മോ​ദി മാര്‍പ്പാപ്പയെ കണ്ടു; ചർച്ചയിൽ ഇന്ത്യയിലെ ക്രൈസ്തവരുടെ വിഷയങ്ങളും

വത്തിക്കാൻ: 16ാ​മ​ത്​ ജി20 ​ഉ​ച്ച​കോ​ടി​യി​ൽ പ​​ങ്കെ​ടു​ക്കാ​ൻ ഇ​റ്റ​ലി​യി​ലെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി വത്തിക്കാനിൽ ഫ്രാന്‍സിസ് മാര്‍പ്പാപ്പയെ സന്ദർശിച്ചു. ഒന്നേകാല്‍ മണിക്കൂറോളം നീണ്ടുനിന്ന കൂടിക്കാഴ്ചയിൽ മാർപാപ്പയെ മോദി ഇന്ത്യയിലേക്ക് ഒൗദ്യോഗികമായി ക്ഷണിച്ചു. ഇന്ത്യയിലെ ക്രൈസ്തവരുടെ വിഷയങ്ങളടക്കം ചര്‍ച്ച ചെയ്​തതായാണ്​ അറിയുന്നത്​. കാലാവസ്ഥാ വ്യതിയാനം, ദാരിദ്ര്യനിര്‍മാര്‍ജനം എന്നിവ സംബന്ധിച്ചും ഇരീവരും സംസാരിച്ചു. വത്തിക്കാന്‍ വിദേശകാര്യ സെക്രട്ടറി കര്‍ദിനാള്‍ പിയത്രോ പരോളിനും ഇന്ത്യൻ വിദേശകാര്യമന്ത്രി എസ്. ജയശങ്കറും അജിത് ഡോവലും പങ്കെടുത്തു.

2000 ജൂണിൽ എ.ബി. വാജ്പേയിയാണ്​ വത്തിക്കാനിൽ മാർപ്പാപ്പയെ അവസാനമായി സന്ദർശിച്ച ഇന്ത്യൻ പ്രധാനമന്ത്രി. ജോൺപോൾ മാർപാപ്പയെയാണ്​ അദ്ദേഹം സന്ദർശിച്ചത്​. മാർപാപ്പയെ വത്തിക്കാനിൽ സന്ദർശിക്കുന്ന അഞ്ചാമത്തെ ഇന്ത്യൻ പ്രധാനമന്ത്രിയാണ് മോദി. 1955 ജൂണിൽ ജവാഹർലാൽ നെഹ്റുവും 1981 നവംബറിൽ ഇന്ദിര ഗാന്ധിയും 1997 സെപ്റ്റംബറിൽ ഐ.കെ.ഗുജ്റാളും മാർപ്പാപ്പയെ സന്ദർശിച്ചിരുന്നു.

അ​ടു​ത്ത​യാ​ഴ്ച പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ഇ​സ്രാ​യേ​ൽ പ്ര​ധാ​ന​മ​ന്ത്രി ന​ഫ്​​താ​ലി ബെ​ന്ന​റ്റും ഗ്ലാ​സ്‌​ഗോ​യി​ൽ കൂ​ടി​ക്കാ​ഴ്ച ന​ട​ത്തും. ന​വം​ബ​ർ ഒ​ന്നി​ന്​ ഗ്ലാ​സ്‌​ഗോ​യി​ൽ ന​ട​ക്കു​ന്ന ഐ​ക്യ​രാ​ഷ്​​ട്ര​സ​ഭ കാ​ലാ​വ​സ്​​ഥ വ്യ​തി​യാ​ന സ​മ്മേ​ള​ന​ത്തി​നിടെ​യാ​ണ്​ ഇ​രു രാ​ഷ്​​ട്ര​നേ​താ​ക്ക​ളും കൂ​ടി​ക്കാ​ഴ്​​ച ന​ട​ത്തു​ക. ബെ​ന്ന​റ്റ്​ സ​േ​മ്മ​ള​ന​ത്തെ അ​ഭി​സം​ബോ​ധ​ന ചെ​യ്യു​മെന്നും കാ​ലാ​വ​സ്​​ഥ വ്യ​തി​യാ​നം സം​ബ​ന്ധി​ച്ച ഇ​സ്രാ​യേ​ലി​െൻറ കാ​ഴ്​​ച​പ്പാ​ട്​ വ്യ​ക്ത​മാ​ക്കു​മെ​ന്നും ഓ​ഫി​സ്​ അ​റി​യി​ച്ചു. അ​ടു​ത്ത വ​ർ​ഷം ബെ​ന്ന​റ്റ്​ ഇ​ന്ത്യ സ​ന്ദ​ർ​ശി​ച്ചേ​ക്കു​മെ​ന്നും​ ഇ​സ്രാ​യേ​ലി മാ​ധ്യ​മ​ങ്ങ​ൾ റി​പ്പോ​ർ​ട്ട്​ ചെ​യ്​​തു.