റഷ്യൻ മിസൈൽ ഇടി​ച്ചതിനെ തുടർന്നാണ് വിമാനം തകർന്നുവീണത് -അസർബൈജാൻ പ്രസിഡൻ്റ്

അ​​സ്താ​​ന: റ​ഷ്യ​ൻ മി​സൈ​ൽ ഇ​ടി​ച്ചതിനെ തുടർന്നാണ് ഖ​​സാ​​കി​​സ്താ​​നി​​​ലെ അ​​ക്‌​​തൗ​വി​ൽ യാ​​ത്രാ​​വി​​മാ​​നം ത​​ക​​ർ​​ന്നു​​വീ​​ണ​തെന്ന് അസർബൈജാൻ പ്രസിഡൻ്റ് ഇൽഹാം അലിയേവ്. സംഭവത്തിൽ റഷ്യൻ പ്രസിഡന്റ് വ്ലാ​ദി​മി​ർ പു​ടി​ൻ മാപ്പ് പറഞ്ഞതിന് പിന്നാലെയാണ് അസർബൈജാൻ പ്രസിഡൻ്റിന്റെ പ്രതികരണം. വിമാനപകടത്തിന്റെ കാരണം മറച്ചുവെയ്ക്കാന്‍ റഷ്യ ശ്രമിച്ചുവെന്നും കുറ്റം സമ്മതിക്കണമെന്നും പ്രസിഡന്റ് വ്യക്തമാക്കി.

അ​സ​ർ​ബൈ​ജാ​ൻ വി​മാ​നം ക​സാ​ഖ്സ്താ​നി​ൽ ത​ക​ർ​ന്നു​വീ​ണ​ത് ത​ങ്ങ​ളു​ടെ വ്യോ​മ പ്ര​തി​രോ​ധ സേ​ന​യു​ടെ മി​സൈ​ൽ ഇ​ടി​ച്ചാ​ണെ​ന്ന് റഷ്യയും സ്ഥി​രീ​ക​രി​ച്ചിരുന്നു. ബ​കു​വി​ൽ​നി​ന്ന് ഗ്രോ​സ്നി​യി​ലേ​ക്ക് പോ​കു​ന്ന​തി​നി​ടെ​യാ​ണ് വി​മാ​നം ത​ക​ർ​ന്നു​വീ​ണ​ത്.

വി​മാ​നം നി​ല​ത്തി​റ​ക്കാ​ൻ ശ്ര​മി​ക്കു​ന്ന സ​മ​യ​ത്ത് റ​ഷ്യ​ൻ വ്യോ​മ പ്ര​തി​രോ​ധ സേ​ന യു​ക്രെ​യ്ൻ ഡ്രോ​ണു​ക​ളെ ചെ​റു​ക്കാ​നു​ള്ള ശ്ര​മ​ത്തി​ലാ​യി​രു​ന്നെ​ന്ന് വ്ലാ​ദി​മി​ർ പു​ടി​ന്റെ ഓ​ഫി​സ് പു​റ​ത്തു​വി​ട്ട പ്ര​സ്താ​വ​ന​യി​ൽ പ​റ​യുന്നത്. 38 പേ​ർ മ​രി​ച്ച ദാ​രു​ണ​മാ​യ സം​ഭ​വ​ത്തി​ൽ മാ​പ്പ് ചോ​ദി​ച്ച പുടിൻ, ഇ​ര​ക​ളു​ടെ കു​ടും​ബ​ങ്ങ​ൾ​ക്ക് അ​ഗാ​ധ​വും ആ​ത്മാ​ർ​ഥ​വു​മാ​യ അ​നു​ശോ​ച​നം രേ​ഖ​പ്പെ​ടു​ത്തി​.