ശ്രീലങ്കയിൽ റനിൽ വിക്രമസിംഗെ ഇടക്കാല പ്രസിഡന്റായി അധികാരമേറ്റു

കൊളംബോ: ശ്രീലങ്കയിൽ പ്രധാനമന്ത്രി റനിൽ വിക്രമസിംഗെ ഇടക്കാല പ്രസിഡന്റായി അധികാരമേറ്റു. ഗോടബയ രാജപക്സയുടെ രാജിക്കത്ത് ലഭിച്ചതായി സ്പീക്കർ മഹിന്ദ യപ അഭയവർദനെ അറിയിച്ചതിനു പിന്നാലെയാണ് ഔദ്യോഗികമായി ചുമതലയേറ്റെടുത്തത്. പുതിയ പ്രസിഡന്റ് അധികാരമേൽക്കുന്നതു വരെ റനിൽ തുടരും. രാജ്യത്ത് ഏഴു ദിവസത്തിനകം പുതിയ പ്രസിഡന്റിനെ തെരഞ്ഞെടുക്കുമെന്നും സ്പീക്കർ വ്യക്തമാക്കി.

ജൂലൈ 20 ന് ശ്രീലങ്കൻ പാർലമെന്റ് പുതിയ പ്രസിഡന്റി​നെ തെരഞ്ഞെടുക്കുമെന്നാണ് റിപ്പോർട്ട് ജനകീയ പ്രക്ഷോഭം ശക്തമായതോടെയാണ് ​ഗോടബയക്ക് പ്രസിഡന്റ് സ്ഥാനം രാജിവെക്കേണ്ടി വന്നത്. പ്രക്ഷോഭകാരികൾ ഓഫിസും വസതിയും കൈയേറിയതിനുപിന്നാലെ രാജ്യത്തുനിന്ന് പലായനം ചെയ്യുകയായിരുന്നു ഗോടബയ.

യുദ്ധ വീരനെന്നറിയപ്പെടുന്ന ഗോടബയയുടെയും സഹോദരനും മുൻ പ്രധാനമന്ത്രിയുമായ മഹിന്ദ രാജപക്സയുടെയും കെടുകാര്യസ്ഥതയാണ് രാജ്യത്തെ സാമ്പത്തിക പ്രതിസന്ധി രൂക്ഷമാക്കിയ​തെന്നാണ് ജനങ്ങളുടെ ആരോപണം. തുടർന്ന് ഇവരുടെ രാജിയാവശ്യപ്പെട്ട് ജനം രംഗത്തിറങ്ങുകയായിരുന്നു. സ്വാതന്ത്ര്യത്തിനു ശേഷമുള്ള ഏറ്റവും വലിയ സാമ്പത്തിക പ്രതിസന്ധിയാണ് ശ്രീലങ്ക അനുഭവിക്കുന്നത്.

പ്രസിഡന്‍റിന്‍റെ രാജി ആവശ്യപ്പെട്ട് ആയിരങ്ങളാണ് തെരുവിൽ പ്രതിഷേധത്തിനിറങ്ങിയത്. പ്രസിഡന്‍റിന്‍റെ ഔദ്യോഗിക വസതി ഉൾപ്പെടെ പ്രക്ഷോഭകർ കൈയേറിയിരുന്നു.കുടുംബത്തോടൊപ്പം മാലദ്വീപിലേക്ക് കടന്ന ഗോടബയ പിന്നീട് സിംഗപ്പൂരിലെത്തിയിരുന്നു. അതേസമയം, ഗോടബയ അഭയം ആവശ്യപ്പെടുകയോ തങ്ങൾ അഭയം നല്‍കുകയോ ചെയ്തിട്ടില്ലെന്ന് സിംഗപ്പൂര്‍ അധികൃതർ വ്യക്തമാക്കി. സിംഗപ്പൂർ വഴി സൗദിയിലെത്താനാണ് ഗോടബയയുടെ ശ്രമമെന്ന് അസോസിയേറ്റഡ് പ്രസ് റിപ്പോർട്ട് ചെയ്തു.

