പസഫിക് രാജ്യങ്ങൾക്ക് ഇ​ന്ത്യ​യെ വി​ശ്വ​സ്ത പ​ങ്കാ​ളി​യാ​യി കാണാമെന്ന് പ്രധാനമന്ത്രി

പോ​ർ​ട്ട് മോ​റ​സ്ബി: പ​സ​ഫി​ക് ദ്വീ​പ് രാ​ജ്യ​ങ്ങ​ളു​ടെ മു​ൻ​ഗ​ണ​ന​ക​ളെ എ​പ്പോ​ഴും ബ​ഹു​മാ​നി​ക്കു​ന്നു​വെ​ന്നും ഇ​ന്ത്യ​യെ വി​ശ്വ​സ്ത വി​ക​സ​ന പ​ങ്കാ​ളി​യാ​യി കാ​ണാ​മെ​ന്നും പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ത്രി​രാ​ഷ്ട്ര പ​ര്യ​ട​ന​ത്തി​ന്‍റെ ഭാ​ഗ​മാ​യി പാ​പാ ന്യൂ​ഗി​നി​യ​യി​ലെ​ത്തി​യ പ്ര​ധാ​ന​മ​ന്ത്രി ഫോ​റം ഫോ​ർ ഇ​ന്ത്യ-​പ​സ​ഫി​ക് ഐ​ല​ൻ​ഡ്സ് കോ​ഓ​പ​റേ​ഷ​ന്റെ (എ​ഫ്.​ഐ.​പി.​ഐ.​സി) മൂ​ന്നാ​മ​ത് ഉ​ച്ച​കോ​ടി​യി​ൽ പ​സ​ഫി​ക് ദ്വീ​പ് രാ​ജ്യ​ങ്ങ​ളി​ലെ പ്ര​തി​നി​ധി​ക​ളെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു പ്ര​ധാ​ന​മ​ന്ത്രി.

ഇ​ന്തോ-​പ​സ​ഫി​ക് ബ​ന്ധം കൂ​ടു​ത​ൽ സ്വ​ത​ന്ത്ര​മാ​കേ​ണ്ട​തു​ണ്ടെ​ന്നും എ​ല്ലാ രാ​ജ്യ​ങ്ങ​ളു​ടെ​യും പ​ര​മാ​ധി​കാ​ര​ത്തെ​യും വി​ശ്വാ​സ്യ​ത​യെ​യും ഇ​ന്ത്യ ബ​ഹു​മാ​നി​ക്കു​ന്നു​വെ​ന്നും ന​രേ​ന്ദ്ര മോ​ദി പ​റ​ഞ്ഞു. പ​സ​ഫി​ക് ദ്വീ​പ് രാ​ജ്യ​ങ്ങ​ളി​ൽ സ്വാ​ധീ​ന​മു​റ​പ്പി​ക്കാ​നും മേ​ഖ​ല​യി​ൽ ചൈ​ന ന​ട​ത്തു​ന്ന ഇ​ട​പെ​ട​ലും ച​ർ​ച്ച​യാ​കു​ന്ന​തി​നി​ടെ​യാ​ണ് പ​സ​ഫി​ക് ദ്വീ​പ് രാ​ജ്യ​ങ്ങ​ൾ​ക്ക് എ​ല്ലാ​വി​ധ പി​ന്തു​ണ​യും പ്ര​ഖ്യാ​പി​ച്ചു​കൊ​ണ്ടു​ള്ള ന​രേ​ന്ദ്ര മോ​ദി​യു​ടെ പ്ര​ഖ്യാ​പ​നം.

‘‘നി​ങ്ങ​ളു​ടെ മു​ൻ​ഗ​ണ​ന​ക​ളെ ഇ​ന്ത്യ ബ​ഹു​മാ​നി​ക്കു​ന്നു. വി​ക​സ​ന​കാ​ര്യ​ത്തി​ൽ നി​ങ്ങ​ളു​ടെ പ​ങ്കാ​ളി​യാ​കു​ന്ന​തി​ൽ അ​ഭി​മാ​ന​മു​ണ്ട്. മാ​നു​ഷി​ക സ​ഹാ​യ​മാ​യാ​ലും വി​ക​സ​ന​കാ​ര്യ​മാ​യാ​ലും ഇ​ന്ത്യ​യെ വി​ശ്വ​സ്ത പ​ങ്കാ​ളി​യാ​യി നി​ങ്ങ​ൾ​ക്ക് കാ​ണാം. മാ​നു​ഷി​ക മൂ​ല്യ​ങ്ങ​ളെ അ​ടി​സ്ഥാ​ന​മാ​ക്കു​ന്ന​താ​ണ് ഇ​ന്ത്യ​യു​ടെ രീ​തി’’ -അ​ദ്ദേ​ഹം പ​റ​ഞ്ഞു. ഡി​ജി​റ്റ​ൽ, ബ​ഹി​രാ​കാ​ശ സാ​ങ്കേ​തി​ക വി​ദ്യ​ക​ളാ​യാ​ലും ആ​രോ​ഗ്യ, ഭ​ക്ഷ്യ സു​ര​ക്ഷ​യി​ലാ​യാ​ലും ഒ​രു​മ​ടി​യും കൂ​ടാ​തെ പി​ന്തു​ണ ന​ൽ​കു​മെ​ന്നും മോ​ദി പ​റ​ഞ്ഞു. 14 പ​സ​ഫി​ക് ദ്വീ​പ് രാ​ജ്യ​ങ്ങ​ളി​ലെ പ്ര​തി​നി​ധി​ക​ൾ പ​ങ്കെ​ടു​ത്ത ഉ​ച്ച​കോ​ടി​യി​ൽ ന​രേ​ന്ദ്ര മോ​ദി​ക്കൊ​പ്പം പാ​പാ ന്യൂ​ഗി​നി​യ പ്ര​ധാ​ന​മ​ന്ത്രി ജെ​യിം​സ് മ​റേ​പും ആ​തി​ഥേ​യ​ത്വം വ​ഹി​ച്ചു.

ജെ​യിം​സ് മ​റേ​പു​മാ​യും ഗ​വ​ർ​ണ​ർ ജ​ന​റ​ൽ ബോ​ബ് ദാ​ഡാ​യെ​യു​മാ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ച​ർ​ച്ച ന​ട​ത്തി. ത​മി​ഴ് മ​ഹാ​സാ​ഹി​ത്യ ഗ്ര​ന്ഥ​മാ​യ തി​രു​ക്കു​റ​ൾ, പാ​പാ ന്യൂ​ഗി​നി​യ​യി​ലെ ടൊ​ക് പി​സി​ൻ ഭാ​ഷ​യി​ലേ​ക്ക് മൊ​ഴി​മാ​റ്റം ചെ​യ്ത പു​സ്ത​ക​ത്തി​ന്‍റെ പ്ര​കാ​ശ​ന​വും ഇ​രു പ്ര​ധാ​ന​മ​ന്ത്രി​മാ​രും ചേ​ർ​ന്ന് നി​ർ​വ​ഹി​ച്ചു. ന​രേ​ന്ദ്ര മോ​ദി​ക്ക് ദ്വീ​പ് രാ​ജ്യ​ങ്ങ​ളാ​യ ഫി​ജി​യു​ടെ​യും പാ​പാ ന്യൂ​ഗി​നി​യ​യു​ടെ​യും പ​ര​മോ​ന്ന​ത ബ​ഹു​മ​തി ന​ൽ​കി ഇ​രു​രാ​ജ്യ​ങ്ങ​ളും ആ​ദ​രി​ച്ചു.