പാട്രിസ് ലുമുംബയുടെ പല്ലുകൾ തിരികെ നൽകി ബെൽജിയം

ബ്ര​സ​ൽ​സ്: ആ​ഫ്രി​ക്ക​ൻ രാ​ജ്യ​മാ​യ കോം​ഗോ​യു​ടെ പ്രഥമ പ്ര​ധാ​ന​മ​ന്ത്രി​യും സ്വാ​ത​ന്ത്ര്യ​സ​മ​ര നാ​യ​ക​നു​മാ​യ പാ​ട്രി​സ് ലു​മും​ബ​യു​ടെ സ്വ​ർ​ണ​പ്പ​ല്ലു​ക​ൾ തി​രി​കെ ന​ൽ​കി ബെ​ൽ​ജി​യം ഭ​ര​ണ​കൂ​ടം. കോം​ഗോ​യെ ചൂ​ഷ​ണം ചെ​യ്ത​തി​ൽ ബെ​ൽ​ജി​യം രാ​ജാ​വ് ഫി​ലി​പ് കു​റ്റ​ബോ​ധം രേ​ഖ​പ്പെ​ടു​ത്തി​യി​രു​ന്നു.

തു​ട​ർ​ന്ന് ലു​മും​ബ​യു​ടെ ആ​കെ​യു​ള്ള ശേ​ഷി​പ്പ് തി​രി​കെ ന​ൽ​കാ​ൻ ബെ​ൽ​ജി​യം ത​യാ​റാ​യി. പ്ര​ത്യേ​ക പേ​ട​ക​ത്തി​ൽ അ​ട​ക്കം​ചെ​യ്ത പ​ല്ലു​ക​ൾ ബെ​ൽ​ജി​യം പ്ര​ധാ​ന​മ​ന്ത്രി അ​ല​ക്സാ​ണ്ട​ർ ഡി ​ക്രൂ​വി​ന്‍റെ സാ​ന്നി​ധ്യ​ത്തി​ൽ ഫെ​ഡ​റ​ൽ പ്രോ​സി​ക്യൂ​ട്ട​ർ ലു​മും​ബ​യു​ടെ ബ​ന്ധു​ക്ക​ൾ​ക്കു കൈ​മാ​റി. കോ​ള​നി​വ​ത്ക​ര​ണ​ത്തി​ന് അ​ന്ത്യം കു​റി​ച്ച് 1960ലാ​ണ് കോം​ഗോ​യു​ടെ പ്ര​ഥ​മ പ്ര​ധാ​ന​മ​ന്ത്രി​യാ​യി ലു​മും​ബ അ​ധി​കാ​ര​ത്തി​ലേ​റി​യ​ത്. 1961ൽ ​വി​മ​ത​രും ബെ​ൽ​ജി​യ​ൻ കൂ​ലി​പ്പ​ട്ടാ​ള​വും ചേ​ർ​ന്ന് ലു​മും​ബ​യെ വ​ധി​ച്ചു.

മൃ​ത​ശ​രീ​രം വെ​ട്ടി​മു​റി​ച്ച് ക​ഷ​ണ​ങ്ങ​ളാ​ക്കി ആ​സി​ഡി​ൽ ല​യി​പ്പി​ക്കു​ക​യാ​യി​രു​ന്നെ​ന്ന് ബെ​ൽ​ജി​യ​ൻ പൊ​ലീ​സ് ക​മീ​ഷ​ണ​റാ​യി​രു​ന്ന ജെ​റാ​ർ​ദ് സൊ​റ്റെ വെ​ളി​പ്പെ​ടു​ത്തി. ലു​മും​ബ​യു​ടെ സ്വ​ർ​ണ​പ്പ​ല്ലു​ക​ൾ ത​ന്‍റെ പ​ക്ക​ലു​ണ്ടെ​ന്ന് സൊ​റ്റെ​യു​ടെ മ​ക​ൾ അ​വ​കാ​ശ​പ്പെ​ടു​ക​യും തു​ട​ർ​ന്ന് 2016ൽ ​ബെ​ൽ​ജി​യ​ൻ ഭ​ര​ണ​കൂ​ടം ഇ​ത് പി​ടി​ച്ചെ​ടു​ക്കു​ക​യു​മാ​യി​രു​ന്നു.