'പട്ടിണിയിലായ ഫലസ്തീനികളെ 'സഹായ കേന്ദ്രങ്ങളി'ലെത്തിക്കുന്നു, ഒരു സഞ്ചി മാവ് പ്രതീക്ഷിച്ചു വരുന്നവരെ അവിടെ വെടിവെച്ച് കൊല്ലുന്നു'

ലണ്ടൻ: ഇസ്രായേലിന് ആയുധം വിൽക്കുന്നത് അവസാനിപ്പിക്കണമെന്ന് ആവശ്യപ്പെട്ട് മുൻ ലേബർ പാർട്ടി നേതാവായ ബ്രിട്ടീഷ് എം.പി ജെറമി കോർബിൻ. പട്ടിണിയിലായ ഫലസ്തീനികളെ സഹായകേന്ദ്രങ്ങളിലെത്തിച്ച് വെടിവെച്ച് കൊല്ലുകയാണെന്ന് അദ്ദേഹം പറഞ്ഞു. ഫലസ്തീനിലെ ഇസ്രായേല്‍ അധിനിവേശത്തെ രൂക്ഷമായി എതിര്‍ക്കുന്ന ബ്രിട്ടീഷ് രാഷ്ട്രീയ നേതാവാണ് കോര്‍ബിന്‍.

'ഇന്ന്, കൂടുതൽ പട്ടിണിയിലായ ഫലസ്തീനികളെ 'സഹായ വിതരണ' കേന്ദ്രങ്ങളിലേക്ക് ആകർഷിച്ച് കൊണ്ടുവരികയാണ്. ഒരു സഞ്ചിയിൽ മാവ് കിട്ടുമെന്ന പ്രതീക്ഷയിലാണ് അവർ വരുന്നത്. എന്നാൽ, അവരെ വെടിവെച്ച് കൊല്ലുന്നു. എന്തൊരു മനുഷ്യത്വരഹിതമായ പ്രവൃത്തിയാണിത്. ഇസ്രായേലിന് ആയുധം വിൽക്കുന്നത് ഉടൻ അവസാനിപ്പിക്കണം' -ജെറമി കോർബിൻ ആവശ്യപ്പെട്ടു.

ഇറാനെ ആക്രമിക്കാൻ ബ്രിട്ടീഷ് ആയുധങ്ങൾ ഇസ്രായേൽ ഉപയോഗിക്കുന്നുണ്ടോയെന്ന് വെളിപ്പെടുത്താൻ താൻ വിദേശകാര്യ സെക്രട്ടറിയോട് ആവശ്യപ്പെട്ടിരുന്നുവെന്ന് കോർബിൻ ചൂണ്ടിക്കാട്ടി. തന്‍റെ ചോദ്യത്തിന് ഉത്തരം നൽകാൻ വിദേശകാര്യ സെക്രട്ടറി തയാറായില്ലെന്ന് അദ്ദേഹം പറഞ്ഞു.

ഗസ്സയിൽ ഭ​ക്ഷ്യ കേ​ന്ദ്ര​ങ്ങ​ളി​ൽ ഭ​ക്ഷ​ണ​പ്പൊ​തി​ക​ൾ​ക്ക് വ​രി​നി​ന്ന​വ​രെ വീ​ണ്ടും വീണ്ടും കൂ​ട്ട​​ക്കൊ​ല ന​ടത്തുകയാണ് ഇ​സ്രാ​യേ​ൽ സേ​ന. ഇന്നലെ ഖാ​ൻ യൂ​നു​സി​ലും റ​ഫ​യി​ലു​മാ​ണ് ഭ​ക്ഷ​ണ​ത്തി​നാ​യി കാ​ത്തു​നി​ന്ന​വ​ർ​ക്കു മേ​ൽ മി​സൈ​ലു​ക​ളും ഷെ​ല്ലു​ക​ളും വ​ർ​ഷി​ച്ച​ത്. 80ലേ​റെ പേ​ർ കൊ​ല്ല​പ്പെ​ട്ടു.​ 200ലേ​റെ പേ​ർ​ക്ക് പ​രി​ക്കേ​റ്റു. ഇ​ത്ത​രം കേ​ന്ദ്ര​ങ്ങ​ളി​ൽ മു​മ്പും കൂ​ട്ട​​ക്കൊ​ല പ​തി​വാ​ണെ​ങ്കി​ലും സ​മീ​പ​നാ​ളു​ക​ളി​ലെ ഏ​റ്റ​വും ക്രൂ​ര​മാ​യ അ​റു​കൊ​ല​യാ​ണി​ത്.

ഖാ​​ൻ യൂ​നു​സി​ലെ ബ​നീ സു​ഹൈ​ല​യി​ൽ യു.​എ​ന്നി​നു കീ​ഴി​ലെ ലോ​ക ഭ​ക്ഷ്യ പ്രോ​ഗ്രാം ന​ട​ത്തു​ന്ന കേ​ന്ദ്ര​ത്തി​നു സ​മീ​പം ആ​യി​ര​ക്ക​ണ​ക്കി​ന് ഫ​ല​സ്തീ​നി​ക​ളാ​ണ് ഭ​ക്ഷ​ണം കാ​ത്ത് വ​രി​നി​ന്നി​രു​ന്ന​ത്. ഇ​വ​ർ​ക്കു നേ​രെ ഡ്രോ​ണു​ക​ൾ ര​ണ്ട് മി​സൈ​ൽ വ​ർ​ഷി​ച്ച​തി​ന് പി​റ​കെ 300 മീ​റ്റ​ർ ദൂ​രെ​യു​ണ്ടാ​യി​രു​ന്ന ടാ​ങ്കു​ക​ളി​ൽ​നി​ന്ന് ഷെ​ല്ലു​ക​ളും പ​തി​ച്ചു. 56 പേ​ർ ഇ​വി​ടെ മ​ര​ണ​ത്തി​ന് കീ​ഴ​ട​ങ്ങി. റ​ഫ​യി​ലെ അ​ൽ​ആ​ലം ഭാ​ഗ​ത്ത് സ​മീ​പ ആ​ക്ര​മ​ണ​ത്തി​ൽ 30ഓ​ളം പേ​രും മ​രി​ച്ചു.

ഇ​ത്ത​രം ഭ​ക്ഷ്യ കേ​ന്ദ്ര​ങ്ങ​ളി​ലെ കൂ​ട്ട​ക്കൊ​ല അ​ന്വേ​ഷ​ണ വി​ധേ​യ​മാ​ക്ക​ണ​മെ​ന്ന് ക​ഴി​ഞ്ഞ ദി​വ​സം യു.​എ​ൻ മ​നു​ഷ്യാ​വ​കാ​ശ മേ​ധാ​വി വോ​ൾ​ക​ർ ട​ർ​ക് ആ​വ​ശ്യ​പ്പെ​ട്ടി​രു​ന്നു.