Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഅഫ്​ഗാനിലെ ഇന്ത്യന്‍...

അഫ്​ഗാനിലെ ഇന്ത്യന്‍ നിര്‍മിതികൾ തകർക്കാൻ ഐ.എസ്​.ഐ നിർദേശം

text_fields
bookmark_border
അഫ്​ഗാനിലെ ഇന്ത്യന്‍ നിര്‍മിതികൾ തകർക്കാൻ ഐ.എസ്​.ഐ നിർദേശം
cancel

ന്യൂഡല്‍ഹി: അഫ്ഗാനിസ്താനിലെ ഇന്ത്യന്‍ നിര്‍മിത ആസ്​തികളും നിർമിതികളും ലക്ഷ്യമിടണമെന്ന്​ താലിബാനില്‍ ചേര്‍ന്ന പാകിസ്താനി പോരാളികളോടും താലിബാനോടും പാക് ചാരസംഘടനയായ ഐ.എസ്.ഐ നിര്‍ദേശം നൽകിയതായി റിപ്പോർട്ട്. അഫ്ഗാനിസ്താനിലെ ഇന്ത്യൻ അടയാളങ്ങളായ നിർമിതികളെല്ലാം ഇല്ലാതാക്കുക എന്ന ലക്ഷ്യമാണ്​ ഇതിന്​ പിന്നിലെന്ന്​ ഉന്നത വൃത്തങ്ങൾ സൂചിപ്പിക്കുന്നു.​ 20 വർഷം കൊണ്ട്​ ഇന്ത്യ നിർമിച്ച ആസ്​തികളെയാണ്​ ഐ.എസ്​.ഐ ലക്ഷ്യമിടുന്നത്​.

അഷ്‌റഫ് ഗനിയുടെ നേതൃത്വത്തിലുള്ള അഫ്ഗാനിസ്താന്‍ സര്‍ക്കാറിനെതിരായ താലിബാന്‍ ആക്രമണത്തെ പിന്തുണക്കുന്നതിനായി പതിനായിരത്തിലധികം പാക് പൗരന്‍മാര്‍ അഫ്ഗാനില്‍ പ്രവേശിച്ചതായാണ്​ കണക്കാക്കപ്പെടുന്നത്​. ഇന്ത്യന്‍ നിര്‍മിത ആസ്​തികൾ​ നശിപ്പിക്കണമെന്ന പ്രത്യേക നിര്‍ദേശങ്ങളുമായിട്ടാണ് പാകിസ്താന്‍ അഫ്​ഗാനിലേക്ക്​ ആളുകളെ അയച്ചിട്ടുള്ളതെന്ന് അഫ്ഗാന്‍ സര്‍ക്കാര്‍ നിരീക്ഷക വൃത്തങ്ങളെ ഉദ്ധരിച്ച്​ 'ഇന്ത്യ ടുഡേ' റിപ്പോർട്ട്​ ചെയ്​തു.

കഴിഞ്ഞ രണ്ട് പതിറ്റാണ്ടിനിടെ ഇന്ത്യ അഫ്ഗാനിസ്താന്‍റെ പുനര്‍നിര്‍മാണത്തില്‍ മൂന്ന് ബില്യന്‍ ഡോളര്‍ നിക്ഷേപിച്ചിട്ടുണ്ട്. ഡെലാറാമിനും സരഞ്ച് സല്‍മ ഡാമിനുമിടയിലെ 218 കിലോമീറ്റര്‍ റോഡും 2015ല്‍ ഉദ്ഘാടനം ചെയ്ത പാര്‍ലമെന്‍റ്​ കെട്ടിടവുമെല്ലാം അഫ്ഗാന്‍ ജനതയ്ക്കുള്ള ഇന്ത്യന്‍ സംഭാവനയുടെ ഏറ്റവും വലിയ പ്രതീകമാണ്.

ഹെറാത്ത്​ പ്രവിശ്യയിലെ ചിശ്​ത്​ ജില്ലയിൽ വൈദ്യുതി വിതരണം നടത്തുന്നതിന്​ അഫ്​ഗാൻ-ഇന്ത്യ സൗഹൃദ സ്​മാരകമായി നിലകൊള്ളുന്ന സൽമ ഡാമിൽ കഴിഞ്ഞ ദിവസം താലിബാൻ ബോംബിട്ടിരുന്നതായി റിപ്പോർട്ടുകളുണ്ടായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:TalibanafganisthanPakistanIndia
News Summary - Pakistani fighters, Taliban instructed to target Indian assets in Afghanistan
Next Story