ക്രൂരമായ പീഡനം; ക്ഷിണിതരായി ഫലസ്തീൻ ജയിൽ മോചിതർ

ഗ​സ്സ സി​റ്റി: ഇ​സ്രാ​യേ​ൽ ജ​യി​ലി​ൽ ക​ടു​ത്ത പീ​ഡ​ന​ങ്ങ​ളും പ​ട്ടി​ണി​യും നേ​രി​ട്ട​തി​ന്റെ അ​നു​ഭ​വ​ങ്ങ​ൾ വെ​ളി​പ്പെ​ടു​ത്തി ക​ഴി​ഞ്ഞ ദി​വ​സം മോ​ചി​ത​രാ​യ ഫ​ല​സ്തീ​നി​ക​ൾ. വെ​ടി​നി​ർ​ത്ത​ൽ ക​രാ​ർ പ്ര​കാ​രം 183 ഫ​ല​സ്തീ​ൻ ത​ട​വു​കാ​രെ​യാ​ണ് ഇ​സ്രാ​യേ​ൽ ക​ഴി​ഞ്ഞ ദി​വ​സം മോ​ചി​പ്പി​ച്ച​ത്. ക​റ​പി​ടി​ച്ച ജ​യി​ൽ വ​സ്ത്ര​ങ്ങ​ൾ ധ​രി​ച്ച് എ​ത്തി​യ ഇ​വ​രി​ൽ പ​ല​രും മാ​സ​ങ്ങ​ൾ നീ​ണ്ട പീ​ഡ​ന​ങ്ങ​ളേ​റ്റ​തി​ൽ ക്ഷീ​ണി​ത​രാ​യി​രു​ന്നു. 15 മാ​സ​ത്തോ​ളം മ​നു​ഷ്യ​ത്വ​ര​ഹി​ത​മാ​യ സ​മീ​പ​ന​മാ​ണ് ഇ​സ്രാ​യേ​ൽ സ്വീ​ക​രി​ച്ച​തെ​ന്ന് മോ​ചി​ത​നാ​യ ഫ​ല​സ്തീ​നി പ​റ​ഞ്ഞു. മൃ​ഗ​ങ്ങ​ളേ​ക്കാ​ൾ മോ​ശ​മാ​യ രീ​തി​യി​ലാ​ണ് പെ​രു​മാ​റി​യ​തെ​ന്നും അ​ദ്ദേ​ഹം വ്യ​ക്ത​മാ​ക്കി.

ത​ല​ക്ക് മു​ക​ളി​ൽ കൈ​ക​ൾ വി​ല​ങ്ങു​വെ​ച്ചാ​ണ് ഫ​ല​സ്തീ​ൻ ത​ട​വു​കാ​രെ കെ​റ്റ്സി​യോ​ട്ട് ജ​യി​ലി​ൽ​നി​ന്ന് വി​ട്ട​യ​ച്ചി​രു​ന്ന​ത്. മോ​ചി​ത​രാ​യ​വ​രെ ഇ​സ്രാ​യേ​ൽ ജ​യി​ൽ സ​ർ​വി​സ് കൈ​കാ​ര്യം ചെ​യ്ത ഈ ​രീ​തി​യി​ൽ റെ​ഡ് ക്രോ​സ് ജീ​വ​ന​ക്കാ​ർ രോ​ഷം പ്ര​ക​ടി​പ്പി​ച്ചി​രു​ന്നു.

ഒ​ക്ടോ​ബ​ർ ഏ​ഴി​നു ശേ​ഷം ഇ​സ്രാ​യേ​ൽ ത​ട​വ​റ​ക​ളി​ൽ ഫ​ല​സ്തീ​നി​ക​ൾ​ക്കു നേ​രെ പീ​ഡ​ന​ങ്ങ​ൾ വ​ർ​ധി​ച്ച​താ​യി ഫ​ല​സ്തീ​ൻ പ്രി​സ​ണേ​ഴ്സ് സൊ​സൈ​റ്റി ചൂ​ണ്ടി​ക്കാ​ട്ടി. ക്രൂ​ര​മാ​യ മ​ർ​ദ​ന​ത്തി​ന് പു​റ​മെ ഇ​വ​രെ പ​ട്ടി​ണി​ക്കി​ടു​ക​യും ചെ​യ്തു.

ഇ​സ്രാ​യേ​ൽ ഉ​ദ്യോ​ഗ​സ്ഥ​രു​ടെ മെ​ഡി​ക്ക​ൽ കു​റ്റ​കൃ​ത്യ​ങ്ങ​ൾ കാ​ര​ണം പ​ല​ർ​ക്കും ചൊ​റി​പി​ടി​ച്ചു. ദി​വ​സ​ങ്ങ​ളോ​ളം മ​ർ​ദി​ച്ച​തി​നാ​ൽ പ​ല​രു​ടെ​യും എ​ല്ലു​ക​ൾ പൊ​ട്ടി​യ​താ​യും ഫ​ല​സ്തീ​ൻ പ്രി​സ​ണേ​ഴ്സ് സൊ​സൈ​റ്റി പ​റ​ഞ്ഞു.