കോവിഡ്​ വാക്​സിൻ: 2021ൽ 1,92,000 കോടി രൂപ വിറ്റുവരവ്​ പ്രവചിച്ച്​​ ഫൈസർ

വാഷിങ്​ടൺ: അമേരിക്കൻ മരുന്നു നിർമാണ ഭീമനായ ഫൈസർ വികസിപ്പിച്ച കോവിഡ്​ വാക്​സിൻ ലോകത്തുടനീളം ഒരു വർഷം വിൽപന നടത്തുക വഴി ലഭിക്കുക 2600 കോടി ഡോളർ- അതായത്​ 1,92,000 കോടി രൂപ. വിവിധ രാജ്യങ്ങളുമായി ഇനിയും കരാറിലെത്താൻ ബാക്കിയുള്ളതിനാൽ വിറ്റുവരവ്​ ഇരട്ടിയും അതിലേറെയും ഉയരുമെന്നാണ്​ കണക്കുകൂട്ടൽ.

ജർമൻ കമ്പനി ബയോ എൻ ടെക്കുമായി സഹകരിച്ച്​ കോമിർനാറ്റി അഥവാ ബി.എൻ.ടി.162 ബി.2 എന്ന പേരിൽ നിർമിച്ച മരുന്ന്​ വിവിധ രാജ്യങ്ങളിൽ വ്യത്യസ്​ത വിലകളിലാണ്​ വിൽക്കുന്നത്​. അമേരിക്കയിൽ രണ്ടു ഡോസിന്​ 39 ഡോളർ ഈടാക്കു​േമ്പാൾ യൂറോപ്യൻ യൂനിയനിൽ ഇത്​ 30 ഡോളറിനാണ്​ വിൽപന. ആദ്യ മൂന്നു മാസങ്ങളിലെ വിൽപന മാത്രം 350 കോടി ഡോളറിനാണ് (25,861കോടി രൂപ)​. ഇതുവരെയായി 160 ​േകാടി ഡോസ്​ വാക്​സിൻ ലഭ്യമാക്കാനാണ്​ ഫൈസറുമായി വിവിധ രാജ്യങ്ങൾ കരാറിലെത്തിയത്​. യു.എസ്​, യു.കെ, ഇ.യു, ജപ്പാൻ, ഇസ്രായേൽ രാഷ്​ട്രങ്ങളുമായി ഇതിനകം കരാർ പ്രാബല്യത്തിലായിട്ടുണ്ട്​. ബ്രസീലുമായി 10 കോടി വാക്​സിന്​ കരാർ ഉടനുണ്ടാകുമെന്നാണ്​ സൂചന. കാനഡ, ഇസ്രായേൽ എന്നിവ അടുത്ത വർഷത്തേക്കും കരാറിലെത്തിയിട്ടുണ്ട്​.

27 അംഗ രാജ്യങ്ങളിലായി 60 കോടി വാക്​സിനാണ്​ യൂറോപ്യൻ യൂനിയൻ വാങ്ങുന്നത്​. 2023 ആകു​േമ്പാഴേക്ക്​ 180 ഡോസ്​ വാക്​സിൻ വാങ്ങുമെന്ന്​ യൂറോപ്യൻ കമീഷൻ പ്രസിഡന്‍റ്​ ഉർസുല വോൻ ഡെർ ലെയൻ പറഞ്ഞു. 45 കോടിയാണ്​ അംഗ രാജ്യങ്ങളിലെ ജനസംഖ്യ. ഇവർക്ക്​ രണ്ടു വർഷത്തേക്ക്​ ഇത്​ മതിയാകുമെന്നാണ്​ കണക്കുകൂട്ടൽ.

ഫൈസർ നിർമിച്ച വാക്​സിനാണ്​ ലോക വ്യാപകമായി ആദ്യ അംഗീകാരം നേടുന്നത്​. മാർച്ച്​ മാസത്തോടെ ആറു മാസം മുതൽ 11 വയസ്സുവരെയുള്ള കുഞ്ഞുങ്ങളിലും വാക്​സിൻ പരീക്ഷിച്ചു തുടങ്ങിയിട്ടുണ്ട്​.

വിവിധ രാജ്യങ്ങൾ ഇനിയും കരാറിലെത്താനുള്ളതിനാൽ 2021ലെ വിറ്റുവരവ്​ 7100 കോടി ഡോളർ മുതൽ 7300 കോടി ഡോളർ വരെ കോവിഡ്​ വാക്​സിൻ വിറ്റുവരവ്​ ഉണ്ടാക്കാനാകുമെന്നാണ്​ ഫൈസറിന്‍റെ കണക്കുകൂട്ടൽ. വാക്​സിൻ വിറ്റുവരവ്​ കണക്കുകളും കണക്കുകൂട്ടലും പുറത്തുവിട്ട കമ്പനി ലാഭക്കണക്ക്​ പ്രഖ്യാപിച്ചിട്ടില്ല. ഫൈസർ വാക്​സിൻ കൂടുതലായും സമ്പന്ന രാജ്യങ്ങൾക്ക്​ വിൽപന നടത്തുന്നതായി ആരോപണമുയർന്നിരുന്നു. എന്നാൽ, ഇതുവരെ 91 രാജ്യങ്ങളിലേക്ക്​ 43 കോടി ഡോസ്​ വാക്​സിൻ കയറ്റി അയച്ചതായി കമ്പനി വ്യക്​തമാക്കി.

മറ്റൊരു അമേരിക്കൻ കമ്പനിയായ മോഡേണയും ഉയർന്ന നിരക്ക്​ ഇൗടാക്കിയാണ്​ മരുന്ന്​ വിൽക്കുന്നത്​. കമ്പനിക്ക്​ നടപ്പുവർഷം 1800 കോടി ഡോളർ വിറ്റുവരവ്​ ഉണ്ടാക്കാനാകുമെന്നാണ്​ കണക്കുകൂട്ടൽ.

മറുവശത്ത്​, ലാഭേഛയില്ലാതെ വാക്​സിൻ വിൽക്കുമെന്ന്​ പ്രഖ്യാപിച്ച ആസ്​ട്രസെനക്കക്ക്​ വാക്​സിൻ നിർമാണം വഴി 22.4 കോടി ഡോളറിന്‍റെ നഷ്​ടം വന്നതായി കമ്പനി അറിയിച്ചു. രണ്ടു ഡോസുകൾക്ക്​ 4.30 മുതൽ 10 ഡോളർ വരെയാണ്​ കമ്പനി ഈടാക്കുന്നത്​.