ഫലസ്​തീനികളുടെ ഫേസ്​ബുക്​, ഇൻസ്​റ്റഗ്രാം ഉള്ളടക്കം നീക്കം ചെയ്യുന്നു

ജറൂസലം: ഫേസ്​ബുക്​, ഇൻസ്​റ്റഗ്രാം തുടങ്ങിയ സാമൂഹിക മാധ്യമങ്ങളിലെ ഫലസ്​തീൻ പൗരൻമാരുടെ ഉള്ളടക്കം വ്യാപകമായി നീക്കം​ ചെയ്യുന്നതായി പരാതി.

ഇസ്രായേൽ-ഫലസ്​തീൻ സംഘർഷത്തെ കുറിച്ചുള്ള ഉള്ളടക്കങ്ങളാണ്​ നീക്കംചെയ്യുന്നതിൽ കൂടുതലും. ഫേസ്​ബുക്കി​െൻറ നിയമവിരുദ്ധ സെൻസർഷിപ്പിനെ കുറിച്ച്​ ഇക്കഴിഞ്ഞ മേയിലും ഫലസ്​തീൻ പൗരൻമാർ പരാതിപ്പെട്ടിരുന്നു.

ഇസ്രായേലി​െൻറ മനുഷ്യാവകാശ ലംഘനങ്ങളെ കുറിച്ച്​ പ്രതിപാദിക്കുന്ന ഉള്ളടക്കങ്ങളാണ്​ നീക്കംചെയ്യുന്നതെന്നാണ്​ റിപ്പോർട്ട്​. ഇക്കാര്യത്തിൽ നിഷ്​പക്ഷത വേ​ണമെന്ന്​ യു.എസ്​ ആസ്​ഥാനമായുള്ള നിരീക്ഷണസമിതി ഫേസ്​ബുക്കിനോട്​ ആവശ്യപ്പെട്ടു.