ഭരണഘടനാഭേദഗതി പുനരുജ്ജീവിപ്പിക്കും- റനിൽ

കൊ​ളം​ബോ: ശ്രീ​ല​ങ്ക​യി​ൽ ക്ര​മ​സ​മാ​ധാ​നം ക​ർ​ശ​ന​മാ​യി പ​രി​പാ​ലി​ക്കു​മെ​ന്നും പ്ര​സി​ഡ​ന്റി​നേ​ക്കാ​ൾ അ​ധി​കാ​രം പാ​ർ​ല​മെ​ന്റി​ന് ന​ൽ​കു​ന്ന ഭ​ര​ണ​ഘ​ട​ന​യു​ടെ 19-ാം ഭേ​ദ​ഗ​തി പു​ന​രു​ജ്ജീ​വി​പ്പി​ക്കു​മെ​ന്നും റ​നി​ൽ വി​ക്ര​മ​സിം​ഗെ പ​റ​ഞ്ഞു. ചീ​ഫ് ജ​സ്റ്റി​സ് ജ​യ​ന്ത ജ​യ​സൂ​ര്യ​ക്ക് മു​മ്പാ​കെ ഇ​ട​ക്കാ​ല പ്ര​സി​ഡ​ന്റാ​യി സ​ത്യ​പ്ര​തി​ജ്ഞ ചെ​യ്ത ശേ​ഷം പാ​ർ​ല​മെ​ന്റി​നെ അ​ഭി​സം​ബോ​ധ​ന ചെ​യ്യ​വെ​യാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. അ​ടു​ത്ത പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ വോ​ട്ട് ചെ​യ്യാ​ൻ എം.​പി​മാ​ർ​ക്ക് പൂ​ർ​ണ സം​ര​ക്ഷ​ണം ന​ൽ​കും. ആ​ക്ടി​ങ് പ്ര​സി​ഡ​ന്റ് എ​ന്ന നി​ല​യി​ൽ ത​ന്റെ ആ​ദ്യ ദൗ​ത്യം ഭ​ര​ണ​ഘ​ട​ന​യു​ടെ 19-ാം ഭേ​ദ​ഗ​തി പു​ന​രു​ജ്ജീ​വി​പ്പി​ക്കു​ക​യാ​ണ്. ഇ​ത് പു​നഃ​സ്ഥാ​പി​ക്കാ​നു​ള്ള ക​ര​ട് ഉ​ട​ൻ ത​യാ​റാ​ക്കും.

പാ​ർ​ല​മെ​ന്റി​ന് പ്ര​സി​ഡ​ന്റി​നേ​ക്കാ​ൾ അ​ധി​കാ​രം ന​ൽ​കു​ന്ന 2015ലെ 19​എ ഭ​ര​ണ​ഘ​ട​നാ ഭേ​ദ​ഗ​തി​യി​ലൂ​ടെ പ്ര​സി​ഡ​ന്റി​ന്റെ അ​ധി​കാ​ര​ങ്ങ​ൾ വെ​ട്ടി​ക്കു​റ​ച്ചി​രു​ന്നു. 2019 ന​വം​ബ​റി​ലെ പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ ഗോ​ട​ബാ​യ രാ​ജ​പ​ക്‌​സ വി​ജ​യി​ച്ച​തി​നെ​ത്തു​ട​ർ​ന്ന് 19 എ ​ഭേ​ദ​ഗ​തി റ​ദ്ദാ​ക്കി.

ശ്രീലങ്കൻ പ്രസിഡന്റ്: റനിലിന് മുൻതൂക്കം

കൊ​ളം​ബോ: 1978നു​ശേ​ഷം ആ​ദ്യ​മാ​യി ശ്രീ​ല​ങ്ക പ്ര​സി​ഡ​ന്റി​നെ എം.​പി​മാ​രു​ടെ ര​ഹ​സ്യ വോ​ട്ടെ​ടു​പ്പി​ലൂ​ടെ തെ​ര​ഞ്ഞെ​ടു​ക്കും. 225 അം​ഗ പാ​ർ​ല​മെ​ന്റ് ജൂ​ലൈ 20ന് ​ര​ഹ​സ്യ​വോ​ട്ടി​ലൂ​ടെ പു​തി​യ പ്ര​സി​ഡ​ന്റി​നെ തെ​ര​ഞ്ഞെ​ടു​ക്കു​മെ​ന്ന് സ്പീ​ക്ക​ർ മ​ഹി​ന്ദ യാ​പ അ​ബേ​വ​ർ​ധ​ന വെ​ള്ളി​യാ​ഴ്ച അ​റി​യി​ച്ചു. 1978നു​ശേ​ഷം പ്ര​സി​ഡ​ന്റി​നെ തെ​ര​ഞ്ഞെ​ടു​ക്കാ​ൻ പാ​ർ​ല​മെ​ന്റ് വോ​ട്ട് ചെ​യ്തി​ട്ടി​ല്ല. 1982, 1988, 1994, 1999, 2005, 2010, 2015, 2019 എ​ന്നീ വ​ർ​ഷ​ങ്ങ​ളി​ൽ ജ​ന​കീ​യ വോ​ട്ടി​ലൂ​ടെ​യാ​ണ് തെ​ര​ഞ്ഞെ​ടു​ത്ത​ത്. അ​ടു​ത്ത ആ​ഴ്ച ന​ട​ക്കു​ന്ന മ​ത്സ​ര​ത്തി​ൽ റ​നി​ൽ വി​ക്ര​മ​സിം​ഗെ​ക്കാ​ണ് സാ​ധ്യ​ത കൂ​ടു​ത​ൽ. പ്ര​സി​ഡ​ന്റാ​കാ​ൻ ആ​ഗ്ര​ഹി​ച്ചി​രു​ന്ന വി​ക്ര​മ​സിം​ഗെ 1999ലും 2005​ലും ര​ണ്ടു പ്ര​സി​ഡ​ന്റ് തെ​ര​ഞ്ഞെ​ടു​പ്പു​ക​ളി​ൽ പ​രാ​ജ​യ​പ്പെ​ട്ടു.

