പ്രിയ സുഹൃത്ത് ട്രംപിനെ കാണാൻ മോദി അമേരിക്കയിലേക്ക്

ന്യൂഡൽഹി: അമേരിക്കൻ പ്രസിഡന്റായി വീണ്ടും തെരഞ്ഞെടുക്കപ്പെട്ട ഡോണൾഡ് ട്രംപിനെ കാണാൻ ഇന്ത്യൻ പ്രധാനമന്ത്രി നരേന്ദ്ര മോദി അമേരിക്കയി​ലേക്ക്. ഫെബ്രുവരിയിലാണ് സന്ദർശനം നടക്കുക. തീയ്യതി പ്രഖ്യാപിച്ചിട്ടില്ല. കഴിഞ്ഞ ദിവസം മോദി ട്രംപിനെ വിളിച്ച് അഭിനന്ദിച്ചിരുന്നു. അധികാരമേറ്റ യു.എസ് പ്രസിഡന്‍റ് ഡോണൾഡ് ട്രംപുമായി ഫോണിൽ സംസാരിച്ചാണ് പ്രധാനമന്ത്രി അഭിനന്ദനം അറിയിച്ചത്. എക്സിലൂടെ പ്രധാനമന്ത്രി തന്നെയാണ് ഇക്കാര്യം അറിയിച്ചത്. പ്രിയ സുഹൃത്ത് ഡൊണാൾഡ് ട്രംപുമായി സംസാരിച്ചതിൽ സന്തോഷമെന്ന് പ്രധാനമന്ത്രി പറഞ്ഞു.

‘പ്രിയ സുഹൃത്ത് ഡോണൾഡ് ട്രംപുമായി സംസാരിച്ചതിൽ സന്തോഷമുണ്ട്. അദ്ദേഹത്തിന്‍റെ ചരിത്രപരമായ രണ്ടാം ഊഴത്തിൽ അദ്ദേഹത്തെ അഭിനന്ദിച്ചു. പരസ്പര പ്രയോജനകരവും വിശ്വസനീയവുമായ പങ്കാളിത്തത്തിന് ഞങ്ങൾ പ്രതിജ്ഞാബദ്ധരാണ്. നമ്മുടെ ജനങ്ങളുടെ ക്ഷേമത്തിനും ആഗോള സമാധാനത്തിനും സമൃദ്ധിക്കും സുരക്ഷയ്ക്കും വേണ്ടി ഞങ്ങൾ ഒരുമിച്ച് പ്രവർത്തിക്കും’ -മോദി കുറിച്ചു.

ഡൊ​ണാ​ൾ​ഡ് ട്രം​പ് വീ​ണ്ടു​മൊ​രി​ക്ക​ൽ കൂ​ടി അ​മേ​രി​ക്ക​ൻ പ്ര​സി​ഡ​ന്റാ​യി അ​ധി​കാ​ര​മേ​റ്റതോടെ പ്ര​തി​ഫ​ല​ന​ങ്ങ​ളെ​ന്തൊ​ക്കെ​യാ​കു​മെ​ന്ന് ഉ​റ്റു​നോ​ക്കു​ക​യാ​ണ് ഇ​ന്ത്യ. ‘ആ​ദ്യം അ​മേ​രി​ക്ക’ എ​ന്ന ട്രം​പ് അ​ജ​ണ്ട​യി​ൽ, ഇ​ന്ത്യ​യോ​ടു​ള്ള ന​യ​വും മാ​റ്റു​മോ എ​ന്ന​താ​ണ് അ​തി​ൽ പ്ര​ധാ​നം. രാ​ജ്യ​ത്തി​ന്റെ ആ​ഗോ​ള സ​ഖ്യ​ങ്ങ​ളി​ലും മൂ​ല​ധ​ന നി​ക്ഷേ​പ​ത്തി​ലും വ്യാ​പാ​ര​നീ​ക്ക​ത്തി​ലും പ്ര​ത്യാ​ഘാ​ത​ങ്ങ​ളു​ണ്ടാ​ക്കു​ന്ന​താ​യി​രി​ക്കു​മ​ത്. ഇൗ സാഹചര്യത്തിൽ മോദി- ട്രംപ് കൂടിക്കാഴ്ചക്ക് പ്രസക്തിയേറെയാണ്.