചിച്ച പ്രൊഫസർ പറയുന്നു
cancel

ന്യൂയോർക്ക്​: കഴിഞ്ഞ 40 വർഷമായി അമേരിക്കയിലെ ഒാരോ പ്രസിഡൻഷ്യൽ തെരഞ്ഞെടുപ്പ്​ ഫലങ്ങളും കൃത്യമായി പ്രവചിച്ച അലൻ ലിച്​മാൻ പറയുന്നു, ഇത്തവണ ട്രംപ്​ തോൽക്കും. മുൻ വൈസ്​ പ്രസിഡൻറായ ജോ ബൈഡൻ ഡോണൾഡ്​ ട്രംപിനെ ദയനീയമായി പരാജയപ്പെടുത്തുമെന്നാണ് അമേരിക്കൻ യൂണിവേഴ്​സിറ്റിയിലെ ചരിത്ര പ്രഫസറായ അലൻ ലിച്​മാ​െൻറ പ്രവചനം​.

മുന്‍ പ്രസിഡൻറ്​ റൊണാള്‍ഡ് റീഗ​െൻറ രണ്ടാം വിജയം പ്രവചിച്ചാണ്​ പ്രൊഫസര്‍ ഇൗ രംഗത്ത്​ പ്രശസ്​തനാവുന്നത്​. 2016 ല്‍ ട്രംപി​െൻറ വിജയവും അദ്ദേഹം പ്രവചിച്ചിരുന്നു. എന്നാൽ, അത്​ പരിഹാസത്തോടെ തള്ളിക്കളഞ്ഞ പലരും ഫലം വന്നപ്പോൾ ഞെട്ടുകയും ചെയ്​തു. പ്രസിഡൻറ്​ തെരഞ്ഞെടുപ്പുകളിലെ നൊസ്​ട്രാഡമസ്​' എന്നാണ്​ ലിച്​മാനെ ന്യൂയോർക്​ ടൈംസ്​ വിശേഷിപ്പിച്ചത്​. ഭാവിയെക്കുറിച്ചുള്ള വ്യക്തമായതും, കണിശവുമായ പ്രവചനങ്ങളിലൂടെ പ്രശസ്തനായ ഫ്രഞ്ച് ജ്യോതിശാസ്ത്രകാരനാണ്​ മൈക്കൽ ഡെ നോസ്ട്രഡാമെ.

'വൈറ്റ്​ ഹൗസിലേക്കുള്ള 13 താക്കോലുകൾ' എന്ന ലിച്​മാ​െൻറ പ്രശസ്​തമായ വിശകലന മാതൃത അടിസ്ഥാനമാക്കിയാണ്​ വിജയം പ്രവചിക്കുന്നത്​. 'താക്കോലുകൾ പ്രവചിക്കുന്നത്​ ഇത്തവണ ട്രംപ്​ വൈറ്റ്​ ഹൗസിലേക്ക്​ എത്തില്ല എന്നാണ്​' -അദ്ദേഹം സി.എൻ.എന്നിനോട്​ പ്രതികരിച്ചു. സ്ഥാനാർഥികളെ സംബന്ധിച്ച്​ 13 കാര്യങ്ങൾ എടുത്ത്​ അവ ശരിയാണോ തെറ്റാണോ എന്ന്​ പരിശോധിക്കുകയാണ്​ അലൻ ലിച്​മാൻ ചെയ്യുന്നത്​. അതിൽ ആറോ അതിൽ കൂടുതലോ തെറ്റ്​ വന്നാൽ സ്ഥാനാർഥി പരാജയപ്പെടും. 13 കാര്യങ്ങളിൽ സ്ഥാനാർഥിയുടെ സമ്പദ്​വ്യവസ്ഥ, അധികാര സ്ഥാനം, സാമൂഹത്തിന്​ അയാളോടുള്ള സംതൃപ്​തി, ആകർഷണീയത എന്നിവ ഉൾപ്പെടും.

Show Full Article
TAGS:Donald Trump us president election US Elections 
Web Title - Professor, right about US elections for 40 years, has predicted the 2020 winner
Next Story