ലഫ്.ജനറൽ അസീം മുനീർ പാകിസ്താന്റെ പുതിയ സൈനിക മേധാവി

ഇസ്‍ലാമാബാദ്: പാകിസ്താന്റെ പുതിയ സൈനിക മേധാവിയായി ലഫ്.ജനറൽ അസീം മുനീറിനെ തെരഞ്ഞെടുത്തു. ആറുവർഷത്തെ സേവനത്തിനു ശേഷം ഖമർ ജാവേദ് ബജ്‍വ സൈനിക മേധാവിയുടെ സ്ഥാനമൊഴിയുന്ന പശ്ചാത്തലത്തിലാണിത്. ഇൻഫർമേഷൻ മന്ത്രിയാണ് പുതിയ സൈനിക മേധാവി​യെ തീരുമാനിച്ച കാര്യം ട്വിറ്ററിലൂടെ അറിയിച്ചത്.

നവംബർ 29നാണ് ബജ്‍വ സ്ഥാനമൊഴിയുന്നത്. 2019ൽ കാലാവധി അവസാനിച്ചെങ്കിലും മൂന്നുവർഷത്തേക്ക് കൂടി അന്ന​ത്തെ പ്രധാനമന്ത്രിയായിരുന്ന ഇംറാൻ ഖാൻ നീട്ടുകയായിരുന്നു.

പാകിസ്‍താനിൽ സർക്കാരിനേക്കാൾ സ്വാധീനം സൈന്യത്തിനാണ്. രാജ്യത്ത് സ്വാതന്ത്ര്യത്തിനു ശേഷം മൂന്ന് തവണയാണ് പട്ടാളനിയമം പ്രഖ്യാപിച്ചത്.