പീ​ഡ​നം​ തുറന്നു പറഞ്ഞ് ഫലസ്തീൻ ജയിൽ മോചിതർ

റാ​മ​ല്ല: മാ​സ​ങ്ങ​ൾ നീ​ണ്ട ത​ട​ങ്ക​ലി​നു ശേ​ഷം ഇ​സ്രാ​യേ​ൽ ജ​യി​ൽ മോ​ചി​ത​യാ​യി ത​ക​ർ​ന്ന​ടി​ഞ്ഞ ഗ​സ്സ​യി​ലേ​ക്ക് തി​രി​ച്ചെ​ത്തി​യ ദാ​നി​യ ഹ​ന​ത്ഷെ​ക്ക് മു​ന്നി​ൽ ഉ​ത്ത​രം കി​ട്ടാ​ത്ത ചോ​ദ്യ​ങ്ങ​ൾ നി​ര​വ​ധി​യാ​ണ്. വീ​ണ്ടും അ​റ​സ്റ്റ് ചെ​യ്യ​പ്പെ​ടു​മോ, ഇ​സ്രാ​യേ​ൽ ത​ട​വ​റ​യി​ൽ ഇ​നി​യും ക​ടു​ത്ത പീ​ഡ​ന​ങ്ങ​ൾ നേ​രി​​​ടേ​ണ്ടി വ​രു​മോ​? ഹ​ന​ത്ഷെ​യെ പോ​ലെ ഇ​സ്രാ​യേ​ൽ ജ​യി​ൽ മോ​ചി​ത​രാ​യ കു​ട്ടി​ക​ള​ട​ക്ക​മു​ള്ള ഫ​ല​സ്തീ​നി​ക​ളു​ടെ അ​വ​സ്ഥ​യാ​ണി​ത്. അ​വ​ർ​ക്ക് മു​ന്നി​ൽ അ​നി​ശ്ച​ത​ത്വം മാ​ത്രം നി​റ​ഞ്ഞ ഭാ​വി​യാ​ണു​ള്ള​ത്.

വെ​ടി​നി​ർ​ത്ത​ൽ ക​രാ​റി​ന്റെ ഭാ​ഗ​മാ​യാ​ണ് 90 ഓ​ളം ഫ​ല​സ്തീ​ൻ ത​ട​വു​കാ​രെ ഇ​സ്രാ​യേ​ൽ മോ​ചി​പ്പി​ച്ച​ത്. പ​ക്ഷേ, ഏ​തു നി​മി​ഷ​വും വീ​ണ്ടും അ​റ​സ്റ്റ് ചെ​യ്യ​പ്പെ​ടു​മെ​ന്ന അ​വ​സ്ഥ​യാ​ണെ​ന്ന് ഹ​ന​ത്ഷെ പ​റ​യു​ന്നു. വീ​ണ്ടും അ​റ​സ്റ്റ് ചെ​യ്യാ​ൻ പാ​ടി​ല്ലെ​ന്നാ​ണ് ക​രാ​ർ വ്യ​വ​സ്ഥ. എ​ങ്കി​ലും സ്വ​യം​ര​ക്ഷ​ക്കു​വേ​ണ്ടി ഒ​ന്നും ചെ​യ്യാ​ൻ ക​ഴി​യാ​ത്ത നി​സ്സ​ഹാ​യാ​വ​സ്ഥ. മോ​ചി​ത​രാ​യ​വ​രി​ൽ ഭൂ​രി​ഭാ​ഗ​വും ക​ല്ലെ​റി​ഞ്ഞു എ​ന്ന നി​സ്സാ​ര​മാ​യ കേ​സു​ക​ൾ ചു​മ​ത്ത​പ്പെ​ട്ട​വ​രാ​ണ്. 2023 ന​വം​ബ​റി​ലാ​ണ് ദാ​നി​യ​യെ ആ​ദ്യ​മാ​യി അ​റ​സ്റ്റ് ചെ​യ്യു​ന്ന​ത്. ദി​വ​സ​ങ്ങ​ൾ​ക്കു ശേ​ഷം മോ​ചി​പ്പി​ച്ചെ​ങ്കി​ൽ ക​ഴി​ഞ്ഞ ആ​ഗ​സ്റ്റി​ലെ ഒ​രു ദി​വ​സം വീ​ടി​ന്റെ വാ​തി​ൽ ച​വി​ട്ടി​ത്തു​റ​ന്ന് അ​ക​ത്തു​ക​ട​ന്ന സൈ​ന്യം