പോസ്റ്റ് മാസ്റ്ററെ പിരിച്ചുവിട്ട പോളണ്ട് മന്ത്രിയുടെ പണി പോയി

വാ​ഴ്സോ: ​പോ​സ്റ്റ് മാ​സ്റ്റ​റെ പി​രി​ച്ചു​വി​ടാ​ൻ ആ​വ​ശ്യ​പ്പെ​ട്ട് വി​വാ​ദ​ത്തി​ലാ​യ ​പോ​ളി​ഷ് മ​ന്ത്രി മൈ​ക്ക​ൽ സി​യെ​സ്‍ലാ​ക്ക് രാ​ജി​വെ​ച്ചു. ​​ഈ ​മാ​സ​മാ​ദ്യം ചി​ല ക​ത്തു​ക​ൾ കൈ​പ്പ​റ്റാ​നാ​യി ത​പാ​ൽ ഓ​ഫി​സി​ലെ​ത്തി​യ മ​ന്ത്രി​യു​മാ​യി, സാ​ധ​ന വി​ല​വ​ർ​ധ​ന​യെ​ച്ചൊ​ല്ലി പോ​സ്റ്റ് മാ​സ്റ്റ​ർ ത​ർ​ക്ക​ത്തി​ൽ ഏ​ർ​​​​​​പ്പെ​ടു​ക​യാ​യി​രു​ന്നു. പോ​സ്റ്റ് മാ​സ്റ്റ​ർ ആ​ക്ര​മ​ണോ​ത്സു​ക​യാ​യി സം​സാ​രി​ച്ചെ​ന്നും മോ​ശം ഭാ​ഷ ഉ​പ​യോ​ഗി​ച്ചെ​ന്നും ആ​രോ​പി​ച്ച മ​ന്ത്രി പോ​സ്റ്റ​ൽ അ​ധി​കാ​രി​ക​ളോ​ട് അ​വ​രെ പു​റ​ത്താ​ക്കാ​ൻ ആ​വ​ശ്യ​പ്പെ​ട്ടു.

പോ​സ്റ്റ് മാ​സ്റ്റ​ർ വി​ശ​ദീ​ക​ര​ണ​വു​മാ​യി രം​ഗ​ത്തെ​ത്തി​യ​തോ​ടെ പി​രി​ച്ചു​വി​ട്ട ന​ട​പ​ടി പി​ന്നീ​ട് അ​ധി​കൃ​ത​ർ റ​ദ്ദാ​ക്കി. അ​ടു​ത്ത വ​ർ​ഷം ​തെ​ര​ഞ്ഞെ​ടു​പ്പി​നെ നേ​രി​ടു​ന്ന വ​ല​തു​പ​ക്ഷ കൂ​ട്ടു​ക​ക്ഷി സ​ർ​ക്കാ​റി​ലെ, ത​ദ്ദേ​ശ സ​ഥാ​പ​ന​ങ്ങ​ളു​ടെ വി​ക​സ​ന ചു​മ​ത​ല​യു​ണ്ടാ​യി​രു​ന്ന മ​ന്ത്രി​യാ​യി​രു​ന്നു മൈ​ക്ക​ൽ സി​യെ​സ്‍ലാ​ക്ക്.

രാ​ജി​വെ​ച്ചി​ല്ലെ​ങ്കി​ൽ മ​ന്ത്രി​യെ പു​റ​ത്താ​ക്കു​മെ​ന്ന് ഭ​ര​ണ​ക​ക്ഷി​യാ​യ ലോ ​ആ​ൻ​ഡ് ജ​സ്റ്റി​സ് പാ​ർ​ട്ടി നേ​താ​വ് ജ​റോ​സ്ലാ​വ് കാ​സി​ൻ​സ്കി വ്യ​ക്ത​മാ​ക്കി​യി​രു​ന്നു.