ആണവായുധ ഭീഷണി: ഇസ്രായേലിനെതിരെ പരാതിയുമായി ഫലസ്തീൻ

ഗസ്സ: ആണവായുധം പ്രയോഗിക്കുമെന്ന ഇസ്രായേൽ മന്ത്രിയുടെ ഭീഷണിക്കെതിരെ പരാതിയുമായി ഫലസ്തീൻ. ഇന്റർനാഷണൽ ആറ്റോമിക് എനർജി ഏജൻസി മുമ്പാകെയാണ് പരാതി നൽകിയത്. ഫലസ്തീൻ വിദേശകാര്യമന്ത്രി റിയാദ് അൽ-മാലിക്കിയാണ് പരാതി സമർപ്പിച്ചിരിക്കുന്നത്. ഫലസ്തീൻ വാർത്ത ഏജൻസിയായ വഫയാണ് ഇതുസംബന്ധിച്ച വാർത്ത റിപ്പോർട്ട് ചെയ്തത്.

ഇന്റർനാഷണൽ അറ്റോമിക് എനർജി ഏജൻസി ഡയറക്ടർ ജനറൽ റാഫേൽ മാരിയാനോ ഗ്രോസിനാണ് പരാതി നൽകിയത്. ബുധനാഴ്ചയാണ് ഇതുസംബന്ധിച്ച പരാതി കൈമാറിയത്. ഗ​സ്സ​യി​ൽ ആ​ണ​വാ​യു​ധ​വും ഒ​രു സാ​ധ്യ​ത​യാ​ണെ​ന്ന ഇ​സ്രാ​യേ​ൽ പൈ​തൃ​ക മ​ന്ത്രി അ​മി​ഹൈ എ​ലി​യാ​ഹു​വിന്റെ പരാമർശം വലിയ വിമർശനങ്ങൾക്ക് കാരണമായിരുന്നു.

പ്രസ്താവന വി​വാ​ദ​മാ​യ​തോ​ടെ അ​ദ്ദേ​ഹ​ത്തെ മ​ന്ത്രി​സ​ഭ​യി​ൽ​നി​ന്ന് സ​സ്​​പെ​ൻ​ഡ് ചെയ്യുകയും ചെയ്തിരുന്നു. മ​ന്ത്രി​യു​ടെ പ​രാ​മ​ര്‍ശ​ത്തി​നെ​തി​രെ രൂ​ക്ഷ പ്ര​തി​ക​ര​ണ​വു​മാ​യി ഇ​സ്രാ​യേ​ൽ പ്ര​തി​പ​ക്ഷ നേ​താ​വ് യ​യ്ർ ലാ​പി​ഡും രം​ഗ​ത്തെ​ത്തി. ഒ​രു ഉ​ത്ത​ര​വാ​ദി​ത്ത​വു​മി​ല്ലാ​ത്ത മ​ന്ത്രി​യു​ടെ ഭ്രാ​ന്ത​ൻ പ​രാ​മ​ർ​ശം എ​ന്നാ​ണ് ലാ​പി​ഡ് പ്ര​സ്താ​വ​ന​യെ വി​ശേ​ഷി​പ്പി​ച്ച​ത്.

പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു എ​ലി​യാ​ഹു​വി​ന്റെ പ്ര​സ്താ​വ​ന യാ​ഥാ​ർ​ഥ്യ​ങ്ങ​ൾ​ക്ക് നി​ര​ക്കു​ന്ന​ത​ല്ലെ​ന്ന് പ്ര​തി​ക​രി​ച്ചു. കോ​ൽ ബെ​റാ​മ റേ​ഡി​യോ​ക്ക് ന​ൽ​കി​യ അ​ഭി​മു​ഖ​ത്തി​ലാ​ണ് ജൂ​യി​ഷ് നാ​ഷ​ന​ൽ ഫ്ര​ണ്ട് പാ​ർ​ട്ടി നേ​താ​വാ​യ എ​ലി​യാ​ഹു​വി​ന്റെ പ​രാ​മ​ർ​ശം. ഗ​സ്സ​യി​ലേ​ക്ക് മാ​നു​ഷി​ക സ​ഹാ​യം ന​ൽ​കു​ന്ന​തി​നെ​യും മ​ന്ത്രി എ​തി​ർ​ത്തു. ഫ​ല​സ്തീ​ൻ ജ​ന​ത​യു​ടെ വി​ധി​യെ കു​റി​ച്ച് ചോ​ദി​ച്ച​പ്പോ​ൾ അ​വ​ർ അ​യ​ർ​ല​ൻ​ഡി​ലേ​ക്കോ ഏ​തെ​ങ്കി​ലും മ​രു​ഭൂ​മി​യി​ലേ​ക്കോ പോ​ക​ട്ടെ എ​ന്നാ​യി​രു​ന്നു എ​ലി​യാ​ഹു​വി​ന്റെ മ​റു​പ​ടി.