സ്ഫോ​ട​ക വ​സ്തു കാ​ണി​ച്ച് ഭീ​ഷ​ണി​പ്പെ​ടു​ത്തി വീ​ണ്ടും ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. എ​ന്തു​കു​റ്റ​ത്തി​ന്റെ പേ​രി​ലാ​ണ് അ​റ​സ്റ്റ് ചെ​യ്യു​ന്ന​തെ​ന്ന് സേ​ന ഒ​രി​ക്ക​ൽ പോ​ലും വി​ശ​ദീ​ക​രി​ച്ചി​ട്ടി​ല്ല. ഭീ​ക​ര​വാ​ദ പ്ര​വ​ർ​ത്ത​​ന​ത്തെ സ​ഹാ​യി​ച്ച​തി​നാ​ണ് ക​സ്റ്റ​ഡി​യി​ലെ​ടു​ത്തി​രി​ക്കു​ന്ന​തെ​ന്നാ​ണ് ഇ​സ്രാ​യേ​ൽ നീ​തി​ന്യാ​യ മ​ന്ത്രാ​ല​യ​ത്തി​ന്റെ രേ​ഖ​ക​ൾ പ​റ​യു​ന്ന​ത്. പ​ക്ഷേ, ഒ​രു പോ​രാ​ളി സം​ഘ​ട​ന​യി​ൽ​പോ​ലും അം​ഗ​മ​ല്ലാ​ത്ത ദാ​നി​യ​ക്കെ​തി​രെ കു​റ്റം ചു​മ​ത്തു​ക​യോ വി​ചാ​ര​ണ ന​ട​ത്തു​ക​യോ ചെ​യ്തി​ട്ടി​ല്ല.

ഗ​സ്സ​യി​ലെ​യും വെ​സ്റ്റ് ബാ​ങ്കി​ലെ​യും ജ​റു​സ​ലേ​മി​ലെ​യും എ​ല്ലാ ഫ​ല​സ്തീ​ൻ കു​ടും​ബ​ങ്ങ​ളി​ലെ​യും ഒ​രാ​ൾ​ക്കെ​ങ്കി​ലും ദാ​നി​യ​യെ പോ​ലെ ഒ​രു ദു​രി​ത​ക​ഥ പ​റ​യാ​നു​ണ്ടാ​കും. 15 മാ​സം നീ​ണ്ട വം​ശ​ഹ​ത്യ​ക്കി​ടെ ഇ​സ്രാ​യേ​ൽ ത​ട​വി​ലി​ട്ട ഫ​ല​സ്തീ​നി​ക​ളു​ടെ എ​ണ്ണം ഇ​ര​ട്ടി​യാ​യി 10,000 ന് ​മു​ക​ളി​ലെ​ത്തി​യ​താ​യി ഇ​സ്രാ​യേ​ൽ നി​യ​മ സം​ഘ​ട​ന​യാ​യ ഹ​മോ​ക്ഡ് പ​റ​യു​ന്നു. ത​ട​വി​ലു​ള്ള​വ​രി​ൽ ഭൂ​രി​ഭാ​ഗം പേ​ർ​ക്കും അ​വ​ർ ചെ​യ്ത കു​റ്റ​മെ​ന്താ​ണെ​ന്ന് ഒ​രു ധാ​ര​ണ​യു​മി​ല്ല. കു​റ്റം ചു​മ​ത്താ​തെ, വി​ചാ​ര​ണ ചെ​യ്യാ​തെ വ​ർ​ഷ​ങ്ങ​ളോ​ളം ഫ​ല​സ്തീ​ൻ​കാ​രെ ത​ട​വി​ൽ വെ​ക്കാ​നു​ള്ള ഇ​സ്രാ​യേ​ൽ ര​ഹ​സ്യ​ന​യ​മാ​ണി​തെ​ന്ന് ജ​റൂ​സ​ല​മി​ലെ ത​ട​വു​കാ​രു​ടെ ര​ക്ഷി​താ​ക്ക​ളു​ടെ സ​മി​തി ത​ല​വ​നാ​യ അം​ജ​ദ് അ​ബു അ​സ​ബ് വെ​ളി​പ്പെ​ടു​ത്തി.

