Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightമരുന്നില്ല,...

മരുന്നില്ല, വെൻറിലേറ്ററില്ല; ഗസ്സക്ക് പോംവഴി പ്രതിരോധം മാത്രം

text_fields
bookmark_border
മരുന്നില്ല, വെൻറിലേറ്ററില്ല; ഗസ്സക്ക് പോംവഴി പ്രതിരോധം മാത്രം
cancel

ഗസ്സ സിറ്റി: ഇസ്രയേലി​​​​െൻറയും ഈജിപ്​തി​​​​െൻറയും ഉപരോധത്തിൽ വലയുന്ന ഗസ്സ മുനമ്പിന്​ കോവിഡിനെ നേരിടാനു ം പ്രതിരോധം മാത്രം ആയുധം. കൂടിവന്നാൽ 150 പേരെ ചികിത്സിക്കാനുള്ള സംവിധാനം മാത്രമാണ്​ ഗസ്സയുടെ കൈയ്യിലുള്ളത്​. < /p>

മരുന്നും വ​​​െൻറിലേറ്ററുകളും കോവിഡ്​ പരിശോധന സാമ​ഗ്രികളും വിരളം. രോഗം പടർന്നുപിടിച്ചാൽ നിയ​ന്ത്രണത് തിന്​ നന്നേ പാടുപെടും. ഈ സാഹചര്യത്തിൽ മുൻകരു​തലെടുക്കാൻ പൗരൻമാരെ പരമാവധി പ്രേരിപ്പിക്കുകയാണ്​ ഭരണകൂടം. ഗസ്സയ ിലെ ആരോഗ്യസംരക്ഷണ സംവിധാനത്തിന് ഒരേസമയത്ത് 100 മുതൽ 150 വരെ ഗുരുതര കേസുകളേ നേരിടാൻ കഴിയൂ എന്നാണ്​ റെഡ്ക്രോസി​​​​െൻറ അന്താരാഷ്ട്ര സമിതിയുടെ വിലയിരുത്തൽ. തങ്ങളുടെ പക്കലുള്ള കൊറോണ വൈറസ് പരിശോധന കിറ്റുകൾ തീർന്നു​െകാണ്ടിരിക്കുകയാണെന്ന്​ പലസ്​തീൻ അധികൃതർ പറയുന്നു. തീവ്രപരിചരണ വിഭാഗങ്ങൾക്കായി കൂടുതൽ വ​​​െൻറിലേറ്ററുകളും കിടക്കകളും വേണമെന്നും പലസ്തീൻ ആരോഗ്യ അധികൃതർ അന്താരാഷ്ട്ര സംഘടനകളോട് അഭ്യർത്ഥിച്ചിരുന്നു.

വൈറസ്​ വ്യാപനം തടയുന്നതിനും കോവിഡ് രോഗികൾക്ക് ചികിത്സ നൽകുന്നതിനും ഉപരോധം നീക്കണമെന്ന്​ ലോകത്തി​​​​െൻറ വിവിധ കോണുകളിൽനിന്ന്​ ആവശ്യമുയർന്നിരുന്നു. എന്നാൽ, ഇസ്രയേൽ ഇതുവരെ ചെവിക്കൊണ്ടിട്ടില്ല. മെഡിക്കൽ ഉപകരണങ്ങൾ എത്തിക്കുന്നതിനും ഡോക്​ടർമാർ, നഴ്​സുമാർ എന്നിവരുടെ യാത്രക്കും അധിനിവേശ ഗാസയിലെയും വെസ്റ്റ് ബാങ്കിലെയും ഉപരോധം അടിയന്തിരമായി നീക്കണമെന്നാണ്​ മനുഷ്യാവകാശ സംഘടനകളുടെ ആവശ്യം. ഇല്ലെങ്കിൽ ഗസ്സയിൽനിന്ന്​ നടുക്കുന്ന വാർത്തകൾ കേൾക്കേണ്ടിവരുമെന്ന്​ ഇവർ മുന്നറിയിപ്പു നൽകുന്നു. അതേസമയം, അധിനിവേശ ഫലസ്തീൻ പ്രദേശങ്ങളിൽ പട്രോളിങ്ങ്​ നടത്തുന്ന ഇസ്രയേൽ സൈനികർക്ക്​ പ​​​െൻറഗൺ ലക്ഷക്കണക്കിന്​ മാസ്കുകൾ കൈമാറിയിട്ടുണ്ട്​.

ഗസ്സയിൽ ഇതുവരെ 13 വൈറസ് കേസുകളാണ്​ സ്​ഥിരീകരിച്ചത്​. ഇവർ ​െഎസൊലേഷൻ വാർഡിൽ ചികിത്സയിലാണ്​. എന്നാൽ, ആശുപത്രി സൗകര്യങ്ങളുടെ അപര്യാപ്​തത കണക്കിലെടുത്ത്​ ജനം കടുത്ത മുൻകരുതൽ സ്വീകരിക്കുന്നുണ്ട്​.

“ചികിത്സയെക്കാൾ നല്ലത്​ പ്രതിരോധമാണ്. ഉപഭോക്താക്കളുമായി ഇടപഴകുമ്പോൾ ഞാൻ ഇപ്പോൾ ശ്രദ്ധ പുലർത്താറുണ്ട്​’’ -പഴക്കച്ചവടക്കാരനായ മുഹമ്മദ് അൽ മസ്രി (23) മാധ്യമപ്രവർത്തകനോട്​ പറഞ്ഞു. ഗാസ സിറ്റിയിലെ ത​​​​െൻറ സ്റ്റാളിൽ മാസ്കും കൈയ്യുറകളും ധരിച്ചാണ്​ മുഹമ്മദ്​ കച്ചവടം ചെയ്യുന്നത്​. "സ്ട്രോബെറിയു​ടെ സീസണാണിത്​. ഇപ്പോൾ വിൽക്കുന്നില്ലെങ്കിൽ എ​​​​െൻറ വരുമാനം നിലക്കും" മുഹമ്മദ്​ പറഞ്ഞു.

ചെറിയ വരുമാനമുള്ള തെരുവ് കച്ചവടക്കാർ സുരക്ഷ വസ്​ത്രം ധരിക്കാൻ സാമ്പത്തിക ശേഷിയുള്ളവരല്ല. അതേസമയം, റെസ്റ്റോറൻറുകൾ, ബേക്കറികൾ തുടങ്ങിയ സ്​ഥാപനങ്ങളിൽ സാനിറ്റൈസർ പോലുള്ള സൗകര്യം ഏർപ്പെടുത്തിയിട്ടുണ്ടെന്ന്​ അൽ ജസീറ ചാനൽ റിപ്പോർട്ട്​ ചെയ്യുന്നു. സന്നദ്ധപ്രവർത്തകർ മുൻകൈയ്യെടുത്ത്​ തെരുവുകളിൽ അണുനാശിനി തളിക്കുന്നുമുണ്ട്​. ലോക്ക്ഡൗൺ ഏർപ്പെടുത്തിയിട്ടില്ലെങ്കിലും പള്ളികൾ, ചന്തകൾ, സ്കൂളുകൾ എന്നിവയുൾപ്പെടെ ആളുകൾ കൂടുന്ന സ്ഥലങ്ങൾ അടച്ചിട്ടിരിക്കുകയാണ്​.

Show Full Article
TAGS:covid 19 gaza Israel palstine 
Web Title - People in Gaza take no chances as virus threat looms world news
Next Story