പ്ര​ധാ​ന​മ​ന്ത്രി, ധ​ന​മ​ന്ത്രി എ​ന്ന നി​ല​യി​ലു​ള്ള പ​രി​ച​യ സ​മ്പ​ത്ത് വി​ക്ര​മ​സിം​ഗെ​ക്ക് തു​ണ​യാ​കു​മെ​ന്നാ​ണ് വി​ല​യി​രു​ത്ത​ൽ. ആ​റു ത​വ​ണ​യാ​ണ് റ​നി​ൽ പ്ര​ധാ​ന​മ​ന്ത്രി​പ​ദ​ത്തി​ലി​രു​ന്ന​ത്. അ​തേ​സ​മ​യം, വി​ക്ര​മ​സിം​ഗെ​യു​ടെ യു​നൈ​റ്റ​ഡ് നാ​ഷ​ന​ൽ പാ​ർ​ട്ടി​ക്ക് പാ​ർ​ല​മെ​ന്റി​ൽ ഒ​രു സീ​റ്റ് മാ​ത്ര​മേ​യു​ള്ളൂ. ഭ​ര​ണ​സ​ഖ്യ​ത്തി​ലെ ശ്രീ​ല​ങ്ക പൊ​തു​ജ​ന പെ​ര​മു​ന​യും മു​ൻ പ്ര​സി​ഡ​ന്റി​ന്റെ സ​ഹോ​ദ​ര​ൻ ബാ​സി​ൽ രാ​ജ​പ​ക്സ​യും റ​നി​ലി​​നെ പി​ന്തു​ണ​ക്കു​മെ​ന്നാ​ണ് റി​പ്പോ​ർ​ട്ടു​ക​ൾ.

എ​ന്നാ​ൽ, പ്ര​ക്ഷോ​ഭ​ക​ർ​ക്ക് അ​ന​ഭി​മ​ത​നാ​ണ് ഈ 73​കാ​ര​ൻ. മു​ഖ്യ​പ്ര​തി​പ​ക്ഷ​മാ​യ സ​മാ​ഗി ജ​ന ബ​ല​വേ​ഗ​യ​യു​ടെ നേ​താ​വ് സ​ജി​ത് പ്രേ​മ​ദാ​സ, ഭ​ര​ണ​ക​ക്ഷി​യാ​യ എ​സ്‌.​എ​ൽ.​പി.​പി​യി​ൽ​നി​ന്ന് വേ​ർ​പി​രി​ഞ്ഞ സം​ഘ​ത്തി​ലെ ഡ​ല്ലാ​സ് അ​ല​ഹ​പ്പെ​രു​മ (63), എ​ൽ.​ടി.​ടി.​ഇ​യു​മാ​യു​ള്ള സൈ​നി​ക​പോ​രാ​ട്ട​ത്തി​ൽ വി​ജ​യി​ച്ച ആ​ർ​മി ക​മാ​ൻ​ഡ​ർ ഫീ​ൽ​ഡ് മാ​ർ​ഷ​ൽ ശ​ര​ത് ഫൊ​ൻ​സേ​ക (71) എ​ന്നി​വ​രു​ടെ പേ​രു​ക​ളും ഉ​യ​ർ​ന്നു​കേ​ൾ​ക്കു​ന്നു​ണ്ട്. സ​ജി​ത് പ്രേ​മ​ദാ​സ (55)യു​ടെ എ​സ്.​ജെ.​ബി​ക്ക് പാ​ർ​ല​മെ​ന്റി​ൽ 50 അം​ഗ​ങ്ങ​ൾ മാ​ത്ര​മേ​യു​ള്ളൂ. മു​ൻ ഇ​ൻ​ഫ​ർ​മേ​ഷ​ൻ ആ​ൻ​ഡ് മാ​സ് മീ​ഡി​യ മ​ന്ത്രി​യും പ​ത്ര കോ​ള​മി​സ്റ്റു​മാ​യ ഡ​ല്ലാ​സ് അ​ല​ഹ​പ്പെ​രു​മ ഇ​ട​തു​പ​ക്ഷ ചാ​യ്‌​വു​ള്ള രാ​ഷ്ട്രീ​യ സൈ​ദ്ധാ​ന്തി​ക​നാ​ണ്. സിം​ഹ​ള ബു​ദ്ധ​ഭൂ​രി​പ​ക്ഷ​ത്തി​ന്റെ പി​ന്തു​ണ ഫൊ​ൻ​സേ​ക​ക്കു​ണ്ട്. എ​ന്നാ​ൽ, സ​ജി​ത് പ്രേ​മ​ദാ​സ വി​ട്ടു​നി​ന്നാ​ൽ മാ​ത്ര​മേ അ​ദ്ദേ​ഹം മ​ത്സ​രി​ക്കാ​ൻ സാ​ധ്യ​ത​യു​ള്ളൂ.