അ​തേ​സ​മ​യം, ഇ​സ്രാ​യേ​ൽ ജ​യി​ലി​ലു​ള്ള ഫ​ല​സ്തീ​നി​ക​ളു​ടെ ജീ​വി​തം അ​ങ്ങേ​യ​റ്റം ദു​രി​ത​മാ​യി​രി​ക്കു​ക​യാ​ണ്. ഭ​ക്ഷ​ണ​വും മ​രു​ന്നു​മൊ​ന്നും കൃ​ത്യ​മാ​യി ന​ൽ​കു​ന്നി​ല്ല. വൃ​ത്തി​ഹീ​ന​മാ​യ സെ​ല്ലു​ക​ളി​ലാ​ണ് ഇ​വ​രെ പാ​ർ​പ്പി​ച്ചി​രി​ക്കു​ന്ന​ത്. നി​ര​ന്ത​രം സേ​ന​യു​ടെ മ​ർ​ദ​ന​വും പീ​ഡ​ന​വു​മേ​ൽ​ക്കേ​ണ്ടി വ​രു​ന്നു. കു​രു​മു​ള​ക് ക​ല​ർ​ത്തി​യ ഗ്യാ​സ് സ്പ്രേ ​ചെ​യ്യും. ബ​ന്ധു​ക്ക​ളെ കാ​ണാ​നോ, വ​സ്ത്രം മാ​റാ​നോ അ​നു​വ​ദി​ക്കാ​റി​ല്ലെ​ന്നും ​നി​ര​വ​ധി വ​ർ​ഷ​ങ്ങ​ൾ ജ​യി​ലി​ൽ ക​ഴി​യേ​ണ്ടി വ​ന്ന പോ​പു​ല​ർ ഫ്ര​ണ്ട് ഫോ​ർ ദ ​ലി​ബ​റേ​ഷ​ൻ ഓ​ഫ് ഫ​ല​സ്തീ​ന്റെ നേ​താ​വാ​യ ഖാ​ലി​ദ ജ​റാ​ർ പ​റ​ഞ്ഞു. ഗ​സ്സ​യി​ലെ ഇ​ട​തു​പ​ക്ഷ നേ​താ​വാ​യ ജ​റാ​റി​നെ നി​ര​ന്ത​രം അ​റ​സ്റ്റ് ചെ​യ്യു​ന്ന​തി​നെ ഹ്യൂ​മ​ൺ റൈ​റ്റ്സ് വാ​ച്ച് ക​ടു​ത്ത​ഭാ​ഷ​യി​ൽ വി​മ​ർ​ശി​ച്ചി​രു​ന്നു. ജ​യി​ൽ മോ​ചി​ത​യാ​യി തി​രി​ച്ചെ​ത്തി​യ 62കാ​രി​യാ​യ ജ​റാ​റി​നെ സ്വീ​ക​രി​ക്കാ​ൻ നി​ര​വ​ധി പേ​രാ​ണ് ആ​ഹ്ലാ​ദ​ത്തോ​ടെ റാ​മ​ല്ല​യി​ൽ കാ​ത്തു​നി​ന്ന​ത്. എ​ങ്കി​ലും, വെ​ടി​നി​ർ​ത്ത​ൽ ക​രാ​ർ എ​ത്ര​കാ​ലം നി​ല​നി​ൽ​ക്കുമെന്ന അ​നി​ശ്ചി​താ​വ​സ്ഥ അ​വ​രു​ടെ​യെ​ല്ലാം മു​ഖ​ത്ത് നി​ഴ​ലി​ച്ചിരുന്നു.